منتدى منارة دشنا
خزعبلات ابو العبادى مجموعة قصائد عامية - صفحة 2 GWGt0-n1M5_651305796
منتدى منارة دشنا
خزعبلات ابو العبادى مجموعة قصائد عامية - صفحة 2 GWGt0-n1M5_651305796
منتدى منارة دشنا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 خزعبلات ابو العبادى مجموعة قصائد عامية

اذهب الى الأسفل 
انتقل الى الصفحة : الصفحة السابقة  1, 2, 3  الصفحة التالية
كاتب الموضوعرسالة
محمد ابوالعبادي
مشرف عام أخبار ومناسبات الحراجية
مشرف عام أخبار ومناسبات الحراجية
محمد ابوالعبادي


ذكر

العمر : 59
عدد الرسائل : 887
تاريخ التسجيل : 25/05/2010

خزعبلات ابو العبادى مجموعة قصائد عامية - صفحة 2 Empty
26112010
مُساهمةخزعبلات ابو العبادى مجموعة قصائد عامية

خزعبلات هى مجموععة قصائد عامية بقلم ابو العبادى
واليوم مع قصيدة شعب مصر

شعب مصر
شعب مصر دا شعب المنتجين
شعب مصر وفى كل عصر يصنع المستحيل
من ايام جدى وجدك
احمس وامون ورمسيس الكبير
جيل ورا جيل
والراية دوما للاولين
يزرع يقلع يصنع
وعمره ما كان يوم فى طابور المستهلكين
عمر صحرا شق الترعة
بنى الهرم الاصغر ويا الكبير
حفر القناة بنى السد
بادين شبابه العرقانين
شعب مصر

شعب مصر شعب النهضة شعب الثورة
وكل همه الوطن الكبير
شعب المسجد شعب الكنيسة
شعب الازهر الشريف
شعب الخفة شعب النكتة
شعب الناى الحزين
شعب مصر

شعب مصر
شعب الخضرة والنضرة
ولون النيل
شعب الحرفة والضحكة على الشفة
وغنا المواويل
شعب سعد وعرابى
وعبد الناصر الزعيم
شعب السواقى والنوارج
والصبابا المغرمين
شعب المزارع والمصانع
وزروع النخيل
شعب مصر
شعب الحكاوى والغناوى
والشعراوى الشيخ الكبير
شعب العمايم والطواقى
والجبة والقفاطين
شعب الصبايا الحلايا
امات التياب الطولانين
شعب هاجر ام العرب
وماريا زوج النبى محمد
واسيا بنت مزاحم
ست النسا فى جنة الخلد والنعيم
شعب كيلوباتراوشجر الدر
وسميرة موسى المقتولة بادين خاينين

شعب مصر

شعب الحوارى والقهاوى
والبيه واللفندى
وابن البلد صاحب القلب الكبير
شعب الريف والحضر
شعب الريشة والقلم
والتراث الاصيل
شعب الفخامة والشهامة
والطب والعمارة
والفارس النبيل

شعب مصر
شعب الحبايب والقرايب
شعب صلاته مرحومين
شعب الضيافة واللطافة
شعب كلماته مرتبين
شعب السلم شعب الحرب
شعب الكنانة والدروع المخزونين
شعب التوحيد والعبادة
وادريس النبى ارسله رب العالمين
شعب العلم والكتابة
والسبحة والسجادة
ولقمان الحكيم
شعب مصر
لا تقولى انجليز ولا اريكان
ولا هند ولا فلبين
دا شعب مصر وبكل فخر
بادى حضارة العالمين
عمره ماكان عالة
ولا ايد نجسة وبطالة
ولا عاش يوم فى طابور المستهلكين
ودا مش كلامى
دا كلام النبى الامى الامين
دا شعب الرباط هم فى الرباط
ليوم الدين


عدل سابقا من قبل محمد ابوالعبادي في 4/12/2010, 5:58 am عدل 2 مرات
الرجوع الى أعلى الصفحة اذهب الى الأسفل
مُشاطرة هذه المقالة على: reddit

خزعبلات ابو العبادى مجموعة قصائد عامية :: تعاليق

احمد ابو عاصم
رد: خزعبلات ابو العبادى مجموعة قصائد عامية
مُساهمة 21/12/2010, 4:11 am من طرف احمد ابو عاصم
لو بطلنا نحلم نموت

وربنا يقرب البعيد استاذ محمد
ونشوف الغيطان والورد والازهار
avatar
رد: خزعبلات ابو العبادى مجموعة قصائد عامية
مُساهمة 21/12/2010, 11:18 am من طرف سعيدالعارف الضبع

منتهى الجمال والروعة يا أستاذ محمد أبوالعبادى
دوما لا تسطر أقلامكم الأ كل ماهو جميل .ربنا مايحرمنا
من موضوعاتكم الجميلة والمتميزة والحلم لازم يجى يوم
ويكون حقيقة على أرض الواقع .فكل ماهو واقع بدأ بحلم
محمد ابوالعبادي
رد: خزعبلات ابو العبادى مجموعة قصائد عامية
مُساهمة 21/12/2010, 4:25 pm من طرف محمد ابوالعبادي
عزيزى ابوعاصم
اشكر تفاعلك ومرورك
عزيزى كل الاشياء بدات
بحلم ولو ملت بداخلنا الحلم
لماتت بداخلنا الحياة
عزيزى اشكرك
محمد ابوالعبادي
رد: خزعبلات ابو العبادى مجموعة قصائد عامية
مُساهمة 22/12/2010, 1:13 am من طرف محمد ابوالعبادي
بحلم باليوم الموعود

بحلم باليوم الموعود
بحلم بالحب يملى الوجود
حب صافى كله خلود
بحلم باليوم الموعود

بحلم مع الطير اللى طاير
بحلم مع المركب اللى ساير
بحلم ببكرة جاى ونفرح بالنور والضى
ونشغل من الفرحة ستاير

بحلم باليوم الموعود

بحلم يا ولاد بلدنا يا جدعان
بالغيط كله ورد وازهار
ونعيش على طول احرار
نبنى نعلى ونحقق حلم الايام

بحلم باليوم الموعود

بحلم بعالم جديد
كله جاى ومعاه فكر جديد
يبنى يعلى بعلم جديد
من غير سلاح ولا نار بتقيد
بحلم باليوم الموعود


عزيزى الاستاذسعيد
كلماتك الرائعة
وتجوالك الدائم على
صفحات وحوارى ودروب المنارة
يشجع الكثيرين على الاستمرارية
والابداع بكلماتك الرقيقة
وحروفك المنتقاه
عزيزى اشكر لك تجوالك على
صفحاتى ومن اجلك كتبت القصيدة
مرة ثانية
محمد ابوالعبادي
رد: خزعبلات ابو العبادى مجموعة قصائد عامية
مُساهمة 22/12/2010, 10:28 pm من طرف محمد ابوالعبادي
ش____________________كرا
avatar
رد: خزعبلات ابو العبادى مجموعة قصائد عامية
مُساهمة 23/12/2010, 6:50 pm من طرف عبد الفتاح عبدالشافي

رووووووووووعه

ابو حسن

ربنا يحقق احلامك

وتكون واقع ان شاء الله

يسعد به الجميع
...............
محمد ابوالعبادي
رد: خزعبلات ابو العبادى مجموعة قصائد عامية
مُساهمة 24/12/2010, 12:30 am من طرف محمد ابوالعبادي
عزيزى ابو جمال
اشكر لك مرورك وتواجدك الدائمين
كما اشكر لك اضائتك الدائمة لصفحاتى
شكرا عزيزى
محمد ابوالعبادي
رد: خزعبلات ابو العبادى مجموعة قصائد عامية
مُساهمة 3/2/2011, 11:57 pm من طرف محمد ابوالعبادي
الصنم

يقولون عنك فرعون واقول لهم لا بل يعجز عن وصفك القلم

يقولون عنك رمسيس وامون واقول لهم لا بل انت انت الصنم

انت من حرفت الضمائر وخربت الذمم

انت من رجعت بنا للوراء ورميتنا فى مؤخرة الامم

انت من حرقت الاخضر واليابس واكلتنا لحم الرمم

يدعون لك فى الاعلام واقول لهم تبت يدا وتب الصنم

حذارى يا اخوان هذا الشبل من ذاك الصنم


ابو العبادى مرابط فى ميدان التحرير
كلمات رائعة
وان كانت بالفصحى وليست عامية
ولكن تعدي علشان ظروف البرد الىى انت فيها
قلوبنا جميعا معكم
ربنا معاكم ويوفقكم
ويكلل خطاكم
ويباركها
لما فيه خير البلاد
عاوز اقول لك زي الفنان صلاح ذو الفقار
"عملوها الوحوش عملوها الابطال"
يا ريتني كنت معاهم
محمد ابوالعبادي
رد: خزعبلات ابو العبادى مجموعة قصائد عامية
مُساهمة 5/2/2011, 3:36 pm من طرف محمد ابوالعبادي
استاذ محمد جلال عديها المرة دى فصحة عشان الثورة

عزيزى انت وغيرك مع شباب ميدان التحرير بقلوبكم

وعليكم دور مهم حتى تكلل الثورة بالنجاح

ان تثبتوهم ولا تحبطوهم كما يفعل الاعلام المنتفع اعلام النظام الساقط

عيكم ان تكونوا فى ظهور هؤلاء وتكونوا سندا لهم
محمد ابوالعبادي
رد: خزعبلات ابو العبادى مجموعة قصائد عامية
مُساهمة 7/2/2011, 2:56 am من طرف محمد ابوالعبادي
اخوتى يبدو ان الصنم
راسه ناشفه ولا تريد ان تكسر
فادعو معنا
محمد ابوالعبادي
رد: خزعبلات ابو العبادى مجموعة قصائد عامية
مُساهمة 8/2/2011, 4:06 pm من طرف محمد ابوالعبادي
اخوتى الا تريدوا ان تكسروا

الصنم
هلموا شاركوا فى كسر هذا الصنم
محمد ابوالعبادي
يا واقفين فى ميدان التحرير
مُساهمة 16/2/2011, 12:44 am من طرف محمد ابوالعبادي
اليوم مع واحدة من خزعبلات ميدان التحرير

بعنوان يا يا واقفين فى ميدان التحرير

يا واقفين فى ميدان التحرير والايد فى الايد

من بحر لقبلى لاخر الصعيد


جيتم فاردين الخطاوى

تسقطوا نظام فاسد حكمه كله بلاوى

خليتم مصر تظهر فى الصورة

صورة حلوة وراية منصورة

شباب الفيسبوك وعامل وفلاح

وازهرى وطبيب ومهندس وعامل قمامة

يوم خمسة وعشرين يناير

الكل جاى فيه ثاير

كله حب مليان امل

لميدان فسيح فى ارض الوطن

الحلم والعلم على ارضه اترسم

شباب

شق الضلام وللميدان حضن

نور البرائة فوق الجبين اترسم

كبر وحمد لازم يسقط الصنم

ونظام فاسد بالحديد والنار حكم

شباب

شباب فارد الخطاوى

وعلى عمار بلاده ناوى

طالب الدنيا بالبسمة الحنونة

وناوى يرجع مصر للصفوف الاولى

شباب

شباب نورله القمر وفكره صالح

فى لهجته فى لكنته ضى الحنان طارح

يفتكر بكرة وبعده وناسى امبارح


ومصر حاضرة مالية الحتة والميادين

وطالة من الزاوية عا الملاين

من طلة الفجر والصبح والمغربية

بتنادى بصوت صافى انا عايشة

واهدى الامل لولادى

لاحمد ومحمد وجرجس وعبد الهادى
انا النيل انا الهرم انا الحضن الدافى
شباب

شباب قلبه مطمن يهدى نور الكرامة

ينادى بالعدل والحرية

حالف ينور كل الفوانيس

شق الصخر نور ضلام الليل

شعب

شعب ضجر ضرب البروجى مارش

لازم ينزل الرئيس من فوق العرش

والرئيس مكابر معاند ويقول مقدرش

اخاف عليكم من الفوضى وملو الكرش

والقيل والقال وسمك القرش

صرخ الشعب وقال لازم ينزل من فوق العرش

ارحل واطمن وعلينا متخفش

احنا من غيرك قوة ومروة

ووشوش ضاحكة مبتزعلش

مش شايف الشعب والشبان

الكل معتدل مارش

اللى واقف واللى قاعد

واللى نايم من غير فرش

وبصوت واحد وقلب واحد

ارحل ارحل ارحل

انت مبتسمعش
محمد ابوالعبادي
اخوتى الاعزاء
مُساهمة 16/2/2011, 12:09 pm من طرف محمد ابوالعبادي
شكرااخوتى الاعزاء

اود ان اوجه عناية سيادتكم

بان موضوع خزعبلات ابو العبادى

هو موضوع متجدد وليس متجمد

بمعنى انه مجموعة قصائد مختلفة

عن بعضها البعض
عبد الباسط عبد الستار
خزعبلات ابو العبادى
مُساهمة 16/2/2011, 3:22 pm من طرف عبد الباسط عبد الستار
أخى المحبوب والحبيب

الاستاذ والمحترم

محمد ابو العبادى

................. اخى وصديقى ...............

كان واجب قوى انك توضح ليا ان الخزعبلات موضوع متجدد ومش نفس القصيدة الت

قرأتها وتناولت عليها بالدخول الرد ...

انما هى مجموعة شعرية فيها كل زخمك وعطاؤك ومتجددة .. ذلك مدعاة منا للدخول والقراءة والتعاطى والرد

........................................................................

الكل واقف ومعتدل مارش

اللى واقف واللى نايم

واللى نايم من غير فرش

وبصوت واحد وقلب واحد

ارحل ارحل ارحل

...................................

هذا التصوير المشاهدى منك وانت كنت واحد من اللى فى الميدان تصوير جد جميل

خواطرك نقلت الينا الصورة والحقيقة وصوت كل الضمير

وقولك الجميل...

مصر حاضرة ومالية الحته والميادبن

وطالة من الزاوية على الملايين

.....................................


اشكرك ايها الثائر بصوتنا وحناجرنا. نشكر تفاععلك

ولك منا التحية والحب والرضا والقبول

محمد ابوالعبادي
رد: خزعبلات ابو العبادى مجموعة قصائد عامية
مُساهمة 17/2/2011, 1:22 am من طرف محمد ابوالعبادي
اخى الحبيب

والصديق اللبيب

دمت ودام قلمك
الحلو الرقيق

اعطاك الله الصحة
والعمر المديد

عزيزى واخى عبد الباسط

اشكر لك مرورك وتجوالك على كل صفحات المنارة

وخصوصا صفحاتى التى دائما ما تعطيها خصوصية

باضفاتك الجميلة وكلماتك الرقيقة ورصانتك الحصيفة

عزيزى

انها مصر مصر مص

امى وامك وام كل مصرى وطنى وليس اما لكل من خانها


ليست اما لكل من عراها واظهر عوراتها

ليست اما لكل من نهبها وسرقها وهتك عرضها

انها ثورتنا ثورتنا عزيزى

ثورت شعب مص ثورة المصرين التى جعلت اوباما الرئيس

الاميريكى اوباما ينطق العربية ويقول سلمية سلمية

ثورة جعلت زعماء العالم ينطقون ويتكلمن عن الشعب المصرى

بعد ان قالوا عنه شعب الظاهرة الصوتية فقط انظر الان ماذا يقولون عن شعب مصر

يقول اوباما
يجب ان نربى ابنائنا ليصبحو كشباب مصر

ويقول رئيس وزراء ايطايا

لا جديد فى مصر لقد كتب المصريون التاريخ كا العادة

ويقول رئيس وزراء النرويج

اليوم كلنا مصريين

ويقول رئيس النمسا

شعب مصر اعظم شعوب الارض ويستحق جائزة نوبل

ويقول رئيس وزراء بريطانينا

يجب ان ندرس الثورة المصرية فى مدارسنا

وقالت اذاعة السى ان ان

لاول مرة فى التاريخ نرى شعبا يقوم بثورة ثم ينظف الشوارع بعدها

عزيزى هذا ما فعلته ثورة مصر فى زعماء العالم

فما بالنا نحن اصحاب الثورة

لابد لاقلامنا ان تخط ولحناجرنا اان تنطق

تقبل تحياتى
محمد خلاف ابراهيم حسين
رد: خزعبلات ابو العبادى مجموعة قصائد عامية
مُساهمة 17/2/2011, 1:03 pm من طرف محمد خلاف ابراهيم حسين
السلام عليكم ورحمة الله وبركاته
سفيرنا فى الخارج
العبادي الكبير
تحياتي
الله عليك والله ما يجيبها الا الشعراء
محمد ابوالعبادي
رد: خزعبلات ابو العبادى مجموعة قصائد عامية
مُساهمة 18/2/2011, 12:44 am من طرف محمد ابوالعبادي
اشكرك حبيبى محمد

وهذه مصر يا يلحبيبى

مصر مصر يا محمد

مصر التى ضحى من اجلها

الاباء والاجداد

وحان لنا ان نفعل شئ من اجل مصر

والبركة فيكم انتم امل الامة

اشكرك حبيبى
اشرف محمد
استاذي العزيز محمد ابو العبادي
لقد عبرت عن ثورة شعب مصر في التحرير تعبيرا صادقا لانك من شارك فيها فكانت الكلمات من واقع الثورة
ولكننا ننتظر منك القصيدة الجديدة بعد سقوط الصنم والانتصار
وتقبل مني فائق الاحترام
محمد ابوالعبادي
رد: خزعبلات ابو العبادى مجموعة قصائد عامية
مُساهمة 19/2/2011, 4:36 am من طرف محمد ابوالعبادي
اشكرك عزيزى اشرف

لقد سقط الصنم فعلا كما قلت معاليك

واشكر مرورك الكريم بقصيدة

ياو اقفين فى ميدان التحرير

واعدك ان شاء الله بكل ما هو جديد
محمد جلال
رد: خزعبلات ابو العبادى مجموعة قصائد عامية
مُساهمة 19/2/2011, 12:20 pm من طرف محمد جلال
شكرا ابو حسن

وفي انتظار المزيد من الابداعات
محمد ابوالعبادي
رد: خزعبلات ابو العبادى مجموعة قصائد عامية
مُساهمة 19/2/2011, 11:24 pm من طرف محمد ابوالعبادي
مديرنا العزيز الاستاذ محمد جلال

اشكر مروركم الكريم وتفاعلكم الدائم

كما اشكر تشريفكم الدائم لخزعبلات ابو العبادى

كما اتمنى من معاليكم ارسال بريدكم الخاص

كى ارسل لكم بعض الصور الخاصة من ميدان التحرير

كى تعرضوها فى المنارة

وشكرا
يسري حنفي سرحه
رد: خزعبلات ابو العبادى مجموعة قصائد عامية
مُساهمة 27/3/2011, 5:57 pm من طرف يسري حنفي سرحه
[quote="محمد ابوالعبادي"]اليوم مع واحدة من خزعبلات ميدان التحرير

بعنوان يا يا واقفين فى ميدان التحرير

يا واقفين فى ميدان التحرير والايد فى الايد

من بحر لقبلى لاخر الصعيد


جيتم فاردين الخطاوى

تسقطوا نظام فاسد حكمه كله بلاوى

خليتم مصر تظهر فى الصورة

صورة حلوة وراية منصورة

شباب الفيسبوك وعامل وفلاح

وازهرى وطبيب ومهندس وعامل قمامة

يوم خمسة وعشرين يناير

الكل جاى فيه ثاير

كله حب مليان امل

لميدان فسيح فى ارض الوطن

الحلم والعلم على ارضه اترسم

شباب

شق الضلام وللميدان حضن

نور البرائة فوق الجبين اترسم

كبر وحمد لازم يسقط الصنم

ونظام فاسد بالحديد والنار حكم

شباب

شباب فارد الخطاوى

وعلى عمار بلاده ناوى

طالب الدنيا بالبسمة الحنونة

وناوى يرجع مصر للصفوف الاولى

شباب

شباب نورله القمر وفكره صالح

فى لهجته فى لكنته ضى الحنان طارح

يفتكر بكرة وبعده وناسى امبارح


ومصر حاضرة مالية الحتة والميادين

وطالة من الزاوية عا الملاين

من طلة الفجر والصبح والمغربية

بتنادى بصوت صافى انا عايشة

واهدى الامل لولادى

لاحمد ومحمد وجرجس وعبد الهادى
انا النيل انا الهرم انا الحضن الدافى
شباب

شباب قلبه مطمن يهدى نور الكرامة

ينادى بالعدل والحرية

حالف ينور كل الفوانيس

شق الصخر نور ضلام الليل

شعب

شعب ضجر ضرب البروجى مارش

لازم ينزل الرئيس من فوق العرش

والرئيس مكابر معاند ويقول مقدرش

اخاف عليكم من الفوضى وملو الكرش

والقيل والقال وسمك القرش

صرخ الشعب وقال لازم ينزل من فوق العرش

ارحل واطمن وعلينا متخفش

احنا من غيرك قوة ومروة

ووشوش ضاحكة مبتزعلش

مش شايف الشعب والشبان

الكل معتدل مارش

اللى واقف واللى قاعد

واللى نايم من غير فرش

وبصوت واحد وقلب واحد

ارحل ارحل ارحل

انت مبتسمعش[/quote
,,,,,,,,,,,,,,,,,,,,,,,,,,,,,,,,,,,,,,,

لا فَض فوك استاذ محمد ابو العبادي

لقد سجلت مع التاريخ ملحمة تحدث عنها العالم أجمع

لما فيها من بطولات فاقت حد الخيال ويكفى أن ثورة

دون طلقة نار واحدة وبالحس فقط أسقطت جحافل الفساد

تحياتي اليك وكل تقديري . تسلم الايادي ,تقبل مروري


Arrow Arrow Arrow Arrow Arrow
محمد ابوالعبادي
رد: خزعبلات ابو العبادى مجموعة قصائد عامية
مُساهمة 27/3/2011, 8:16 pm من طرف محمد ابوالعبادي
شكرا استاذ يسرى

على المرور الكريم والاضائة الجميلة

عزيزى هذه هى ثورة مصر ثورة شعب مصر

التى اخرجتنا من ضيق مبارك ونظامه الى رحابة

الحرية حاملين نبراس الفدء

عزيزى هذا اقل ما نقمه لاناس ضحوا بارواحهم

وانا كنت معهم عشت معهم ورايت كيف كان التعامل

عزيزى تقبل تحياتى
محمد ابوالعبادي
رد: خزعبلات ابو العبادى مجموعة قصائد عامية
مُساهمة 6/4/2011, 4:36 pm من طرف محمد ابوالعبادي
شكرا للجميع على تفاعلهم
 

خزعبلات ابو العبادى مجموعة قصائد عامية

الرجوع الى أعلى الصفحة 

صفحة 2 من اصل 3انتقل الى الصفحة : الصفحة السابقة  1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى منارة دشنا :: قسم الأدب والفنون :: مدونة الأستاذ محمد أبو العبادي-
انتقل الى: