منتدى منارة دشنا



 
الرئيسيةس .و .جالتسجيلدخول

شاطر | 
 

 خطأ شائع خاصة بين الملتزمين والملتزمات..فى الفيس بوك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عباس اسماعيل
عضو فعال
عضو فعال


ذكر

العمر : 26
عدد الرسائل : 427
تاريخ التسجيل : 01/03/2011

مُساهمةموضوع: خطأ شائع خاصة بين الملتزمين والملتزمات..فى الفيس بوك    5/10/2011, 8:52 am

..خطأ شائع خاصة بين الملتزمين والملتزمات...................

المفهوم الخاطئ وتفسيرنا لمعنى الأخوة فالله بين الشباب والبنات:

قضية منتشرة بشكل غريب فالفيس بوك بين شباب وبنات الاسلام خاصة الملتزمين والملتزمات وهو اعتقاد الكثير منا أنه طالما يتحدث مع بنت ملتزمه ومتدينه حتى لو تحدث معها فى رسايل بينهما فقط أو فى جروب خاص بيهم الاتنين فقط فهذا حلال طالما هو يرى انه ملتزم وهى ملتزمه ... ومتدينه.....من أجاز هذا !!
هل هذه لا تعتبر خلوة غير شرعية؟؟.........ما اجتمع رجل وامرأة الا وكان الشيطان ثالثهما....

تلاقى الملتزمين والملتزمات بينهوا الشباب والبنات انهم يضيفوا بعض ويتكلموا مع بعض بدون رقابة أو بشكل مستمر وبسبب وبدون سبب ويحذروهم من الأختلاط.........وتجد أن كثير منهم يحلل هذا الفعل لنفسه أو أنه يتحدث مع هذه ويضحك مع هذه ويرسل رساله لهذه وهى ترد عليه ويتناقشى بالساعات ويتكلموا فالخصوصيات وفى نهاية الحديث يقول لها:"جزاكى الله خيرا أختى ونفع بكى الاسلام والمسلمين وأكثر من أمثالك".................طيب ازاى وأنتم بتنهوا الناس عن حاجه وتأتوها أنتم !!!
هو أنت عشان بيقولوا عليك ملتزم أو بتنشر خير خلاص أنت اصبحت معصوم من الفتنه ؟؟ معصوم من وسوسة الشيطان؟؟

لالالالالالا

تلاقى اتنين متجوزين وعشان الزوجة تعرف الناس انها اد ايه بتحب جوزها وازاى هى فعلا عوزه توصله باقة ورد خالصة من قلبها تروح تكتب له عالوال بتاعه مع ورده حمرا كدا وكم قلب حلوين كده:"حبيبى كم أشكر الله الذى رزقنى زوجا مثلك...أسأل الله أن يبارك لنا فيك ويرزقنا متعة الدارين معا يا أغلى الناس ويا سندى...أحبك يا زوجى"
الزوج با لازم يرد يروح يشوف صورة كلها ورود وصورة واحد ملتحى ووحده منتقبه وبينهم قلب بيدق ويكتب:"حبيبتى الغالية يا حسنة الدنيا...ويكتبلها نشيد أحمد بوخاطر:"أحبك مثلما أنتى أحبك كيفما كنتى....ومهما كان مهما صار أنتى حبيبتى أنتى زوجتـــــــــــــــــــــ ـــــ ـــــــى أنتى حبيبتى أنتى"
وللأسف نسيوا أنهم مش فالبيت وان كم من الشباب يفتن بمثل هذا الكلام وكيف أن الشاب اذا رأى الرجل يغازل زوجته عالوال بتعها أد ايه هو نفسه يغازلها زيه لأنه فتن.....

أخر حاجه هتكلم فيها وأنا اتكلمت فيها مرارا وتكرار:"
الشباب والبنات يسألوا نفسهم تانى بس ميضحكوش على نفسهم: أنت ليه بتضيف بنت والبنت ليه بتبعت تضيف ولد أو بتقبل صداقته ؟؟
أنا مش هقول حاجه فالبنت اللى بتضيف شباب هى طبعا بنت محترمة جدا وملتزمة لكن ايه السبب؟؟ ليه ممكن تسمحى لنفسك انك تفضلى تتكلمى أنتى وشاب فالرسايل أو الشات لوحدكم ؟؟؟ مين اللى أباح هذا فى دين الله؟؟
أنا سامع حد بيقولى بنفيد بعض دينيا وسياسيا واجتماعيا وفكريا....طيب هو أنت متعرفش تفيدوتستفاد من شاب أو تفيد وتستفاد من خلال صفحه دينيه أو جروب دينى بدون صداقات وبدون اختلاط

أنا لا احرم أو أطالب بمنع الاختلاط تماما لكن كل ما أقوله:"فاتقـــــــــــــــ ــــ ــــوا الله ما استطعتم"
الرجوع الى أعلى الصفحة اذهب الى الأسفل
 
خطأ شائع خاصة بين الملتزمين والملتزمات..فى الفيس بوك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى منارة دشنا :: القسم الإسلامي :: إسلاميات-
انتقل الى: