منتدى منارة دشنا



 
الرئيسيةس .و .جالتسجيلدخول

شاطر | 
 

 يا جندى يا مجند

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد ابوالعبادي
مشرف عام أخبار ومناسبات الحراجية
مشرف عام أخبار ومناسبات الحراجية
avatar

ذكر

العمر : 52
عدد الرسائل : 886
تاريخ التسجيل : 25/05/2010

22062012
مُساهمةيا جندى يا مجند

يا جندى يا مجند

يا جندى يا مجند ...... بتضرب فى مين

...
فى اختك واخوك ........ دول مش مجرمين

دول نزلوا عشانى وعشانك

هما مكملين

دول مش كفرة ... ولا ملحدين

دول مؤمنين وموحدين .. وبيغنوا النشيد

يا جندى يا مجند ,,,,,,, يا ماسك الحديد

خضروك ...خدعوك

قالولك دول شوية عبيد

خونة وعملاء ... وبيقبضوا م الغريب

قوك على اختك واخوك

وبالدم لطخونى .......... ولطخوك

خلوك عبد ... تنفذ اوامر السيد

يا جندى يا مجند

حربك مش معاى

حربك مع العدو الغريب

تحمى الحدود ........ تحار ب اليهود

تنفذ فيهم الوعد والوعيد

حط ايدك فى ايدى

نرفع الراية ... نغنى النشيد

حط ايدك فى ايدى

نكون حائط صد .. فى وش الغريب

بلدى هى بلدك ... وطنى هو وطنك

نبكى سوا ...نصرخ سوا

نفرح سوا ...نجوع نشبع سوا

ولا تفرح فينا .. القردة والخناذير

يا جندى يا مجند

امى هى امك .. اختى هى اختك

عمر فى يوم .. ما كان بينا فرق

ولا انا مين ... ولا انت مين

طيب فاكر ,,,, عرابى

فاكر عبد الناصر الزعيم

فاكر عبد المنعم رياض ,, وابراهيم الرفاعى

فاكر الاف الميتين

دول ماتو فى حرب ...ماتوا بشرف

ولا نسيت تاريخنا اللى تسرق

باعوه الخونة ... فى سوق النخاسين

باعوا دمى ودمك .... باعوا عرضى وعرضك

خلوا الوطن باكى فى ليل حزين

اااااااااااا ه يا جندى يا مجند

اااااااااااااه يا خويا يا ابن امى وابويا

لما روحى عليك فى يوم تهون

وتخلينى باكى ,, ودمعى عا الخدين

هو دا الشرف ... هى دى الامانة

هو دا اللى وصاك به رب الدين

يا جندى يا خير اجناد الارض يا مجند

اوصى بك الرب ... وخصك رسولنا الكريم

قال انك خير جند .. اوصى بك ليوم الدين

اوعى ايدك تانى ... على اختك واخوك تتحط

اوعى تكون قاسى وغليظ القلب

اوعى تفرح فينا الشامتين

تعالى حط ايدك فى ايدى

نحمى الدم .. نحمى العرض

نشيل الهم عن المظلومين

ندعى الرب ..نشيل الكرب

عن وطن حزين

نغرس حب ,,,, نزرع ورد ... نعبر درب

نرفع راية وطن باكى فى ليل حزين

بقلم محمد ابو العبادى

5 ديسمبر 2012


ان حياتنا بحر هائج فحاولوا ان تعبرو هذا البحر بقارب من الصبر وبجداف من الامل
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

يا جندى يا مجند :: تعاليق

لا يوجد حالياً أي تعليق
 

يا جندى يا مجند

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى منارة دشنا :: قسم الأدب والفنون :: مدونة الأستاذ محمد أبو العبادي-
انتقل الى: