استغاثة عاجلة من قرية فاو قبلى- مركز دشنا- محافظة قنا للرئيس محمد مرسى والله انا انتخبتك يادكتور مرسى لكن مش عشان اموت عشان اعيش ومعظم اهل قريتى انتخبوك لانا نحسبك على خير والله حسيبك ... معقول نموت ببساطه فى عهدك ويقولوا السبب الفلول اطلاق النار فى كل مكان فى القرية فى وضح النهار وليس لنا ذنب .... . والقصة ياريس: جاءت عائلة الى قريتنا للسكن من قرية فاو غرب المقابلة لقريتنا ونشا بينهم ثأر والان يطلقون النيران فى كل مكان والنتجه موت واصابات بين ابناء قريتنا وبالامس اصيب رجل وهو فى منزله ياريس....... انتخباك لتتغير حياتنا ونتنفس الحرية ونعيش بكرامة ياريس انتخبناك لنقضى على الفلول لا ليقضوا علينا اين ياريس مدير امن قنا ولا المحافظ الذى دافعنا عنه ليبق ولم يدافع عنا ياريس السلاح بقى فى كل مكان فى القرية معقول مش عارفين ينزعوا السلاح من البلطجية ومش عارفين يدافعوا عن الغلابه اللى بيموتوا من غير تمن ياريس حالنا وقف وازاى اولادنا هيروحوا المدارس ليتعلموا فى مثل هذه الظروف ياريس عايزين نعلمهم مش نموتهم لا ياريس انتخبانك ومازلنا بنحبك الان نستغيث بك بعد الله تعالى لتستجيب لمطالبنا وكلنا ثقه لوصول اصوتنا لحل الاشتباكات اليوميه التى تحدث فى قريتنا ارجوك ياريس الامن الامن الامن ياريس قريتنا تعانى من الجهل والاهمال وعدم وجود اى مرافق او خدمات وذاد وغطى على كدا عدم الامان والخوف يايس لانريد المحافظ اذا لم يحافظ على ارواح اهلنا وابناءنا المحافظ يهتم بالمحافظة فقط اما القرى فليست فى حساباته وأخير ااسال الله يعينك ويهيأ لك البطانة الصالحة التى تعينك على الحق
الأستاذ أحمد عمر ربيعى عضو فعال
العمر : 54عدد الرسائل : 306تاريخ التسجيل : 30/10/2009
موضوع: رد: استغاثة عاجلة 5/9/2012, 9:38 pm
والله ياأباسيف أنا قرأت الموضوع على الفيس وهذا أعجبنى جدا لكن قلت فى نفسى هل الرئيس يسمع أو يشعر بمعاناة أهالى جميع الفاوات وليست معاناة فاو قبلى فقط الجميع حتى الذين يسيرون على الخط السريع من جميع الاصقاع يعانون من الخطر المحدق بهم من الرصاص واللصوص وقطاع الطرق : كم كان عندى من لطموح أن يسمع أنيننا أحد لكن للأسف لاحياة لمن تنادى
نصرالدين عبدالفتاح محمد كبير مشرفين
عدد الرسائل : 845تاريخ التسجيل : 01/09/2008
موضوع: رد: استغاثة عاجلة 6/9/2012, 12:14 am
شكرا استاذ احمد لمرورك الكريم عموما الموضوع ليه صفحة فعلا على فيس بوك انا حبيت اضع الموضوع على المنارة لانى اشتقت إليها والله لكن بالنسبة للرئيس يشعر بنا ام لم يشعر فهو مقدر من الله إن كان ينوى الخير وفقه الله واحسبه كذلك وإن كان غير ذلك فحسبنا الله ونعم الوكيل رابط الصفحة على الفيس بوك [ندعوك للتسجيل في المنتدى أو التعريف بنفسك لمعاينة هذا الرابط]
موضوع: استغاثة عاجلة 
5/9/2012, 12:38 am
