منتدى منارة دشنا



 
الرئيسيةس .و .جالتسجيلدخول

شاطر | 
 

 يا امة انا رايح مدرستى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد ابوالعبادي
مشرف عام أخبار ومناسبات الحراجية
مشرف عام أخبار ومناسبات الحراجية
avatar

ذكر

العمر : 52
عدد الرسائل : 886
تاريخ التسجيل : 25/05/2010

22012013
مُساهمةيا امة انا رايح مدرستى

واحدة من قصائدى التى القيتها على مسامع الجمهور

امس الاثنين 21 يناير بنادى الجسرة الثقافى بدولة قطر

يا امة انا رايح مدرستى

عاملة حداد يا غالية

حدادك هيطول

... مبقيناش عارفين

مين فينا القاتل ومين مقتول

ولا مين اللى عليه الدور

ساقية وقواديسها بدور

احلام مسروقة وعجل بيدور

ونفوس مريضة وراس مخمور

#### #### ####

تلميذ وكان رايح مدرسته

فرحان بكتابه وكراسته

وقلوب خضرة . ملهاش خبرة

حالمة ببكرة

وزقزقة عصافير

ونسايم هالة . عا الجناين طالة

وبلبل حزين

وصوت صداح بامل وكفاح

وحلم دفين

ودعوة ام صابرة

حاملة عذاب السنين

وضحكة سن هنية

ساعة الصبحية

باحلام وردية

وموال حزين

### ### ###

ووشوش ضاحكة

وايادى فاردة . تدعى رب كريم

نبت زهر الارض

وطل وندى المواويل

جناين ورد ..شفايف همس

متعود عليها النيل

بساتين زهر . شاربة من النهر

حالمة بامل طويل

### #### ####

يا امة انا رايح مدرستى

شايل كتابى انا واختى

يا امة يا بدر اكتمل

انا رايح وكلى امل

داخل دروب العلم

احقق الحلم

ابعد عنك الانين

يا امة مدرستى بتنادى

بصوت نشيد بلادى

وحديث وفقه وقران كريم

### ### ###

خد بالك يا ابنى من نفسك

وروح ربنا يستر

ويا ريت حلمى فيك يتفسر

واشوفك مهندس بخريطة

ولا طبيب ماسك بالايد مشرط

تشفى الام التعبانين

واللى بالامراض مسكونين

### ### ###

خرج احمد .............. خرج احمد

وجواه صوت امل

صوت علم

صوت حلم بيتولد

ركب اتوبيسه على مدرسته

واخ معاه وكمان اخته

مشى الاتوبيس

ومزلقان كان فاضى

لا صوت ولا صورة

ولا حد بينادى

وقطر سريع . يسابق الريح

وسايق نعسان

جاى من ليل جبان

حامل الم . حامل موت

حامل حزن كبير

ضرب ضربة . مالها صدة

خلت الاتوبيس نصين

وراح احمد . راح احمد

اختلط لحمه بعضمه

بلون النيل

لحم نساير . ودم سايل

وبدل المدرسة . راح عا المشرحة

وبدل المريلة . لبس الكفن

اه ياامة .. واه يا يا با

ضاع حلم الغلابة

اتقتل الحلم الاخضر

انطفى نور البرائة

وبحر البقر حاضرة

ووشوش مليانة كأ بة

وكلمة حق ضايعة

وخيال مأ تة

فساد باقى فينا ومعشش

وافاعى كبيرة فى عضامنا بتسمم

سوس وفى اساسنا بينخر

عطب وعفن ساكن فينا من سنين

ونظام جديد . قديم

لا مسائلة . ولا محاكمة

ولا حق عاد للميتين

محمد ابو العبادى

نادى الجسرة الثقافى بدولة قطر

الاثنين 21 يناير 2013مشاهدة المزيد



أعجبني · · الترويج


ان حياتنا بحر هائج فحاولوا ان تعبرو هذا البحر بقارب من الصبر وبجداف من الامل
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

يا امة انا رايح مدرستى :: تعاليق

لا يوجد حالياً أي تعليق
 

يا امة انا رايح مدرستى

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى منارة دشنا :: قسم الأدب والفنون :: مدونة الأستاذ محمد أبو العبادي-
انتقل الى: