كش ملك

كش ملك

انا زرعتك انا نبتتك ورضيتى انى اكون حزين

وتطلبى أغنى أغنى أبكى وأفرح

وف وقت ما يجى الحصاد ميت الف واحد ف كل مطرح

بياخدو دور البطوله منى

وحياتنا فيكى يامصر مسرح

وانا أللى عاشق بالرغم منى

رضيتى ليه بعزابى فيكى لما انتى عامله يامصر امى

سبتى ليه الكدابين يملو ودنى بالحكاوى

حلاقاتك برجالاتك بكره تبقى زينا

بكره تتعلم تتطاطى للى اوطى مننا

دقو بالهون اللسان طحنو حقى بالغناوى

عملو منى بغبغان فى كل زنقور الف حاوى

علمونا ان ف بلادنا الحق مات

علمونا ان الكلام زى السكات

دروايش ضريحك يابلد فوق القهاوى

وكنتى غايبه ولا الحق غاب

كنتى سايبه ولا الحبل ساب

كنتى يامصر الفريسه

قتلتى بيدك الرعايا طحنتى ولدك ف الرحايا

ارحمى قلبى اللى داب

ياولى امرنا يالى عمرك ع الكراسى ضعف اضعاف عمرنا

انزل ياريس ملت الحمل الكتاف

سجانينك بهدلونا اللى حلم غير اللى شاف

رجعونا لعهد ولى احنا العبيد وانتم سياد

اقعلى يامصر توبك زفى يامصر عبيدك

والبسى توب الحداد

مستنى ايه مستنى ايه

أأمر كلابك يضربو دوس ع الزناد

تلاتين سنه والطلقه صايبه صدرنا

تلاتين سنه اموات ولكن ناقصه شهقه مننا

دوس ع العباد

الكل واقف ف الميدان دق الجرس أم الامام

سكت الكلام الديب وقف يلقى بيان

شباب مصر اولادى ابناء شعبى الجبان

يحيا مبارك اللى عمر واللى عارك والى شاف الويل بدالك

واللى كان زى الملاك

وولادك الشهداء ياريس سقطو سهوا م البيان

حريه الكلمه اللى طلعت صاحبت صوت الادان

انزل ياريس م الحصان مصر مش ملك اللى جابك ياجبان

خطوه مات العسكرى والطابيه حاميه

سقط الوزير فى وسط مركز عسكره اللعبه حاميه

الشعب كسر القوانين دخل الميدان

قرر يكمل لعبته سلطان زمان

راهن على العسكر وع النفس الطويل

سقط الشهيد بيسلم الرايه لشهيد

وشهيد بيستشهد شهيد ويحلفه

شهد ولادك واشهدو ان اللى ماتو خلفو

طلع لسانك للتخين

الطابيه بتنادى الولد

انت البلد انت الحضاره والتاريخ

انت المدد

وقع الوزير كش الملك

مات الملك

تخسر انت ياملك

قصدى ياريس


اشتركنا فى همومنا ومواجع بلدنا

فتجمعت من سياق همومنا خيوط القصيده

فقررنا عمل اول قصيده مشتركه تعبر عن الحقبه الزمنيه التى ما قبل الثوره وبعدها


محمود عبد الرازق عسران

مصطفى عدلى

الله الله الله

قصيدة رائعة بجد

أمتعتونا

شكرا شكرا استاذ مصطفى عدلى

استاذ محمود عبد الرازق

وللابداع رجال لقد ابدعتم وامتعتم

ونظمتم فكتبتم

كلمات جميلات معبرات عن حقبة جميلة وزاهية من تاريخ مصر

حقبة سيقف التاريخ امامها طويلا كى يصف تفاصيلها ومادار بها

وستكون قصيدتكم هذه من ضمن المستندات المهمة لحكاية شعب شعب

سئم الظلم والخنوع فثار

ثورة مالها صدة

تعبر بشدة

عن بزوغ قمر العزة

اعزائى تقبلو

تحياتى

عل إسم مصر يكتب التاريخ ما شاء
أنا مصر عندى أحب وأجمل الأشياء

تسلم إيديكم بصراحه قصيده تحفه وعجبتنى خالص
بس بصراحه برده فى حاجات عايزه تتظبط فى الوزن

أمتعتونا وشكرا ليكم ياأستاذ مصطفى وياأستاذ محمود