اتفضلوا معانا ....بسم الله

ياسعادة الباشا طيب اللى زى حلاتنا
يعمل ايه دروكتى بعد ما
فتحت نفسنا واحنا لسه
صاحين من النوم ومحرومين
من هذه الاكلات طيلة فترة غربتنا
ولكن جذاء لك على فتح نفسنا على
الريق ثم حصرتناسوف اتى اليك
فى دشنا واكل هذه الوجبة عندك
عند اجازتى

بسم الله الرحمن الرحيم


اخونا الكريم

الاستاذ محمد جـــــــــــلال


طيب ودى والنبى عاوزة عزومة

يلا شباب

لسة الاستاذ محمد هيعزم

ياعم ولا كأنك موجود ...بس انت دور على الاطباق الفاضية من بعد اللحس

فول وطعمبة وبيض شكشوكة ومخلل باتنجان ومخلل طرشى وسلطة حمرا وسلطه بيضا ( طحينة) وكشررى وشوربة عدس كمان

بس انت قوم ولا ناوى تاكل معانا

مين دول ا للى سبقنا وقاعد على السفرة ومعاة مراته

عموما خلية ياكل بالهنا والشفا

استاذ محمد عبادى والنبى اوعى تجيب مراتك الجديدة كونداليزا دى

بس هات معك الاستاذ عبد الفتاح

احمدك يارب

فين الصاقع ياستاذ محمد جلال

خلينا نهضم

وياريت يشاركنا كل اهل المنارة الخير كتييييييييييييييييييييييييير

بس انتوا تعالوا

احنا كرما

وبلاش الشوك والمعالق

احنا هناكل بايدينا

وياريت كان العيش بلدى

بس ولا يهمك من قدم موجوده مابخل

اخوك عبد الباسط

شبعت يا عبد الباسط اخوي ؟؟؟؟؟؟؟

دنا لسه بقول بسم الله

عموما الاكل كتير والبركه في مديرنا الغالي

بس انا كنت يعني

عاوز اسأل يعني...سؤال

مش هكتر

قصدي مش هكتر اسئله

لكن الاكل هكتر براحتي

اصل انا وابو العبادي

محرومين الحاجات دي..ياحول الله زي ماقالكم

المهم

هو ايه سبب العزومه؟؟؟؟؟؟

محش فكر في الموضوع ده؟

بتاكلوا وبس؟

ردوا عليا قوام........ايه؟

فرح ؟

ولا طهور؟

ولا.....طيب وده اكل افراح وجوازات وطهور

لا...لا...لا....لا...

الموضوع فيه انٌ اكيد

بس هي ايه؟

الله اعلم!!!!!!

ممكن يا استاذ محمد جلال تبعتلى الاكل ده على البريد بتاعى بس اوعى تنقص حاجه
انا عددهم عشر اطباق بس بسرعه شوى يا مديرنا اصلى عصافير بطنى بتسوسو

اخويا الغالى الاستاذ : عبد الفتاح


انت طبعا عارف وقت الاكل تتوه العقول والواحد بينسى

ولكن انا افتكرتك


علشان عارف انكم فى الخليج ومحرومين من الاكل الشعبى اللذ ييييييييييييييييييذ

الاول كل واشبع وبعدين اسأل

انت مش شايف اخونا المهندس

عاوز الاكل كلة على البريد بتاعة

وكمان عد الاطباق وانا وانتو مش وخدين بالنا

مش يقول بسم الله وياكل معانا

لا عاوز ياخد الاكل ويهرب ويجرى

بس على مين ياهندسة

المناسبة .....

يمكن

نوبة كرم

انا بااهزر

مدير الادارة كريم

وكله كرم

الساقع والحلو عندى يا جماعه بس انتو تتبسطوا

[ندعوك للتسجيل في المنتدى أو التعريف بنفسك لمعاينة هذه الصورة]



والمناسبه طبعا فوز الاستاذ فى مسابقة القصه القصيره
ما تنسوش تدعولى

الاستاذ الكبير : محمد جــــــلال

مبروك فوزك بمسابقة القصة القصيرة

الف مبروك

وكمان الف تانى

وشكرا للعزومه وعقبال كل فوز ياغالى


وشكرا للاخت زهرة على التوضيح

ونوبة الكرم الحاتمى دة

عموما فتحتى نفسنا

ويارب تقدمى المشروبات فى كل المناسبات السعيدة لاسرتك ولقراء المنارة

اولا مبروك الفوز يامديرنا

ثانيا انا اتوقعت حاجه تاني غير الفوز بالمسابقه

لكن اهو كله فوز

وال يجيبه الرب يرضي بيه العبد

ياعبد الباسط اخوي المهندس بتاعنا بريده

عما يجيب من الاف الاميال

مش هيجيب من دشنا

فركة كعب

وانشاء الله تفتكرك

العافيه

والليالي الدافيه

والقوافي الوافيه

اولا الف مبورك يا استاذ/ محمد
والله انت فتحتو نفسي اصل مفيش اكل كويس في البحر الاحمر غير السمك

اخى الفاضل الاستاذ : احمد السنبسى


قوام كدة ... مستغنى عننا

اوعى تعمل فى نفسك كدة ..

نحن فى انتظارك

اخوتك وصحابك واصدقاءك

كلنا فى المنارة بنحبك

اوعى تقول تانى كدة

اوعى تفجر نفسك

اما الاكلة دى السبب فى الانتحار وتفجير بيتنا كلنا

وكمان الصرح العظيم نجع حمادى

وكمان عاوز تفجر نفسك وتحرمنا منك


عموما


قررنا

تنفيذ كل شروطك

واتفقنا مع حبايبنا اللى خارج الحدود عن مصر يساهموا معانا


فى توفير عدد (30) وجبة

زى وجبة الازمة اللى عملها لينا مدير الادارة

وكل يوم سوف نرسل لك وجبة مكونة من العشرة اطباق دى بالضبط

شوف علشان بتهمنا

غرمنا المال

وكل يوم سوف ترسل اليك الوجبة ...ديليفرى

طيب ومدير الادارة

اللى بيقول المرتب خلص


عموما


اول عزومة عندى ولمدة اسبوع

وكل مالذ وطاب وبالهنا والشفا يامدير


لكم خالص محبتى

الله عليك يا مديرنا انت هتخلني اغلق السنتر وانزل دشنا الان وربنا يسمحك يا معالي الباشا

معلش يا اخوانا

النهاردة الجماعه خابزين
[ندعوك للتسجيل في المنتدى أو التعريف بنفسك لمعاينة هذه الصورة]



وي إما تنتظروا العيش لما يطلع

[ندعوك للتسجيل في المنتدى أو التعريف بنفسك لمعاينة هذه الصورة]



او تتصرفوا من عندكم

[ندعوك للتسجيل في المنتدى أو التعريف بنفسك لمعاينة هذه الصورة]

ايها الاخوة والزوار


احنا كدة اكلنا

بلدى

زى البصارة

والعدس والخيار

والفول المدمس

ده الحلو ياشطار
مين اللى فال عاوزين فوار

دا اكلنا الصحى
من فينا مش شايف امه وسته

والعيش اللى على الدوار

لسة بنحلم ببكرة نشوفة من زمان

وحشنى صوتك ياجدة

وحشنى لمسة ايدك ياامى الغالية للعيش وهو على الادوار

محلاها عيشة المصرية الفلاحة الفالحة امى الحبيبة

فين من زمان

الفرن البلدى والدوار

وحشنى صوت البوص وهو يبنكوى بالنار

ويولع ويستوى العيش

واول رغيف سخن بالسمن والسكر

اه من الحلو بتاع زمان

صورة وحشنا فراقها من زمان

[ندعوك للتسجيل في المنتدى أو التعريف بنفسك لمعاينة هذا الرابط]


الرابط ده عليه شوية زجل على الفول

ياجماعه حرام عليكم

انتوا ناسيين انه معاكم يتامي

في الخليج؟ ومحرومين من الاكل ده

حتي كسره من الرغيف البلدي السخن

وشوية سمن وسكر جواه زي ماقال

اخوي عبد الباسط

ولا بلاش

طيب كسره حاف والنبي

والله كده حرم جدا

انا جعان لوحدي اصلا

والكبسة كبسة علي نفسنا

ومن زمان مش بنشوف الاكل ده

فالرحمة حلوه هههههههههههههه

بسم الله ارحمن الرحيم


الاستاذ والمدير العام

على عبد الله

الاستاذ مدير الادارة

محمد جلال

علشان ربنا

وسيدنا محمد

وسيدى السنجق وسيدى الفاوى

اخونا الغالى قوى

الاستاذ : عبد الفتاح

خلاص مش قادر يستنى

وبيقول ياريت حتى ولو كسرة




فى الذمة مش صعب عليكم

اول مايطلع العيش من الفرن

اصلى يااستاذ عبد الفتاح

محدش عارف الخبزة دى فين

بس اللى عارف الاستاذ محمد جلال

اول رصة تطلع من الفرن

على طول والنبى على قطر عدل

ويمكن ولاد الحلال

يبعتوا شوية مش ومقة

وشوية دقة كمون وكمان دقة سمسم

وماجور بوشة

وشوية رايب كمان



ومنطال فول مدمس فى الفرن البلدى

ودكر عدس معتبر

وشوية ملوحة رى بلدى

وجبنة قديمة لونها بنى وزى الزبده ومن الكسرة خدلك خابور

وافتكر

وادعى لايام زمان

فى الذمة ياشيخ فاكر الشلولو

ملوخيه ناشفة مع الملح واللمون والتوم والميه والخل

وكل

علشان تعرف احنا مش حارمينك من حاجة

بس اوعى تنسى اخونا محمد ابو العبادى

اوعى تكون نسيت الفراكة

والعيش الناشف المبلول

والبتاو

والبيض المشوى فى الفرن

وبليلة الشامى

والمزبوبة

والفطير

الله يرحم ايام زمان وخيره

وتراثها الحلو الممتع

يعني انت بتقول فيها

والله كان احلي اكل

مزبوبه بالعسل

ولا بالسليقه

وجور بوشه بعيش مسخن الصبح

نسيت اقول لك يا استاذ عبد الباسط

والله فيه شباب كتير حاليا مايعرف

غالبية الاكلات دي

طيب اعمل احصائيه وانت تشوف بنفسك

طيب اسال كده علي منطال الفول

والشلولو ومش المقه

والمش لخضر

والبتاو

والعدس ابو جبه وسمن بلدي

وملوحة الراي ام ديل احمر

صدقني ما حد هيعرف

واختنا زهره انا والله ما كلت ولا حاجه

عبد الباسط باين عليه عاوزني احجز في الصبح

وارجع علي مصر هو والاستاذ محمد جلال

وكل شويه يورونا حاجه جديده

ويشهونا المش

واحنا مش قادرين لا نهش ولا ننش

اصل الكقيل معرفش

وابو العبادي مقادرش

والرحمه حلوه زي ماقال المسك