ahmed khalifa
عضو فعال
العمر : 45
عدد الرسائل : 300
تاريخ التسجيل : 24/04/2010
 |  موضوع: التحرير الحرية الاستقرار  12/2/2011, 3:28 pm | |
| [ندعوك للتسجيل في المنتدى أو التعريف بنفسك لمعاينة هذه الصورة]الحريه
يا مصر..كل واحد يبتدى يوم جديد النهارده حيشم حاجه جديده فى الهوا..نسمه
العداله و الحريه..احساس انه شارك فى اعظم ثورات التاريخ..و اللى مشاركش
حاسس برضه بالمعجزه اللى شهد عليها و حيكيها لاحفاده, عارفين ده معناه ايه؟
لو جبت تقدير حتتعين مش اللى معاه واسطه! لو رحت المرور عارف تروح فين و
تعمل ايه علشان تخلص اللى جيت فيه من غير ...ماتكلم
فلان و تتزل للى يسوى و اللى مايسواش! لو طلبت النجده يردوا عليك من اول
مره و يجولك بعديها ب 5 دقائق حتى لو مش اجنبى! لو فتحت التليفزيون تلاقى
حوار بين مثقفين و علماء و فنانين مش محامى بيردح لمذيع مثلا و يبقى ده
الرأى العام بتاع مصر؟؟ لو حبيت تروح سيناء و بطاقتك مكتوب فيها بدون عمل
مثلا العسكرى ميرحلكش على بلدكم ثانى فى لورى فيه 90 واحد؟ لو كرامتك
اتهانت تقدر تاخذ حقك من اللى اهانك حتى لو رئيس بلدك مش ظابط مثلا! لو
كسرت اشاره تتحبس فيها و تدفع غرامتك حتى لو كنت مين او تعرف مين زيك زى
الناس؟ لو عييت فى تأمين صحى بجد شايلك مش حتروح تنام على ارض المستشفى و
الممرضه بتنطط عليك؟ يبقى ليك كرامه جوه بلدك و خارجها قدام اى حد؟ لو فى
قضيه زى رشوة مرسيدس تعرف مين ال مسئول عنها بعديها على طول؟ لو عايز تعمل
مشروع او شركه تروح شباك واحد تخلص منه كل حاجه و مش محتاج تدفع رشاوى؟ لو
رحت مصلحه حكوميه الموظف يخلصلك شغلك فى ساعتها من غير كل سنه و انت طيب و
فتح الدرج و لو مشتغلش يروح؟ لو عايز تشوف تعليم اساسى و ثانوى و صناعى و
فنى هو اكبر جزء من ميزانيه البلد مع البحث العلمى ! لو مش عايز تشوف طال
فى ثانيه ثانوى مش عارف 30 فى 2 بكام ! لو عايز الدعم يتوزع بعداله على
مستحقيه؟ لو مش عايز تشوف مجلس الشعب فيه عضو عمال و نفس الوقت رئيسه
الانرويل و لا فلاحين و عنده 10 مليار! لو عندك فكره تلاقى مليون جهه
بتساعدك مش بتدفنك, لو عايز تقول رأيك من غير متخاف, لو مسلم او مسيحى او
يهودى ولا حتى بوذى بس مصرى ليك حق المواطنه و العباده, لو حتى ليك مسجون
تقدر تروح تزوره من غير ذل و اهانه و رش فلوش على الحرس علشان تاخذ ابسك
حقوقك, لو بتقول رأى سياسى محدش يقبض عليك..هو كل ده اللى عملناه و بدايته
النهارده علشان يتحقق , شفتوا العالم كله بيبصلنا ازاى؟ لازم نؤمن بربنا ثم
فى نفسنا ان الحق واجب ان ينتصر و لو كره الباطل![ندعوك للتسجيل في المنتدى أو التعريف بنفسك لمعاينة هذه الصورة] | |
|
محمد جلال
مدير
العمر : 48
عدد الرسائل : 3199
تاريخ التسجيل : 20/08/2008
| | موضوع: رد: التحرير الحرية الاستقرار 13/2/2011, 3:03 am | |
| | |
|
