صوتى لحمدين
صوتى ومعاه ملايين
كلنا بنقول خمدين
صوتى اصله عزيز وغالى
مش هديه للفلول والاخوانى
صوتى وبقولها وانا صاحى
هنتخبك يا صباحى
هنتخب ناصر وفكره النضالى
هحافظ على كرامتى انا وعيالى
هنتخب اخونا وابن عمنا
حمدين دا واحد مننا
على طريق ناصر ساير
لا بيطنش ولا بيماين
ولا غير مبدء ولا طلع يوم خاين
تاريخ ونضال كبير
تلاقيه مع الغنى والفقير
امال .فلاح تلاقيه فى الغيط قاعد
وفى البرلمان بصوت الحق دايما زاعق
صوتى ليه
لانى هلاقيه معايا دايما فارق
لا هيبعنى
ولا بقوتى يوم هيقايض
لا هقبل كيلو لحمة ولا شكارة رز
ولا فلوس وهزة وسط
رشوة مقنعة بزيت ورز
هقول نعم للشرف والامانة
نعم للعزة والكرامة
هدى صوتى بكل امانة
دا حمدين عايش جوانا
ما اصل احنا شعب اصيل
لا هنقبل رشوة ولا هنفرد منديل
هدفنا واضح وصريح
هدفنا مصر ومن غير تجريح
مصر الضاحكة بلون النيل
حمدين دا اصله اصيل
لكان يوم خاين ولا عميل
لا عقد صفقة ولا شاف تدليل
ولا باع الثورة
ولا عمل للعسكر زفة وتطبيل
سجن وتسجن
تضحية وضحى
وكان الاول فى ميدان التحرير
صوتى لحمدين
صوتى لصوت فلاح
وعامل مصنع وكفاح
ووقفتنا عا رغيف العيش طوابير
صوتى لحمدين
صوتى لصوت عالى
مش خانع ولا ضلالى
صوتى لحمدين
صوتى للحلم اللى تولد فى التحرير
صوتى للى مش هيفرق بين بيه وغفير
ولا هيعمل زفة وطبول تضليل
صوتى لحمدين
بقلم محمد ابو العبادى
الاربعاء 16 مايو 2012