العمر : 52عدد الرسائل : 386تاريخ التسجيل : 23/05/2009
موضوع: فخرانيات الاثنين 16/11/2009, 5:46 am
الحقيقة يا جماعة بينى وبينكم انا طبعا لا بتاع كورة ولا حتى بعرف اللاعيبة من بعض الا بالكاد كام واحد من اعلانات التلفزيون او على الماشى كدة . واذااخدتنى نومة وصحيت منها ممكن انسى كل اللاعيبة تانى او ممكن افتكرهم هما وحظهم بقى . وطبعا مع كل دة طقت فى دماغى اروح اسمع الماتش يوم السبت زى كل ملايين المصريين الى قاموا يسمعوا الماتش . اصل انا مقلتلكمش ان انا اصلا اعتزلت الكورة قبل ما العبها اصلا لان وانا فى المدرسة الابتدائية كانوا يوقفونى جول واول ما تنشاط الكورة واحس انها جاية نا حيتى قوية اسيب الجول واهرب طبعا انا مش مضحى على وشى ولا على مناخيرى يا عم . فطبعا يطردونى من اللعب ولو نزلونى العب مهاجم او مدافع اروح اغلط واشوط الكورة فى الجول بتاعى واجيب جول فى نفسى ناهيك عن حجات كتيرة كانت بتحصل يا معلم انا مش هقلكم عليها . وعلشان كدة قرروا يعمل ماتش اعتزالى بدرى بدرى . المهم نرجع لموضوعنا ورحت على القهوة طبعا بدعوة من اتنين زمايلى ولا اقلكم الكافتيريا علشان كلمة قهوة دى مش حلوة يعنى الكافتيريا اشيك .المهم قعدت اتفرج مع الناس وبينى وبينكم على الرغم انى مش كروى ومليش فى الكورة قعدت على اعصابى لانه طبعا الماتش كان مصيرى وانتوا عارفين الحرب الى سبقت الماتش والوطنية والوحدة العربية الى على حق وكانت القلوب زى البفتة البيضة بين الشعبين الجزائرى والمصرى وكل واحد يقول كلمة الثانى يرد باجمل منها الحقيقة ونعم الاخلاق ونعم العروبة ولا عزاء للسيدات . طبعا كان منتخبنا الله يسترة دنيا واخرة فى حالة المخاض وينتظر ان يلد المهم الى ان ربنا كرمة فى بداية الماتش بجول طبعا ناتج عن خطا دفاعى وليس مهارة افراد ودى الحقيقة وتاتى الاقدار لتتحفة بهدف فى اخر دقيقة ودة طبعا ناتج عن دعاء 80 مليون نسمة بما فيهم الاطفال الى فى بطون امهاتهم الى لسة مجوش للدنيا . طبعا خلص الماتش وخرجنا للشارع وقعدت اتفرج على الطبل والفرحة فى عيون الناس ودى طبيعة الشعب الغلبان كالعادة . وطبعا كالعادة شغل بالى موضوع مهم جدا .الا وهو يا ترى الناس الى اشترت الاعلام وحضرتها للماتش من ايام قبل الماتش لدرجة ان واحد قلى ان الصين راحت استاد قنا الرياضى تبيع اعلام مصر يه فى الاستاد ووصل ثمن العلم الواحد 70 جنية وطبعا الله اعلم من صدق الرواية ولو كانت الرواية صادقة يبقىى من الواضح يا حضرات اننا عاجزين عن صنع علم مصر الى هو طبعا علمنا فالصين قررت انها تصنعه لينا وتوفر علينا التعب والجهد وعملتة وسوقتة وبردة الله اعلم جايز الرواية متكنش صح وتكون اشاعة زى اشاعات كتير بنسمعها . وارجع بردة واقلكم ان الى شغلنى هو لا قدر الله فى حالة خسارة المنتخب الماتش يا ترى الناس كانت راح تعمل ايه بالاعلام دى كلها ؟ فقلت فى عقل بالى يا واد فى مثل فى الجيش بيقلك اتصرف . اكيد فى ناس كانت راح تعملة ملاية سرير وتفرشها وناس تانى كانت راح تعملة مفرش ترابيزة وناس تانى كانت راح تستخدمة فوطة حمام وواحد تانى كان راح يجى اول الصبح ويزرع العلم فى نص الصالة ويجمع مراتة والاولاد ويوقفهم طابور انتباة وراح ييعمل تحية العلم هو والاولاد من قبيل الانتماء الوطنى . وبردة لا عزاء للسيدات وابقوا قابلونى فى فخرانيات جديدة . سلام
مصطفى عدلى مراقب عام المنارة
العمر : 39عدد الرسائل : 1951تاريخ التسجيل : 08/01/2009
موضوع: رد: فخرانيات الاثنين 16/11/2009, 10:36 am
حمدا لله على السلامه ياعم فخرانى
وحشتنا والله فخرنياتك واحنا برضه منستغناش عنك فى قسم البرامج
وبخصوص المباره والله انا صوتى لسه منحور لغايه دلوقتى
وبعدين انت قلتها الى ملهوش فى الكوره شجع ليه علشان احنا عندنا انتماء وولاء لعلمنا
وكرامه البلد تهمنا فى المقام الاول واى نصر سيحسب لمصر
انت يرضيك ياحاج فخرانى الجزائرين يغلبونا ويصعدو ويفرحو وسط 100الف مصرى وفى بلادنا لا طبعا
طب تصدق ان واحد ملوش فى الكوره سمع معايا المباره وقعد يتشال ويتنكت
وفى اخر المباره قالى الحمد لله كده احنا مهمتنا بقت سهله علشان السودان اسهل من الجزائر
الحمد لله مازلنا نتمسك بفطرتنا الطيبه
وفى انتظار فخرانياتك
المستشارصلاح رسلان مشرف سابق
العمر : 49عدد الرسائل : 864تاريخ التسجيل : 05/12/2008
موضوع: رد: فخرانيات الاثنين 16/11/2009, 10:40 am
هههههههههههههههههههههههههههههههههه وحشتنا والله ووحشتنا فخرانيات يا دكتور مصطفى وبجد موضوع الاعلام ده كان فى القاهره زى ميكون بنحارب اليهود وعلى فكره مفيش بيت فى القاهره خصوصا الا لازم كان فيه علم على الاقل والسيارات والاتوبيسات بتاعة الهيئه وبتاعة الاهالى ناهيك عن الملاكى والاجره كله مركب اعلام مصروبعدين انا كنت راجع من الشغل يوم السبت وجاى من الطريق الدائرى من المهندسين لمدينة نصر عشان البلد مقفوله ولقيت المنتخب الجزائرى راكبين اتوبيس وواقفين فى حراسات مشدده على الدائرى منتظرين تدعيم امنى عشان يدخلوا مدينة نصر ومنها على الاستاد ولو شوفت مدينة نصر بعد المباراه مفيش شارع الا مزروعه فيه كاميرا تليفزيون والفرقعات والافراح انا نفسى كنت اشوف ايام حرب اليهود سنة 73 هل كانت زى حرب الجزائر ولا ايه هو خلاص اصبح تار كبير بين البلدين واعملوا حسابكم فى ناس من الجزاير ع النت بيدخلوا وبيعملوا نفسهم مصريين ويكلموا المصريين ويقولوا خد الصوره دى بتاعة المنتخب وتلاقيها هكر او فيروسات او حاجه تدمر جهازك فكن حزر وربنا يستر وشكرا يا دكتور مصطفى على الموضوع الرائع ده
نفرتيتي عضو فعال
العمر : 49عدد الرسائل : 393تاريخ التسجيل : 22/04/2009
موضوع: رد: فخرانيات الاثنين 16/11/2009, 1:17 pm
السلام عليكم وحشتنا فخرانيتك بييقولك واحد بخيل راح يشترى علم مصر لاقاه غالى أشترى علم الجزائر أهو حاجة يدخل بيها على الأولاد وأمهم
زائر زائر
موضوع: رد: فخرانيات الاثنين 16/11/2009, 3:23 pm
بجد وحشتنا يادكتور/مصطفى طالت غيبتك علينا بعد ماتعودنا عليك نحن نعلم ان هذا حقك ولكن حقنا عليك الا تحرمنا من وجودك معنا تنور وتشرف صفحاتنا بمرورك الجميل وتعليقاتك الاجمل ومواضيعك المتميزه طال غيابك اخى الفاضل واستاذى العزيز اتمنى من الله ان يكون المانع خير لانك احد اعمدة هذا الصرح وعايز اقولك حمدالله على السلامه و نورت بيتك الثانى
مصطفى احمد الفخرانى عضو فعال
العمر : 52عدد الرسائل : 386تاريخ التسجيل : 23/05/2009
موضوع: الف شكر لكل من قدم رد على فخرانيات الاثنين 17/11/2009, 3:45 pm
الله يكرمكم جميعا واتمنى انى اكون عند حسن ظنكم بى دوما على طول الخط واتمنى من الله العلى القدير ان كل ما اقدمه يلقى استحسانكم ورضائكم لان رضائكم هو اهم شىء بالنسبة الى .
واشكر كل الاخوة والاخوات الى تقدموا بالرد على فخرانيات واقول لهم كل الشكر لكم وانا اعمل بكم وبمؤزرتكم لى .
موضوع: فخرانيات الاثنين 
16/11/2009, 5:46 am
