أطباق وسلال........... من الخوص

موضوع: أطباق وسلال........... من الخوص 30/4/2009, 1:10 pm

السلام عليكم
إليكم حرفة أخرى من ملف الفن الشعبى
أتمنى أن تنول رضاكم

لايخلو منازلنا من اطباق وسلال صنعت من الخوص وذلك لأستخدامها لحفظ الخبز أو الطعام أو تعليقها كزينة للمنزل ومن الماكن التى تصنع هذه المنتوجات بمصر (واحة سيواة _ الفيوم _ اسوان)

أنواع منتجات الخوص:

1_ ([المرجونة أو المعمورة أ التيسييت)وهى أسماء لأطباقزات أشكال مختلفة وايضا استخدمات منزلية مختلفة

2_ (الصاع) وهو مكيال للزيتون والبلح

3_(التمصلط)تستحدم كسجادة للصلاة ومنها أشكال أخرى تستخدم على كرسى السيارة

4_( القرووش) وهى الشنط على مختلف احجامها وأنواعها

5_(التقروش) فهى القفة بدون غطاء

6_(التقروش)هى القفة ذات الغطاء

أشكال مختلفة من أطباق الخوص

وتتكون هذه المنتوجات من خامة الخوص ( السعف ) المأخوذ من جريد النخيل

مراحل الانتاج:

يتم تقطيع السعف من الجريد ثم يترك فى الشمس كى يجف ( فى الشتاء يستغرق من أسبوع الى عشرة أيام وفى الصيف أربعة أيام) وبعد ان يجف يتم جمعه فى شكل مجموعة من الحزم

يتم تقسيم كل سعفة الى جزئين ويستغرق تقشير 10 جريدات حوالى ثلاث ساعات
ثم يوضع السعف فى فى الماء وبعد ذلك يضفر ويتم قص كل ضفيرة 10 باع .والباع حوالى 2 متر تقريبا ويتم جمع كل الضفائر بحيث تكونكل منها عكس الأخرى وتوضع فى الماء مرة أخرى لمدة ساعتين واثناء ذلك يتم ربطها الى بعضها البعض بخيط حريرى ويختلف عدد الضفائر حسب الشكل المراد عمله فى النهاية

[ندعوك للتسجيل في المنتدى أو التعريف بنفسك لمعاينة هذه الصورة]

بعض الحبال المصنوعة من ليف النخيل بأحجام مختلفة

[ندعوك للتسجيل في المنتدى أو التعريف بنفسك لمعاينة هذه الصورة]

أشخاص ممن يمتهنون مهنة صناعة السلال وكيفية خياطة الضفائر المصنعة من الخوص

[ندعوك للتسجيل في المنتدى أو التعريف بنفسك لمعاينة هذه الصورة]

(القروش) وهى الشنط
[ندعوك للتسجيل في المنتدى أو التعريف بنفسك لمعاينة هذه الصورة]

بعض المنتوجات المصنعة من الخوص

[ندعوك للتسجيل في المنتدى أو التعريف بنفسك لمعاينة هذه الصورة]

قمت بتجميع الصور الملحقة بالموضوع من عدة مواقع مختلفة متعددة
واتمنى ان تنول أعجابكم ......................................... نفرتيتى

يبدو أنك لم تقومي بفتح رسائلك بالمنارة
لأنني أرسلت لك رسالة خاصة بالإشراف على قسم الفن التشكيلي
عموما أنتظر الرد هنا
***
موضوع غاية في الروعة

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم
أ/ على

والله مش عارفة أقولك أيه حضرتك الوحيد هنا اللى مداوم معنا فى مواضيع الفنون التشكيلية
قربت أصدق أن الصعايدة وبخاصة الدشناوية مش ليهم فى الفنون التشكيلية هههههههه
ولكن الحق يتقال ليهم فى جماليات الأحرف الشعرية

بخصوص عرضك السابق أسمحلى بعد أذنك يكون ردى من خلال الرسائل الخاصة
شاكرة لك حسن ظنك فى
بارك الله لك
تقبل خالص تحياتى .............. نفرتيتى

شكرا لك على هذا الموضوع الرائع
وألف مبروك الاشراف على قسم الفن التشكيلى
ولكن اود ان اقول ........
ان الصعايدة الدشناوية منهم فنانون تشكيليون على اعلى مستوى
تقبلى مرورى

موضوع رائع من شخصيه اروع

وعلى فكره كما قال الاستاذ خالد ان الدشانوه مهتمين جدا بالفن التشكيلى وموجود عندنا معارض كثيره بقصر الثقافه

واهتمامنا بموضوعاتك خير دليل

استمرى فلا ياس مع الحياه

تقبلى مرورىوتحياتى

بسم الله الرحمن الرحيم
اولا هذه اول مشاركة للرد على الاخت نفرتيتى
اولا مبروك على الاشراف
ثانيا الموضوع جميل لكن لى استفسار انا احب الشىء العملى اكثر من الاكاديمى اسال ازاى الون الخوص بهذه الالوان انا اعمل اشكال واغلفها بالخيط الصوف تعلمتها من اخت من اسوان
هل الخيط الحرير مينقطعش لان الخوص قوى(انا ابله فى الماء كما ذكرت)ولكن الخيط الحرير رقيق
واخيرا نرجو ارسال المزيد من ابداعاتك الخاصة لنرى الفن الدشناوى على اصوله لنتعلم منك
واخيرا وجودك معنا اضافة للمنتدى
تقبلى مرورى اختك منحة القاضى

والهى كل موضوعاتك منتهى الجمال وانا نفسى اطبق منها فى بيتى شكرا ليكى اختنا الفاضله وعلى فكره اذا ذكرا الفن التشكيلى ذكرا الصعيده والقناويه والدنشوا لانهم من مؤسسى الفن عموما ويتجذء منه الفن التشكيلى الصعيدى يعنى الفناااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان

السلام عليكم

أ/ خالد
أ/ مصطفى
أ/ وليد
عفوا أ/ منحة ردك قادم

بالنسبة للأساتذة الكرام

اولأ: الله يبارك فيكم ويطرح فيكم الخيروالبركة

ثانيا :المقصود من كلامى أستفزازكم لدخولكم هنا فى الفن التشكيلى والحمد لله غرضى أتحقق
لان اللى قصدته من كلامى هو عدم أشتراكم وميلكم للفن التشكيلى وليس
تذوقكم للفن التشكيلى والسبب أن %90 من المشاركين بيفضلو الفرجة فقط
دون المشاركة الفعلية هنا سواء بالقبول أو حتى بالرفض
كل مجاملاتكم تسلم الأيادى والله ينور
دا لو حد حس أساسا بالموضوعات يعنى تحصيل حاصل
زهقنا من الكلام يلا بينا نحود على الفن التشكيلى
لا وألف لا
أنتو هنا حاتشركوا بأعمالكو حتى لوكانت شخابيط أو
خطوط بسيطة وحاتتعلموأبجديات الفن يعنى ترسمو وتلونو
وتشترو فرش وألوان وحاتتابعو معيا الرسم خطوة خطوة
مش كدا وبس لازم أخليكو تتعلمو النقد الفنى
وتدخلو وترفضو وتعارضو وكمان تناقشو
على الأقل فى أساسيات الفن
شوفتو أستفزازى ليكو حايعمل أيه
لؤم ههههههههه
علشان أخليكو تشاركو هنا

خالص تحياتى العطرة ................ نفرتيتى

السلام عليكم
أ/ منحة
شرفنى وجودك هنا مرورك الكريم نورصفحات االفن التشكيلى ربنا مايحرمناش من وجودك معنا
الله يبارك فيكى ويكون فى عونى لأكون عند حسن ظنكم

بالنسبة لأستفسارك
فعلا أحنا أستخدمنا الخيوط الصوف على الجريد وعلى الخوص والأكثر جمالا يكون على الجريدة نفسها
لما تكون ناشفة بليها بالميا ولو خضرا أستخدميها زى ما هى
الحاجة الأكثر أمتاع أنك بتشقى الجريدة بالتخانت اللى أنتى عايزاها
وتتحكمى فى طولها وسمكها حسب الشكل الفنى اللى انتى عايزاه بأستخدام سكين حاد أو كتر
بالنسبة لخيوط الحرير هى أنواع أختارى أكثرها سمكا وهو بيعطى نتيجة مبهرة لانه لامع بس عيوبه مش قطعه لأنه متين عيوبه أنه رفيع وبالتالى بتسخدمى منه كميه أكبر من خيوط الصوف السميكة
وبالتالى بيكلف ماديا أكثرو أستخدامنا له يكون فى قطع بسيطة و فى تصميمات صغيرة لأظهارها لا نستطيع عملها بخيوط الصوف لسماكته
ألوان الخوص بتتم كالأتى:عن طريق الصبغات العادية الجاهزة وهى نوعان سائلة وأخرى بودر
بالنسبة
للسائلة أستخدامها مباشرة بالنقع والتجفيف
بالنسبة للبودر توضع فى أناء كبير به مياه يتم غليها
ثم يضاف اليها قليل من مثيت الألوان أو قليل من الخل ثم يتم أسقاط الخوص به لمدة5 دقائق
وبعد ذلك يتم أخراجه وتركه فى الظل ليجف قليلا ثم يتم أستخدامه ويجدل كيفما تريدين

أن شاء الله سوف أعرض عليكم بعض من أعمالى

تقبلى أحترامى وتحياتى .......................... نفرتيتى

اولا الف مبروك الاشراف نفرتيتي
ثانيا انا قرأت الموضوع أكتر من مرة بس في الآخر قررت إني لازم أشارك برد
انا بصراحة ما تعمقتش جامد في الفن التشكيلي أيوة تعجبني الحاجة ديا عند البياعين وأنبهر بيها بس للاسف معرفش هما بيعملوها ازاي
وكنت عايز أرد قبل كدا على الموضوعات لكن ردي كان حيكون تقليدي
يعني زي ما قلتي شكرا بس كنت راح أضيف كلمة جزيلا برضو 0000
لكن علشان اقول لا دا الحاجة ديا البلد الفلاني بيعملها بالطريقة الفلانية معنديش خلفية عنها
أما بالنسبة للرد اللي قبل الاخير
هو انتي دارسة انثروبلوجيا وعلم إحتماع ولا إيه؟؟؟
فكرتيني بموقف حصل قدامي كنت راكب العربية من دشنا ورايح نجع حمادي وكانوا راكبين معانا جماعة تاني رجال ونساءلكن من الناس البسطاء اللي تعليمهم على كدهم
وانفتح موضوع وتبادل النقاش طبعا بصوت مرتفع في العربية بس في واحدة ست كانت لبقة جدا في الكلام مع إني أعتقد أنها لا تجيد القراءة والكتابة المهم خلت الراجل اللي كان بيتكلم بصوت على لم ينطق سوي بالجملة ديا ( يابوي ربنا قال في الجرآن - يقصد القرآن الكريم - قال دا كيدكم كبير والله قال كدة )
انا افتكرت هذاالموقف فقلت لازم انقله ردا على الرد القبل الاخير بتاع حضرتك تقبلي مني ازكى التحيات

تقبلوا مني خالص التقدير والاحترام

السلام عليكم
أ/ محمد
الله يبارك فيك
شوف خيروسيلة للدفاع هى الهجوم ماشى
جايز يكون كلامى خلى البعض يبعد منى بس معزورين لسة معرفونيش كويس ومايعرفوش
طريقتى فى الحوار
أتمنى أكون أخت ليكو ومش عيب أن أى حد ينبهنى لأى خطأ يصدر منى أوحتى يناقشنى فى جملة أوكلمة صدرت منى
الموضوع أن أنتو هنا ماشاء الله
بارعين جدا فى فن الكلمة وفى غزل الأحرف
وبالتالى بتركزو على أماكن وتسيبو الباقى عرضى
والسبب أن الناس دايما بتهرب من الرسم
مع أنه ممتع جدا وبالممارسة أنت كشخص بتحكم على نفسك وأمكانياتك الفنية

لا أنا دراستى فنية بحتة جدا جدا
أما بالنسبة لعلم الأجتماع دراستى له من خلال بعض المواد اللى طبقت علينا أثناء الكلية فقط لاغير
سيدى يسعدنى تواجدكم هنا معى
ويسعدنى أكثر أن منتدى الفن التشكيلى لفت نظركم وأخذ القليل من وقتكم
تقبلو خالص تحياتى أحترامى
نفرتيتى

والله يعلم الله
إنك أخت لنا جميعا
وانا لا أقصد من كلامي سوى المزح فقط والله
وانا لم أرد بهذا الرد إلا بعد ما قرأت لك بعض الموضوعات وشفت ردودك المرحة
وأرجوا أنك لا تفهمي ردي بطريقة خطأ
تقلبلي المرور المتواضع

الف مبروك الاشراف اخت نفرتيتي

السلام عليكم
أ/ محمد
دمت بالود والخير
ربنا مايجيبش أى زعل
تحياتى وأحترامى

أ/ احمد
الله يبارك فيك مشكور على المرور
تحياتى العطرة