مسابقة شعرية في الرباعيات لأعضاء المنارة

عندي ليك طبيب يداوي الالم ويا الجراح

من غير متروح عياده ولا باب تفتحه بمفتاح

الصبر للعليل دايما تلاقيه اجمل دوا

بكتر الصلاه علي النبي قلبك من الهموم يرتاح

حلوة صلاة النبي بتخفف الأزمات

بيها ننول الشفاعة وندخل الجنات

رب العباد والملايكة معاه يصلوا عليه

أحمد زعيم البشر غصبة عن الخواجات

ههههه

تشوف العين كتير من الغزل والكلمات

متصلي بينا عليه افضل الصلاوات

قابل رب كريم وعدا من 7 السموات

يارب السنه الجايه تكون علي عرفات

آمين يا رب العالمين مع بعض إن شاء الله

يارب يا ابو عبدالله
شكلك هتنام ياباشا
تصبح علي خير
انا هجيب الرابط الاول بتاع ام كلثوم علشان انام مرتاح ههههههه

نكمل علي حرف ال ت

تروح ايام وتيجي ايام فاضل ايه تاني

هل العيد وراح العيد ادعوا يجي هنا تاني

العام الجاي يمر قوام وترجع الدنيا فرحانه

بهلال العيد واللبس جديد وميكونش حد وحداني

يا رب توعدنا بزيارة ونحج بيت الله ونطوف

يوم عيد وفرحة مليانة بالود والحب ونشوف

حبايبنا وصلهم مسطر وفي الكتاب معروف

نديهم ولا نبخل ولا ننسى مين علمونا حروف

في اول زيارة مكهه .........نطوف بالبيت ونصلي

ونبوس حجر الجنان ........وعلي الرسول ونصلي

ونشرب من زمزم...... وشرابها حسب القلب النيه

والنيه كمالة المناسك ...وف حجر اسماعيل ونصلي

ياللي تعبت وحدك من ليلك ونهارك

امدح طه الحبيب في ليلك ونهارك

نبدي المدح من جديد ومعزومين صحبه

يابختك ياللي بيت الحبيب كان جارك

كويتنب بنار العشق.......لما الفكر راح مني

واقول كلام مفهوم........ومحبش حد يجاملني

نار المحبه شديده....واشد منها العتاــــــــــاب

ومدام نويت ع الفراق.....مستني ايه منــــــــي

كرم ربنا عمره ما كان له سياج وحدود

تنده تقول يا رب تلاقي ف الحال مردود

والتوبة طعمها حلو وربنا المعبود

لما أغض البصر تنزل في قلبي سدود

(من المعاصي )

آسف لم أفطن للصفحة رقم 41

ونكمل على حرف الدال

دوايا حداكم يا أهلي وخلاني ( أصحابي )

ورحت حيكم أدور على خِلاني ( أخوالي )

أبويا قالي ياواد روح وخلاني (جعلني )

يا ريت دعوتك تصيبني وتخلاني ( تكون فريدة من نوعها )

ياعزيز عندنا وغالي....... تعالي الدوا موجود

وان عز علينا شفاك......... اعبر لك انا لحدود

سنة اله الكون.............. لكل الخلايق رساله

تعالي وشوف الدوا .......بمدحه تعيش ف خلود

دوا الحبايب لقاهم وانا داويا فين

انا كل ما افتح سكك الاقى العدا قافلين

احترت وقالولى الدوا دكتور

والف وادور والاقى الطبابه قافلين

نزلت دموعي على خدي كما الأنهار

سيَّرْت فيها مراكب ماشية بالأقدار

راضي أنا ببلوتي وصابر على البلوى

رغم انكسار الأماني هاكمل المشوار

اكيد عشان اجازه العيد يامصطفي اههههههه

طيب

راح ادور معاك ع الحبايب .............وهما اكيد قاعدين

يستنوا تشاور بصابعك........... ويحموك برمش العين

ولايهمك من العدا وقعدتهم ..........واصبر علي الاحباب

وان غابوا الحبايب يوم...... اجبهوملك في غمضة عين

نون النزول صعيه ودموعك علي غاليين

وشراع المراكب دوم تمشي مع الساريين

امنا بقدر الله واصبر كمان يا مديــــــــر

وان غاب قلمك يوم حــــنكمل احنا بمين

نزول الدمع من العين والله يكوي كمنار " نار"

وحرقة الاه تطلع وكأنها عزف ع الاوتار

ما يشعر بيها ولا يحسها الا اللي اتكوي بالنار

اصبر ياصاحبي وربك رحيم وعالم بالاسرار

فينكم يا اهل الحي...... بقالكم كتير ماجيتوش

شغلتكم هموم الدنيا ......ولا الحبيب مجكوش

ان كان غيابكم دلال.......... زيدوا كمان وكمان

وان كان بدون اعذار........ هرسل اليكو جيوش

شفت دشنا ظاهرة فى الصورة
وولادها راكبة مو جة مسرورة
ومعاهم العلم والدين وادين شاكرة ومشكورة
راس حافية وراس لابسة العمة من الشمس مستورة

ودي ابدا بيها ازاي ان شاء الله؟؟؟؟؟؟؟؟؟؟؟؟

طيب

هقول لك كلام.............. بس ع الفؤاد مكتوم

دشنا فيها رجال......... وكرمهم في الزياده دوم

منادر مفتوحه للغريب.......... وساحاتها بالفدان

ونعم الرجال.......... في الحق ميعرفوش اللوم

من القرى الف قرية
كل مخلص زى امه وعمه
من النيل ارتوى ومن الغيط اطعموه
الولد طلع فالح زى خاله وكمان ابوه

تاني؟؟؟؟؟؟؟؟؟؟؟؟؟؟؟؟
.............

هي الهاء مفيش غيرها........ ولا الحروف خلصت

تعبتني بالهاءكان الحروف...... من جعبتك خلصت

مالها بقية الحروف......... والا انت نسيت قولنا

احوالنا كانت صراع ........وبفضل الكريم خلصت

تعبان من الهاء والهاء هائنا
وكتر عتابك والعتب عتابنا
ما خلصت الحروف دا الشعر دا كتابنا
وتمون ياغالى لجلك نغير الحرف وكتابنا

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى