| | صـاحبى العادى ( قصيدة )!! |  |
|
+4كبرياء امراة منحة القاضي الجنتل بهاء الدين حسن 8 مشترك |
| كاتب الموضوع | رسالة |
|---|
بهاء الدين حسن
عضو مميز
العمر : 59
عدد الرسائل : 184
تاريخ التسجيل : 14/02/2009
|  موضوع: صـاحبى العادى ( قصيدة )!!  19/7/2009, 8:03 pm | |
| صاحبى إللى كان يكلمنى فى الشعر والــــروايــات وآخـــر الليــل يرجـعــلى تحت باطــــه الإصدارات الــمــغـــرم خــــــالــــص بالتاريـخ وبالفتــوحـــات مافوتش الفرصـــــه بــقــــــى مـــــــــادى !!أكلــمـــــه فى الشـعر يكلمنى فى البورصـه !!***ياحرامى ... ياإجرامى سرقتـه منى ، وقدامى !! فاضل إيــه ... تسرق أحلامى ؟! *** يازمـان ... خـد نيلى نيـــلى مـلـــوث !! تشـــرب منـــه ضهرك يتقوس !!*** خـــد نايــبــى إللى ماطايلهوش ف وطن بايــع مـلـك ولاده !!***خـد قـــواتـــى وأربجيهاتىدول مش سـنـدى ولادراعاتـــى !!ســـند الحاكـم إللى بيقـرأ عنــى يوماتــىكشــف حســـاب فيه حركاتـــى !!***خــد أهـــرامـــى ومـســـلاتـــى دول مش ملكى ملك الآتــــى !! إللى بيدفـــع ...أكتــر منـــى وبيتصـور جنب بخاتى !!وبخاتى كان واد خيـال أجر فرسه للخواجاتى !! ***خــد سيــفــى أحـارب ميــن ؟! وعدوى أصبح إخواتى ؟! ***خــــــــد ....وخــــــد ....ورجــعــهـــولــى صــاحبــى الـــعــادى مش صاحبى المادى .ــــــــــــــــــــــــــــــــــ [ندعوك للتسجيل في المنتدى أو التعريف بنفسك لمعاينة هذا الرابط] | |
|
| | |
الجنتل
مشرف سابق
العمر : 52
عدد الرسائل : 454
تاريخ التسجيل : 02/12/2008
| | موضوع: رد: صـاحبى العادى ( قصيدة )!! 19/7/2009, 9:03 pm | |
|
عــــــادى ..عــــــــادى
با عــــــــم بهـــــــــاء
كل أصحابى لهم حكايات
إللى الميه الوسخـــــــــه
لحســـــــــت مخــــــــــه
مخه إتحــــــــــــــــــول
وبسبب البيعه إتســـــــول
تطـــــــــع تنـــــــــــــزل
تكتــــــــب تمســـــــــــح
تعمـــــــــل واقفـــــــــــه
ومفيـــــــــش فايـــــــــده
كــل الفايـــــــــــــــــــده
فى درج ســـــــــــــعادته
ورقـــــــــــــه بميــــــــه
هتمشــــــــى ورقتــــــــك
وإمســـــــــك وقتـــــــــك
دور تانى .. فتش تانـــــى
يمكن مره تلاقى حقوقـــك
بس هقـــــــــــــــــــولك
أحســـــــــــــــــــــن دور
عــــــلى صـــــــــــاحبك
تانـــــــــــى .....
المبدع بهاء حسن لك تحياتى وإمتنانى
عدل سابقا من قبل الجنتل مان في 20/7/2009, 2:11 pm عدل 3 مرات | |
|
| | |
منحة القاضي
مشرف سابق
العمر : 58
عدد الرسائل : 913
تاريخ التسجيل : 28/03/2009
| | موضوع: رد: صـاحبى العادى ( قصيدة )!! 19/7/2009, 9:23 pm | |
| كل حاجه فى بلدنا أصبحت غريبه
الأرهابى رسموا على قورته زبيبه
والاغانى بتتكتب عن حيوانات فى الزريبه
والأسعار بترتفع بصوره رهيبه
والحرامى بيتغنى ويتهرب من الضريبه
والغلبان بيتمسك ويتحط فى التخشيبه
والبلد كلها أصبحت نهيبه
-------------------------------------
كل حاجه فى بلدنا أصبحت غريبه
النظافه فى الشوارع بقت مافيش
واللبن فاسد من التغشيش
والمراكز العليا محتكرها متقاعدين الجيش
والحكومه نازله سجن فى الأخوان وتطفيش
والشباب بيعانى من الضياع والتهميش
والمساطيل زادوا من غير أفيون ولاحشيش
------------------------------------
كل حاجه فى بلدنا أصبحت غريبه
الزحام زاد فى قاهره المعز
والأنفلونزا طالت الفراخ والوز
والحديد بقى أبن عز
والاسمنت سعره زلزال بيهز
وأحنا مش لاقيين العيش والرز
واللى يعترض يتقال له طز
---------------------------------
كل حاجه فى بلدنا أصبحت غريبه
بعنا كرامتنا ومشينا ورا الامريكان
وطلبنا منهم المعونه والأحسان
والديمقراطيه ماأنش ليها الاوان
واللى يتظاهر يتضرب على ظهره بالعصيان
والمحروقين والغارقنين نسيناهم فى الأكفان
وشغلنا نفسنا بقضيه هاله سرحان
-------------------------------------
كل حاجه فى بلدنا أصبحت غريبه
الجراج بنوه ودفنوه من غير جنازه
وكأن الفلوس كثيره عندنا ومالهاش عازه
والشوارع مليانه باخوان التوربينى وبزازه
ووزاره الشئون وجمعياتها واخده اجازه
والحكومه مرتبطه مع الحزب بجوازه
وأحنا بنشرب من سنين من نفس الازازه
-------------------------------------
كل حاجه فى بلدنا أصبحت غريبه
كل واحد كان بليد فى المدرسه وخايب
كبروا علينا وعملوه نايب
وقزقزه اللب والنوم فى المجلس أمر مايتعايب
والاراضى والشاليهات بتتوزع على الحبايب
والمال العام بيتسرق وكأنه مال سايب
والشعب كله بيعاملوه على أنه غايب
----------------------------------------
كل حاجه فى بلدنا أصبحت غريبه
البقر والجاموس جالها حمى القلاع
وعمر أفندى أتباع من بعد صراع
والدور جاى على باقى القطاع
ورجل أعمال من النوع الطماع
بنى قدام القلعه أبراج وقلاع
والشكل التاريخى للمنطقه ضاع
-----------------------------------
كل حاجه فى بلدنا أصبحت غريبه
قدموا مواد من الدستور للتعديل
والنتيجه كانت تعديل هزيل
واللى يعترض يبقى خاين وعميل
والتزوير شغال الصبح وبالليل
و ناس بتهرب الفلوس وبتعمل لها غسيل
وأصحاب مراكب نايمه وعايشه فى النيل
منسيه من الدوله وكأنهم مجاهيل
كل حاجه فى بلدنا أصبحت غريبه | |
|
| | |
الجنتل
مشرف سابق
العمر : 52
عدد الرسائل : 454
تاريخ التسجيل : 02/12/2008
| | موضوع: رد: صـاحبى العادى ( قصيدة )!! 19/7/2009, 10:01 pm | |
| الأخت منحه
شكراَ لهذه الصوره الشبيهه بالليله الكبيره
التى تصور ما يحدث فى بر مصر . مصر المحروسه
بتاعة الترشيحات والتعديلات والإنتخابات والديمقراطيات
وأبونا " السقا مات" | |
|
| | |
كبرياء امراة
عضو نشيط
العمر : 45
عدد الرسائل : 108
تاريخ التسجيل : 09/07/2009
| | موضوع: رد: صـاحبى العادى ( قصيدة )!! 19/7/2009, 10:25 pm | |
| رجعت بلادى الحلوة لقيت.. *** بورصة وبنوك وتعدين..
ومسرح وأوبرا وسينيما.. *** ودعاية وتسويق وفنانين..
وفضائيات واعلانات دلع.. *** عمالة تغيظ المحرومين ..
وفلل وشاليهات وشقق.. *** وأراضى .. بتتباع بالملايين ..
وكيلو اللحمة اللى قفز.. *** سعره.. لحاجة وسبعين ..
ومتر البلاط بالجنيه... *** بقى.. بستة وتسعين...
وطبيب طول الشهر شغال.. ***زى العبد.. بخمسة واربعين..
وناس كتيرة شايلة محمول.. *** وصوتهم.. واصل للصين..
وناس صوتها.. متحشرج.. *** لما يتكلموا.. تسمع أنين..
وأطفال جعانة عريانة وبردانة ***مستقبلهم بين الوحل والطين..
وناس بتقول..يا رب لقمة..*** وناس عمالة تسرق الملايين ..
والشباب..اتبخرت أحلامهم.. *** حتى شوية مية..مش لاقيين..
سياحة .!! أيوة طبعا فاهمين..***الاقتصاد.. يلزمله تموين...
لكن..بالله عليك يا خويا قوللى..*** فلوس السياحة رايحة لمين؟
بالله عليك من فضلك قوللى..*** الموظفين الغلابة ياكلوا منين؟
آه ....آه..... آه ....آه...يا بلدى | |
|
| | |
خالد الشويخى
عضو نشيط
العمر : 51
عدد الرسائل : 133
تاريخ التسجيل : 17/09/2008
| | موضوع: رد: صـاحبى العادى ( قصيدة )!! 20/7/2009, 12:52 pm | |
| جميل يا عم بهاء
متعنا بإبداعاتك فى المنارة
وما تتقلش علينا يا عم | |
|
| | |
علي عبد الله
مؤسس المنتدى
العمر : 53
عدد الرسائل : 3082
تاريخ التسجيل : 19/08/2008
| | موضوع: رد: صـاحبى العادى ( قصيدة )!! 20/7/2009, 1:59 pm | |
| مش عارف أحيي مين ولا مين
بصراحة كلكم مبدعين
الأستاذ بهاء والأستاذ الجنتل والأخت منحة والأخت كبرياء
شكرا لكم أمتعتونا
وفي انتظار الأستاذ مصطفى عدلي ليدلي بدلوه | |
|
| | |
احمد سلامه
مشرف عام أخبار ومناسبات الصعايدة
العمر : 61
عدد الرسائل : 889
تاريخ التسجيل : 29/04/2009
| | موضوع: رد: صـاحبى العادى ( قصيدة )!! 20/7/2009, 5:05 pm | |
| بارك الله فيكم جميعآ
وبلاش تخبيط في الأزايز يا شعراء المنارة
وتقبلوا تحياتي | |
|
| | |
منحة القاضي
مشرف سابق
العمر : 58
عدد الرسائل : 913
تاريخ التسجيل : 28/03/2009
| | موضوع: رد: صـاحبى العادى ( قصيدة )!! 20/7/2009, 5:06 pm | |
| شكرا استاذ على عبد الله
لكن حضرتك تبع اى حزب
لاتخاف حنجيب لك عيش وطحنية
عيش شمسى جميل | |
|
| | |
منحة القاضي
مشرف سابق
العمر : 58
عدد الرسائل : 913
تاريخ التسجيل : 28/03/2009
| | موضوع: رد: صـاحبى العادى ( قصيدة )!! 20/7/2009, 8:12 pm | |
|
مافيش حاجة
الشاعرة المصرية إيمان بكري
مانيش عايز خلاص حاجة
ولا محتاج أنا لحاجة
ولو عايز صحيح حاجة مخليتوليش ولا حاجة
عموماً بصوا فيه حاجة ...هقولها بس محتاج لعقول تفهم.. ولو حاجة
مهيش مفهومة او حاجة ....نفسرها بكام حاجة
نوضحها بكام حاجة وأهى حاجة مع حاجة هتظهر وتبان لنا حاجة
وانا ما بخفش من حاجة مانيش مسنودة ولا حاجة
لكن ما بخفش من حاجة
لكن فرضاً لو هقول حاجة هيحصل إيه ؟ ولا حاجة
هيعملوا إية ؟ ولا حاجة
ولو بعد الشر .. بعد الشر لو واحد من القاعدين من السامعين من الضالين فِهِم حاجة
هَيعملوا إيه ؟ اكيد برضُه ولا حاجة
فنتوكل على الستار لوجه الله نقول حاجة
فيه ناس بتعيش علشان حاجة و ناس بتموت علشان حاجة
و ناس بتموت على الحاجة
و ناس تديلك الحاجه وهى ليها محتاجه
و ناس تديلك الحاجه و تاخد قصادها ميت حاجه
و ناس تكبر تكون حاجه و ناس تصغر علشان حاجه
و ناس منظر ومش حاجة و تلقاه كبير حرس ونفير عليه منظر
وهو جبان وشيخ منصر ولا يبـنش عليه حاجة
كلامى يا خلق فيه حاجة .. لحد دلوقتى فيه حاجه
كلام عادى و بسيط جداً .. ولا فِهشِ ولا حاجة
ما انا ما أقدرش أقول حاجه صحيح نفسى أقول حاجه
وميت حاجه لكن مش قادرة اقول حاجة لأنى لو هقول حاجه
هييجى ناس بتوع حاجه وياخدونى ورا الحاجة
وهو لو سمع حاجه هيعملوهالى ميت حاجه
عموما ... بصو لو حد من القاعدين عايزنى أبلغه بحاجة يقول مايخفش من حاجة
نعم .. فيه إيه؟ ...لالأ مافيش سرقه ولا تهليب ولا تهريب ولا حاجة
وبتقول إيه...مصمصوا إيه.... وخصخصوا إيه....ده كله كلام مفيش حاجه
قضية إيه ..ياشيخ روح خلاص مافيش حاجه
حرامى إيه ... و لكح إيه ... و هرب إيه؟ شــفـافـيـه مافيش حاجة
وبتقول إيه .. لالآلأ عـــيب لافيه تدليس ولاترقيص ولا تدبيس ولا حاجه
سمع مع هوووس انا حاسس انه فيه حاجة
دقيقة سكات لَتبقى حداد انا حاسس انه فيه حاجه
زمنكوا ياخلق فيه حاجه ولازموا كام و ميت حاجه
ده لو يعنى إذا كان فيه حاجة
انا عن نفسى مش حاسس ولا بحاجة ولا متضايق و لا حاجة
سعادتك برضه مش زَيـىِ مافيش حاجة
أهـه بيقول مافيش حاجة جنابك برضه مش زَيـىِ وعلشان زَيـىِ مافيش حاجة
أهـه بيضحك بيقول مافيش حاجة
ما أنا قولتلكو من الأول مافيش حاجة
عليا النعمه يا اخوانّا مافيه حاجة
و رحمة ابويا ويّا أبوك على إللّى جابوك ما فيه حاجه
وعهد الله . وعهد الله. وعهد الله ما خللولنا ولا حاجه
بقولك إيه خـــلاص خلّص وفركش يلا اخوا
[/size] | |
|
| | |
مصطفى عدلى
مراقب عام المنارة
العمر : 40
عدد الرسائل : 1951
تاريخ التسجيل : 08/01/2009
| | موضوع: رد: صـاحبى العادى ( قصيدة )!! 20/7/2009, 9:55 pm | |
|
بدايه لا يسعنى الا ان اشكر كل من شارك فى هذا الموضوع الرائع
ومنورين المنتدى وفعلا هى دى بلدنا وربنا يصلح الحال
الحاوى
ياما ف الجراب يا حاوى وياما ف الليالى حكاوى
زى مايدارينا ضلام الليل بتدارى برضه البدله بلاوى
كش ملك.....مات الملك.....جابو الولد
كوتشينه والله يا بلد كوتشينه من غير الولد
البنت بتقش الولد مش كل دكتور بيداوى
ياما ف الجراب يا حاوى وياما ف الليالى حكاوى
زى مايدارينا ضلام الليل بتدارى برضه البدله بلاوى
شباب ملقب با العاطل قتلوه وقالو انه القاتل
جواز عتريس من فؤاده باطل لسانا بندفع ف اتاوى
ياما ف الجراب يا حاوى وياما ف الليالى حكاوى
زى مايدارينا ضلام الليل بتدارى برضه البدله بلاوى
محكمه كمنا نحن بالبراه وعلى القتيل دفع الرسوم
الناس دى ممتتش من الغرق الناس دى ماتت م الهموم
قبل اما تطلع من بلادها طلعت فى الاول م الهدوم
وانسى ياعم بلا شكاوى
ياما ف الجراب يا حاوى وياما ف الليالى حكاوى
زى مايدارينا ضلام الليل بتدارى برضه البدله بلاوى
قالو عصر الانفتاح وبلادنا عرضوها ف مزاد
بيع ياعم بيع ياخال كله فايده للبلادكله فايده للعباد
بكره يتباعو العباد بس يتباعو رخيص
اصل احنا سلعه ولا تساوى
ياما ف الجراب يا حاوى وياما ف الليالى حكاوى
زى مايدارينا ضلام الليل بتدارى برضه البدله بلاوى
الضاحك الباكى | |
|
| | |
زائر
زائر
| | موضوع: رد: صـاحبى العادى ( قصيدة )!! 21/7/2009, 12:03 am | |
| وانا نفسى اقول حاجه ومش هيهمنى حاجه
ايه اللى بيحصل ده اكيد هتقولوا ولا حاجه ارجوكوا حد يفهمنى تسموا اللى بيحصل فى مصر ده ايه؟؟
لما اللى يتكلم فى السياسة و يقول رأيه
يروح ورى الشمس قال ايه بيخطط ضد النظام..تسموا ده ايه؟
لما دخل الناس هوه هوه و الاسعار بتولع نار و يقولك مصر عايشة أزهى عصور الرفاهية وان هم الحكومة هو المواطن البسيط محدود الدخل!!تسموا ده ايه؟؟؟
لما يطلع عمر خالد من مصر و يتقفل بابها فى وشه و يتمنع وجدى غنيم و غيرهم وغيرهم من دخول مصر و ترحب مصر بالاحضان بنانسى عجرم و هيفاء وهبى و غيرهم و غيرهم ..تسموا ده ايه؟؟؟
لما يتخرج (المواطن البسيط) من الجامعة و ما يلاقيش شغل بشهادته و دراسته و يجيله احباط و اكتئاب ....تسموا ده ايه؟؟؟؟/
لما يكون المشاهير فى التليفزيون و نجوم المجتمع هم رجال الاعمال و الراقصات و المغنيين و الممثلين و آل ايه دول بيمثلوا مصر.... تسموا ده ايه؟؟/
لما حد يقول عاوزين نطبق شرع الله و يكون دستورنا هو القرآن و يتقال ارهابى و عاوز يرجعنا لعصور الظلام و يتقال الكلام ده بمنتهى البجاحة..تسموا ده ايه؟؟؟
لما تطلع واحدة مجنونة زى نوال السعداوى تتطاول على الله و الانبياء و عاوزة تعدل فى احكام الشرع و ما تتعاقبش على كلامها ده....و يعتقل اللى عاوز يطبق الشريعة الاسلامية فى بلد المفروض انها اسلامية...تسموا ده ايه؟؟؟
لما يتعين وزير زراعة يقضى على صحة الناس بالمبيدات و الاسمدة المسرطنة المحرمة دوليا و يسيب الوزارة بعد ما يقضى على صحة الناس بمنتهى البساطة ومن غير ما يتحاسب..تسموا ده ايه؟؟؟؟؟
لما يتعين وزير تعليم يكون كل هدفه تخريب التعليم و يخلص مهمته و يمشى بمنتهى البساطة..تسموا ده ايه؟؟؟
لما يكونوا عاوزين يلغوا التربية الاسلامية من المناهج بالتدريج و احنا دولة اسلامية..تسموا ده ليه؟؟؟؟
لما يتكلم كل من هب و دب فى احكام الله و شرعه و يقول الحجاب ده حجاب للعقل و ما بيعجبنيش ...كل ده و احنا دولة اسلامية ..تسموا ده ايه؟؟؟؟
لما تبقى الرذيلة و الفجور و الانحلال و التحريض عليهم فن و يتاخد عليه جوايز..تسموا ده ايه؟؟؟
لما ياخد الممثلين عن المسلسل الواحد مليون او اتنين او حتى 100 الف جنيه و ياخد المدرس 200 جنيه و الطبيب 300 جنيه و غيرهم من المتعلمين فيه منهم اقل من كده كمان...تسموا ده ايه؟.؟؟؟
لما يتضرب القضاة بالجزم فى الشوارع و يعتقل اصحاب الفكر الاسلامى ... تسموا ده ايه؟؟؟
لما تبقى البيضة بجنية او حتى ب 75 قرش و اللحمة ب 40 جنية او حتى ب 35 جنية و الناس لسه دخولها زى ما هيه و لسه بياخدوا علاوة الجواز 2 جنيه..تسموا ده ايه؟؟؟
لما يتعامل المواطن فى بلده على انه مواطن من الدرجة التانية او العاشرة و يلاقى نفسه مضطر يسافر و يبعد عن اهله علشان لقمة العيش كل ده و هو متعلم و المفروض ان بلده تكون محتاجاه....تسموا ده ايه؟؟؟
لما يروح المواطن يتعالج فى مستشفى حكومى يتعامل اسوا معاملة و ممكن يتنقله دم ملوث او لو مات جوه المستشفى يتسرق منه اعضاؤه..تسموا ده ايه؟؟
لما يموت 1000 شخص غرقا فى عبارة من اكتر من سنة و صاحب العبارة لحد دلوقتى ما اتعاقبش و يطلع فى التليفزيون مع مذيع من اياهم عاوز يلمعه اعلاميا بمنتهى البجاحة... تسموا ده ايه؟
لما تطلع مذيعة اطفال فى برنامج من كام سنة علشان تحكى للاطفال عن هجرة الرسول من مكة للمدينة و تقولهم ان الرسول يا ولاد خاف و هرب من مكة هو واصحابه و يعدى الموضوع كده ...تسموا ده ايه؟؟؟؟
لما ييجى واحد من الاخوان يسافر و يلاقى نفسه كل اجراآته تتعطل او يتمنع من السفر طيب حيرتونا انتو عاوزينهم فى البلد ولا لأ؟..اذا عاوزينهم قارفينهم ليه و اذا مش عاوزينهم سيبوهم يمشوا!!! تسموا ده ايه؟؟
لما.. و لما... ولما ...ولما... و حاجات تانية كتير تسموا ده ايه؟؟
ارجوكوا فهمونى قبل ما اتجنن و كملولى الحاجات اللى تجنن اللى ما كتبتهاش
و...
نتقابل هناك......
فى
مستشفى المجانين طبعا |
|
| | |
منحة القاضي
مشرف سابق
العمر : 58
عدد الرسائل : 913
تاريخ التسجيل : 28/03/2009
| | موضوع: رد: صـاحبى العادى ( قصيدة )!! 21/7/2009, 2:54 am | |
| اسال الاستاد احمد سلامة يااستاذ محمد السمان | |
|
| | |
| | صـاحبى العادى ( قصيدة )!! | |
|
