استفتاء للاعضاء ارجو الافاده

مع اقتراب شهر رمضان اقترح ان نقوم جميعا بعمل شنطه رمضان للاسر المحتاجه ويقوم كل شخص بدفع مبلغ من المال ومن معارفه ويقوم القائمين علي المنتدي بتعبئه شنطه رمضان وتوزيعها علي الاسر المحتاجه وجزاكم الله خيرا

فكرة رائعة

لازم المنتدى يكون له دور فعال على ارض الواقع

نعمل جمعية مثلا باسم المنتدى

وايه الراى القانونى لسيادة المستشار

احنا عددنا لاباس به

ونعمل دعوة لكل الاعضاء فى الداخل او الخارج وهم كثر

علي بركة الله
والدال على الخير كفاعله

يا جماعه في الاول نساهم معا في شنطه رمضان لان الوقت مش في صالحنا وبعدين سواءا عملنا جمعيه او حساب جاري المهم المصلحه تمشي ويا ريت تقولولي ازاي هتكون المساهمه علشان انا في الخارج

انا اسف للجميع والله انا كان قصدى السرعة مش اكتر
وانا مقلتش فول بس انا قلت جميع السلع
وبعين يا سياد المستشار صلاح احنا مع بعض هنا فى المنار ونعرف من بعض اية النقص واية الذيادة
ولو فى حاجة نقصة هنقول ياجماعة نقص السلعة كذة
بس هيا محتاجة تنظيم وبكدة هنكمل كرتونة رمضان من غير مشاكل واسرع
وذى ماقلت قبل كدة دة رئى مش اكتر

اولا اشكر الاخ عماد على هذه الفكرة الجميله وثانيا واللهى انا رئى مع احترامى للجميع ان الرسمى اضمن وبعيد عن وجع الدماغ و ان فكره الجمعيه فكره رائعه بس نرجو الانجاز وربنا يكرم بازن الله وتتيسر والبركا فى سيادة المستشار وحسب كلام سيادة المستشار ان الجمعيه ليها دعم من الدوله وهيكون ليها تبرعات من كل مكان اما بالنسبه للتجميع لو كل واحد حط مبلغ برضو هيكون عدد الفقراء اكسر من عدد المتبرعين وشكرا

الاستاذ علي عبد الله بعد التحيه انا شايف ان الناس لسه معملوش اي حاجه سواء قمنا بتوزيه اموال او سلع غذائيه المهم يبقي عملنا حاجه وانا شايف ان فيه ناس كتيره عندها افكار كويسه وانا شايف ان ممكن نعمل كام مشروع ومنها يبقي وفرنا فرص عمل ومنها نصرف علي اهداف الجمعيه فمثلا ممكن نعمل مشروع مصنع مخلل صغير وهناك عده مشروعات صغيره لا تكلف كثيرا وفي نفس الوقت ستساعدنا واللي عنده فكره يقولها ونستفيد منها

رمضان خلاص ومافيش الا الكلام على العموم انا سارسل ماتجود به النفس الى الحد المشايخ الذين وهبوا انفسهم لله وهو يتولى الامر تحية اليه وان شاء الله يوفقه وهو يرعى ارامل وايتام ومساكين وكثير من اهل دشنا يتصدقون فى السر وهذا سر ستر الفقراء فى صعيد مصر والبيوت اسرار والاسلام ليس كلمات بل افعال والصدقة نور وبركة لصاحبها وانتم اعلم لاحوال جيرانكم فساعدوهم فى السر وانا اقول ماسأفعل علانية لانى اريد ان يحذو اهل الخير والصلاح خطاى والله هو الذى يتقبل او لا والصدقات سرا وعلانية كما امرنا الله ولكن لابد من تذكير الناس بها فى هذا الزمن الممتلىء بالموبقات ولكنه ايضا ملىء باهل الخير وهنا طلب منى احد الاصدقاء ان اشترى له فى مصر شيئا يوقفه لله فى حدود المليون جنيه ليهبه لاحدى الجمعيات وكانت زوجته صاحبة المبلغ بارك الله قيها وفيكم والسلام

الشباب هو الامل فى الحياة والاحساس عالى عندهم ولكن المشكلة فى الكبار والتعقيدات الروتينية السخيفة احيانا والرسول عندما اعطى فأسا لمن سأله ليقطع الحطب ويأكل من شغل ايديه اعطاه درهم لطعامه ودرهم لكى يشترى الفأس والشباب العاطل الان ذنبه فى رقبة من يملكون المال ولايفتحون مصانع لهم وانا من خلال تجارتنافى الخشب عرفنا ان كثير من الدول تمنع تصدير الاشجار من اجل ان يعمل الناس فى تلك المصانع وفى دشنا مثلا مصنعين لايستفاد منهم الا القليل والله يشهد لو بيدى الامر لنقلتهما فى الصحراء الممتدة غرب النيل الى حدود ليبيا لا وسط الناس ناشرين المرض والربوو الهباب الاسود على الزرع والضرع غير حكاية صرف الكيماويات السامة فى مجرى مائى وهى مصيبة تنشر السرطان والكبد والكلى ونتمنى ان تكون مصانع دشنا صديقة للبيئة وهم يعرفون مامعناها ووزير البيئة يعرف المعنى تماما وللاسف هى ليست كذلك كان الله فى عون الناس