رحبوا بعودة أختنا نفرتيتي من عمرة رمضان

ألف حمد الله ع السلامة
عمرة مقبولة إن شاء الله
وعاوزينك تحكيلنا على كل حاجة بالتفصيل
من أول يوم سافرتي فيه لحد ما رجعتي بالسلامة
يللا ورينا الهمة في قسم أخبار الأعضاء
أحنا منتظرين على أحر من الجمر
تحياااااتي لك

السلام عليكم

الله يبارك فيك أستاذ على دا من ذوقك وكرمك

وأن شاء الله كل مسلم ومسلمة تكون من نصيبه
لو عايز التفاصيل يبقى تستنى عليا كام يوم أفوق من الضيوف وأظبط النت عندى فى البيت لانى دلوقت أنا فى نت خارجى وصعب أقعد فيه كتير لظروف المكان
بس يشكل مؤكد أنا ماكنتش عايزة أجى هنا تانى يلا الله يسامحهم مارضيوش يسيبونى هناك ولتلهم أعملو نفسكو مش شايفينى ولا حاجة كدا لا أزاى يانمشى سوا ينقعد كلنا سوا حاجة تغيظ
هههههههههه الواحد يروح ومايخدش حد من اهله يشبط فيه علشان لو قرر عدم الرجوع مايرجعش

حاضر أنت تؤمر

مرسيه على ذوقك وكل سنة وأهل المنارة دايما بخير وسعادة

السلام عليكم ورحمه الله وبركاته

وحمد الله علي السلامه يا حاجه / نفرتيتي وعمرة مقبوله أن شاء الله

وتقبلوا تحياتنا

الحمد لله على سلامة الوصول وعمره مقبوله وعقبال الحج ان شاء الله

الف حمدا لله على السلامه عمره مقبوله ان شاء الله

والمنتدى من غير نفرتيتى كانت نقصاه حاجه مهمه جدا

تقبل الله منا ومنك صالح الاعمال وكل عام وانتى بخير

الحمدلله على سلامة العسولة نفرتيتى

المنتدى من غيرك وغير بعض الاخوة فعلا بيكون ناقصه كتير
متاخرة بس عذرا لان المودم كان عندى عطلان
الف حمدا لله على سلامتك
وتقبل الله طاعتك وعقبال الحج بس بعد الجواز وعلى ضمانتى
سلامى لكل الاهل اللى كانوا معاك واختك دكتورة.....
اسال الله ان يرزقكن بالازواج الصالحين
انتوا فعلا رائعين

السلام عليكم
أ/ أحمد سلامة
ربى يسعدك وان شاء الله يكون الحج من نصيبك والتهنئة من نصيبنا أحنا

السلام عليكم
مستشارنا / صلاح رسلان
ربنا يتقبل منا ومنك أن شاء الله
وعقبالك قريب بأذن الله

السلام عليكم
أ / مصطفى
الله يبارك فيك ويوعدك بزيارة الحبيب أن شاء الله
معقولة انا أعمل الفراغ دا كله طيب دانتو اللى منورين المنتدى وقنا
تعيش وتسلم من كل شر

السلام عليكم
الغالية / منحة
ربى يسعد أيامك ويبارك فى أولادك
سامحينى على أخر مكالمة قفلت بسرعة لاننا كنا فى المطار وفاكرين ان الطيارة اللى طالعة مش بتاعتنا وكل الرحلة فى وادى وباقى الناس طالعة بأتوبيسات على الطيارة وفجأة قالولنا أننا كمان على نفس الرحلة وتخيلى 100 شخص من رحلتنا منهم30 من الصعيد بيتحركو مرة واحدة
عارفة انا أخدت أختى وطلعت أجرى بيها وسيبت كل الناس اللى معايا هههههههههههههه
حتى خالتى زعلت وقالت لى فكرت فى أختك بس وسيبتينى طيب بالزمة واحدة معاها جوزها وأخوها حاتغلب هههههههه
طبعا أختى أهم
تفكير انانى بس ساعتها مافكرتش غير فى أختى يانتوه سوا يانرجع على مصر سوا حتى لومتنا نموت سوا ومافيش واحدة فينا
تزعل على التانية دا مبدأنا فى الحياة
سلامك وصل ومردود له أحلى سلام منها
أبقى طمنينى عليكى دايما وخلينا على أتصال
خالص تحياتى لأسرتك

السلام عليكم
أ/ على

أسفة على التأخير بس دا خارج عن أرادتى
المهم نبتدى الرحلة صلى على الحبيب
بداية كنا قاعدين فى قلق لانهم قالو ان التأشيرات واقفة وخدنا فى الموضوع دا أسبوع كله يأس وفجأة أتصلو من الشركة يوم الثلاثاء وقالوا أستعدوا السفر الاربع الساعة 3 فجرا بصراحة كانت أحلى مكالمة
وفعلا أتجمعنا عند الشركة الأربع الساعة 3 واتحركنا الساعة 4من قصاد شركة السياحة ومشينا على طريق الغردقة كان لينا نصيب وأتسحرنا فى الكيلو 85 وبعدين أتجهنا على القاهرة من طريق الأسماعيلية وصلنا مطار القاهرة الخميس الساعة 1ظهرا وأخدنا فترة فى الجوزات لان كان فى ناس كتير سنها لا يسمح بالسفر طبقا للشروط اللى أتوضعت للظروف الصحية والأنفولونزية ههههه
المهم أخيرا أخدنا وبعد معاناة وتوهة فى البوابات لان المشرف الله يكرمه ساب الناس من البوابة الخارجية وقال كل واحد مع نفسه ودا كان أول درس لينا المهم الناس تاهت من بعض وكل مجموعة قرايب بقو لوحدهم وأخيرا عرفنا البوابة من الميكرفون الداخلى للمطار لدرجة أننا ركبنا الطيارة فعلا وفى ناس المفروض انهم معنا جم فى اللحظات الاخيرة تاهو برضه هههههه
حاجة غريبة مع أن مجموعة وجه بحرى اللى معانا فى نفس الشركة ماتاهوش ولا حاجة تقولش كانو قاصدين يتوهو الصعايدة هههههه
واتحركت الطيارة الساعة 4 ..و و و

بعدين نكمل
أتركك فى رعاية الله

[ندعوك للتسجيل في المنتدى أو التعريف بنفسك لمعاينة هذه الصورة]

حمداً لله على سلامتك

نفرتيتي
عمرة مقبولة بإذن الله وعقبال الحج إن شاء الله
وعقبال الجميع يارب
تقبل الله طاعتكم وصالح أعمالكم
وكل عام وانتم بخير

حمدالله على السلامة
وأتمنى لك عمرة مباركة وعقبال الحج ان شاءالله

السلام عليكم
أ/ محمد
اللهم أمين ربنا يتقبل منك ومنا
وانت بألف خير وصحة وسعادة

السلام عليكم
أ/ خالد

الله يسلمك وعقبالك ان شاء الله
كل سنة وانت طيب
دمت بالخير والود

السلام عليكم
أ / على
متابع معايا ؟؟
طيب على بركة الله
نكمل
أتحركت الطيارة منمطار القاهرة الساعة 4ونصف وقبل مانفطر بدقايق تم الأعلان عن الوصول للميقات الخاص بالأحرام لأهل مصر وبدأنا فعلا بالتلبية ودقايق وقدمولنا الفطار وصلنا مطار جدة بعد ساعتين
وكانت أعداد كتيرة وصلت قبلنا ماكانش فى كشف صحى زى الناس مافاكرة ولكن جهاز حرارى موجود فى الممر قبل شباك الجوازات المفروض أننا بنمر قصاده ولو استشعر اى تغير فى حرارة الفرد يتم العزل له واستدعاء الطبيب المختص والحمد للله ما فيش حاجة من دى حصلت لكن مع الأعداد الرهيبة عدينا من الجوازات الساعة 12مساء وجمعنا شنطنا وخرجنا من المطار كان فى ثلاثة اتوبيسات مختصة برحلتنا وانطلقنا للمدينة المنورة وفى الطريق قبلتنا استراحة مقاربة جدا لاستراحة الكيلو 85 عندنا أتسحرنا فيها كانت الساعة تقريبا 3 ونصف فجرا على فكرة الطريق يشبه تماما طريق قنا الغردقة ويمكن كل الناس اللى معانا لاحظو كدا المهم وصلنا بحمد الله مدينة رسول الله بعد صلاة الفجر بدقايق كان الناس خارجين فعلا من المسجد بعد الصلاة مشهد
مايتوصفش من الجمال مسجد محاط بهالة من النور الربانى نسينا معاه السفر والتعب وكلنا فكرنا فى حاجة واحدة اننا نرمي الشنط فى الفندق ونجرى نحصل الصلاة قبل طلوع الشمس
من أجمل اللحظات وجودك فى مسجد رسول الله تحس للحظة أنه حلم مش عايز حد يتكلم لا تصحى وتكتشف أنه حلم الخوف حتى من الهمس جو ومكان له سكينة وراحة نفسية مش حاتلاقيهم فى أى مكان على سطح الأرض حتى داخل أعماق نفسك
.......و
.......و
نكمل بعدين
وسامحنى أنا والله خارج البيت علشان بس أقدر اتواصل معاكو ومابعدش أكتر من كدا
اتركك فى رعاية الله


حمدالله على السلامة وأتمنى لك عمرة مباركة وعقبال

» رحبوا معى بعودة ياسمينة المنتدى
» عضو جديد رحبوا به معى
» رحبوا معى بالنجم الجديد .... معاذ سيد بسيونى .........
» رحبوا معي بانضمام ابو العبادي لهيئة الاشراف
» كل سنة وانت طيب يااخ وليدجنيدى