الحرس يسحق الاهلي في مبارة في قمة الجمال

[ندعوك للتسجيل في المنتدى أو التعريف بنفسك لمعاينة هذه الصورة]توج نادي حرس الحدود بطلا لكأس مصر للعام الثاني علي التوالي بفوزه علي
النادي الأهلي بركلات الجزاء الترجيحية بنتيجة 5-3 بعد تعادل الفريقين في
الوقتين الأصلي والإضافي 1-1 في المباراة النهائية.

وأضاع محمد فضل ضربة الجزاء الثالثة للأهلي في الوقت الذي تمكن فيه
الحرس من إحراز ضرباته الخمس كاملة.
بهذا الفوز، يلتقي الفريقان
مجددا في بطولة السوبر المصري للموسم الجديد بصفة الأهلي بطلا للدوري وبصفة
الحرس بطلا للكأس.
تقدم الحرس اولا عن طريق احمد سالم صافي الدقيقة
الاخيرة من الشوط الاول قبل ان يتعادل محمد بركات للاهلي في الدقيقة 83.

ملخص الشوط الاول
بداية اللقاء شهدت سيطرة ميدانية لحرس الحدود
لقرابة الـ15 دقيقة أضاع خلالها احمد حسن مكي فرصة ذهبية للتسجيل عندما كسر
مصيدة التسلل الأهلاوية في الدقيقة 3 وانفرد بمرمي شريف إكرامي تماما
ولكنه سدد في جسد الأخير.[ندعوك للتسجيل في المنتدى أو التعريف بنفسك لمعاينة هذه الصورة]شاهد الفيديوهدف حرس الحدود
أول
تهديد حقيقي للأهلي علي مرمي الحرس جاء في الدقيقة 16 عندما استغل محمد
فضل كرة طائشة سددها مباشرة في اتجاه مرمي علي فرج ولكن لسوء حظ مهاجم
الأهلي وقفت العارضة بالمرصاد لكرته.
ثم انفرد فضل من الجهة اليمني
بمرمي فرج في الدقيقة 18 ولكن تسديدته اصطدمت بقدم إسلام الشاطر لتضيع
الفرصة الثمينة.
وشهدت الدقيقة 25 فرصة لا تضيع من قبل حرس الحدود عندما تمكن لاعبوه من
كسر مصيدة تسلل الأهلي للمرة الثانية لتصل الكرة "مقشرة" إلي احمد عبدالغني
الذي أطلق تسديدة قوية من داخل منطقة الجزاء ولكن الكرة مرت بغرابة شديدة
بجوار القائم الأيسر.
وعاد عبدالغني في الدقيقة 42 ليطلق تسديدة قوية
من الجهة اليسري أنقذها إكرامي بيديه الاثنين بصعوبة.[ندعوك للتسجيل في المنتدى أو التعريف بنفسك لمعاينة هذه الصورة]شاهد الفيديوهدف الاهلي
وفي
الدقيقة الثالثة من الوقت بدل الضائع احرز احمد سالم صافي الهدف التقدم
المستحق للحرس، فبعد مراوغة ممتازة من احمد حسن مكي لحسام عاشور مرر لاعب
الحرس كرة عرضية متقنة لصافي القادم من الخلف والذي لم يتوان في إيداع
الكرة برأسه في شباك إكرامي بسهولة.
الشوط الثاني
بداية الشوط
الثاني شهدت فرصة خطيرة للاهلي عن طريق محمد ابوتريكة الذي وصلته الكرة
عالية داخل منطقة الجزاء ليسددها تريكة برأسه فوق المرمي بقليل.

عقب الفرصة الأهلاوية، ضغط حرس الحدود بقوة علي الأهلي وأضاع مهاجمه
احمد حسن مكي فرصتين ذهبيتين لإضافة الهدف الثاني.
ففي الدقيقة 54
سدد مكي ضربة رأسية من داخل منطقة الـ6 ياردات ولكن شريف إكرامي تمكن من
حماية مرماه بصدة غاية في البراعة حول الكرة من خلالها إلي ركنية.
وبعد
تنفيذ الركنية، وصلت الكرة مرة ثانية إلي مكي الذي انقض علي الكرة برأسه
مرة أخرى وهو خالي تماما من الرقابة ولكنه وضعها بغرابة شديدة خارج المرمي.

اجري الجهاز الفني للأهلي عدة تغييرات بنزول كل من احمد شكري واحمد حسن من
اجل زيادة الفاعلية الهجومية ولكن ظل الأهلي يعتمد علي الكرات العرضية التي
كانت دائما وأبدا في متناول مدافعي الحرس.
وجاءت الدقيقة 83 لتحمل
الفرج لجماهير الأهلي عندما مرر حسن كرة بينية رائعة لبركات الذي انفرد
بالمرمي ووضع الكرة ببراعة شديدة "لوب" من فوق علي فرج ليدرك الأهلي
التعادل.
وكاد مكي ان يباغت دفاع الأهلي في الدقيقة 91 عندما استغل
تباطؤ مدافعي الاهلي في تشتيت الكرة لينقض عليها وقت خروج إكرامي ولكن لسوء
حظه اصطدمت الكرة بحارس الأهلي والت إلي خارج الملعب.
وفي الدقيقة
94 كاد ابوتريكة ان ينهي المباراة في وقتها الأصلي عندما وصلته الكرة داخل
منطقة الجزاء ليسدد كرة قوية تصدي لها بشجاعة بالغة علي فرج بجسده لينتهي
الوقت الأصلي بعدها بالتعادل الايجابي ويلجأ الفريقان إلي الوقت الإضافي.
ملخص
الشوطين الاضافيين

لم يشهد الشوط الثالث أي فرص حقيقية علي مرمي
الفريقين حيث وضح جليا الإرهاق الذي أصاب لاعبي الفريقين جراء المجهود الذي
تم بذله طيلة الـ90 دقيقة الأصلية

مع بداية الشوط الرابع سدد بركات كرة قوية من الجهة اليمني مرت قريبة
بجوار القائم الأيمن لعلي فرج.
ورد عليه عيد عبدالملك عندما اخترق
الجهة اليسري وسدد كرة قوية مرت بقليل فوق عارضة شريف إكرامي.
وفي
الدقيقة 113 وضع تريكة الكرة بمهارة من داخل منطقة الـ6 ياردات ولكن علي
فرج المتألق وقف بالمرصاد لتسديدة اللاعب الأهلاوي.

[ندعوك للتسجيل في المنتدى أو التعريف بنفسك لمعاينة هذه الصورة]

سلاااام عليكم

الف مبروك لحرس الحدود

وكان فوز مستحق وليس ساحق

ولنا لقاء اخر في كاس السوبر

تقرير اخباري جميل من شخص عزيز علينا جميعا
ولا يعوقه سوي الاتي :
أولا : الحرس لم يسحق الاهلي لان الاهلي لعب ماتش رائع وان م يحالفه الحظ
ثانيا : نتيجة ركلات الترجيح انتهت 5/4 وليس 5 / 3

ثالثا : كل التحية والتقدير لجماهير الاهلي التي ظلت بجانب الفريق في كل الاوقات
وطالما أن اللاعبين لم يقصروا فمفيش اي مشكلة بناقص كأس
كما أن ركلة فضل لم تخرج خارج المرمي ولم يصدها الحارس وانما ارتدت من القائم يعني ملعوبة بمهارة
كل الموضوع انه فضل ماكانش موفق في االمباراة دي

وتحية خاصة للاستاذ حمادة الشحات ابو قلب ابيض بخطين حمر
وتقبل سلامي

المباره كانت في قمة الروعه بس للامانه الحرس يستحق المباره من البدايه لكن الاهلي اشتغل من منتصف الشوط الثاني فقط
هذا للامانه فقط والموضوع علي فكرة منقول من موقع اخر

سلام خاص جدا للمحترم محمد فوزي
علي فكرة والله الماتش كان جميل بجد انما موضوع العنوان اللي انا وضعته لجذب كل الاهلاويه للمشاركه كنوع من انواع الدعابه فقط
لانكم كنتم جميعا عليا وانا بحارب لوحدي واللهم لا شماته ههههه
معلش هرد لاك تتعوض ان شاء الله في بطوله الانديه ياعم محمد

انت حبيبي يا استاذ حمادة شحات
وأحب اهديلك الصورة دي

[ندعوك للتسجيل في المنتدى أو التعريف بنفسك لمعاينة هذه الصورة]

وأقول المثل ((القرعة تتباهى بشعر بنت أختها))
مع ان الحرس مايقربلكمش لأنه اداكم خمسة صفر لما كان بيدربكم الزعيييييم فاروق جعفر

عارف الصورة دي فيها شبه كبير جدا من لاعب الزمالك شيكابالا هههههههه
طبعا انا مش ناسي لانه تاريخ ياعم احمد
بس والله تعليق جميل من شخص اجمل ولنا لقاء يا احمد بك

عيوني
وعيون شبيهة شيكابالا تحت أمرك يا حمادة بك
ونلتقي في الواقع او في الماتشات انا تحت أمرك
ومش عايز ابوظ فرحتك النهاردة
بس انا بالنسبة ليا الحمد لله جات من الحرس مش من الاسماعيلي ولا من قرايبك بتوع بني عبيد
اللي هما الزمالكوية

ههههه طبعا لازم نفرح للحرس مهما الامن والامان يا استاذ/احمد واحنا لينا بركه غيرهم ههههه والله انا اصلاً كنت خايف تيجي فينا من الفيوم من البدايه كان شكلنا هيبقي اوحش بكتير لكن لما نطلع من فريق كبير زي الاهلي اكيد احسن مليون مرة كفايا فضايح بني عبيد هههه
بس انا اتمني اقابلك في الواقع لانك انسان في قمة الاحترام وشخصيه جميله
ومشاركتك الجميله تدل علي شخصيتك
بارك الله لنا فيك ومنور دايما الدنيا كلها

مبروك للحرس الفوز
فرقة كويسه .. وتستاهل الفوز
الزمالك كان خد دسته أو قول سته رايح أربعه جاي
الأهلويه رجاله حتي الرمق الآخير
جماهير .. ولاعبين
مبروك للفائز

[ندعوك للتسجيل في المنتدى أو التعريف بنفسك لمعاينة هذه الصورة]

فاكر صفر المنديال
ينطبق علي الزمالك .. أنت بتتكلم علي
فريق بيصفي علي النهائي
أنتوا كده الزملكاوية
أسد عليه وفي الميدان نعامة

اضحك الله سنك ياحاج/حماده دياب
متزعلش انا بقدم اعتذاري لحضرتك وكل الاهلاويه ياعمنا
هو احنا لينا بركه غيركم
ربنا يخلي الاهلي دايماً نجم ساطع في عنان السماء علشان خاطر الناس الحلوه اللي معانا في المناره وعلي راسهم الحاج / حماده دياب
وحظ اوفر المره القامه بأمر لله

شكرا
يا أستاذ/ حماده شحات
لكرم أخلاقك وأدبك العالي أنت رجل محترم .. العيال كأنهم يا أخي مقريه فيهم عدة ياسين .. اليوم أنا تعبان
مرحتش الحرم .. صاحبك الزملكاوي
بعتلي رساله مع واحد من اللي بنصلي معاهم .. يا أخي متش واحد يرقدك عيان دا أنا .. عشرين متش معملوش فيه حاجه.

ههههههههههههه
اللي ميعرفش يقول عدس هو ايد حسبها حسبات تانيه انكم اتغلبتم وعلشان كده انت مرحتش اليوم
هما الزملكاويه كده نوايهم مش خالصه ابداً
ههههههههههههه
الف مليون سلامه لحضرتك ياعمنا وربنا يتم الشفاء علي خير يارب وزي ما قال ليك احنا اصلا اتعودنا خلاص بس بنضحك علي بعض وننتظر الموسم المقبل d]زي كل مرة هههه ] كلام وبس

الله يعطيك العافية
ويشدك بطاعتــــــــه يارب
الغالي والحبيب حماده شحات
.............
بصراحة
الموسم اللي جاى بتاعكم أنا
كلمت الجماعة قولتلهم الرحمة حلوه وحسام يروح فيها لو مخدش حاجه
وحبايبي .. حماده شحات .. ومحمد الزعيم .. وأحمد عباس ومحمد حجاج .. وكل الزملكاوية
خلاص أتعقدوا
هارد لك
يا استاذ/ أحمد السنبسي
يا الأستاذ/ محمد فــــوزي

الله علي روحك الحلوه ياعمنا
ههه ايوه كده كلم الجماعه وعقلهم شويه وخليهم يفوتوا حاجه علشان احنا تعبنا

الف مبروك للحرس
بس اسم الموضوع
الحرس يسحق الاهلي

يا عم الحرس لم يسحق الاهلي ولا حاجة
المباراة كانت جميلة من الطرفين

الف مبروك للحرس
بس اسم الموضوع
الحرس يسحق الاهلي

يا عم الحرس لم يسحق الاهلي ولا حاجة
المباراة كانت جميلة من الطرفين

طيب الزمالك هل حيلعب السوبر بصفته تاني الدوري هههههههه
وأقولك حاجة تضحك الحاج حمادة دياب
بعد ماتش الزمالك والفيوم عملوا لقاءات مع اللاعبين بعد الماتش واحد من لعيبة الفيوم قال مبروك للزمالك واحنا لعبنا كويس وأقول للاعبينا هارد لكم
شوفت هارد لكم دي يا حاج حمادة فاكر ان (لك ) اللي هيا حظ يعني جمعها يبقى لكم
وتقبل تحياتي يا حاج حمادة وتقبل تحياتي يا حمادة شحات يازملكاوي

هشوف
كلامي بعدين الآتي لكم أفضل
يا أستاذ/ حماده شحات
الأهلي ماشيه معاه دعوات الأهلويه فقط

علي الاقل الاهلي ماشيه معاه دعوات
امال الزمالك ماشيه معاه ايه
يا ريت اي زملكاوي يجاوب

ماشيه معاه بالبركه لحد ما تفرج ياعم احمد
انا زملكاوي وجاوبتك اهو ولاتزعل ياعمنا علي رأي الكبير الحاج /حماده دياب
ابو الاهلي
علي ابو الزمالك
مخدناش من وراهم غير حرقة الدم وخلاص

ربنا يكون في العون وربنا يقلل من الضغط اللي عليكم