مساجلة شعرية بين الأستاذ عبد الفتاح والأستاذة زهرة

فارس بني هلال...... مصطفي عدلي ابو الاشعار

عم الشباب والرياضه.. .اشرف في بسمته ما احتار

افهموا زين مش كل من يقول الشعر سموه ابنودي

الغوا حدودي هغيّر انا المود.. وهاتوا للقلوب اوتار

غيرت ريتم المساجلة وفجاة ليه يا ابو جمال

طب قوللى أعمل حسابى وأعزف بقى عالرمال

وأجيب عودى وقانونى واصيد بيهم الغزال

ماكانش عشمى تغير وتقطع عليا الخيـــال

سامحوني... كل يوم ليه في القلوب نفحات

لكل واحد جدع لازم .......حقه علينا مافات

حبايبي وخواني.... مقدرش ابعد واجافيهم

فيهم حبيبي حماده .مع ان اللقب (شحات)

حنيت انت لحبايبك.... وزهقت من عزف زهرة

ما عارفه انا نفسى جنبك .....ولا يوم حانفع ببصلة

لكن حظوظ وأنا حظى دايما اقع فى الرجال الكوامل

وحماده يظهر وييجى.... لكن دا عايزله سهرة

هتاخدك ظنونك بعيد...... وتلومي مع اللايمين

حبايب كلكم واخواني......... حتي والسامعين

دنتي ابو الشعر ..مين قال انك ماتنفعي ببصله؟

البصله في الغيط لازم لها فلاح شاطر. وسقايين

نويت عالخير ولكن ضاقت بيا الأماكن

وجريت أنده لقلبى بصيت لقيته ساكن

قلت مافيش غير كلمه واحده وليها القلب راكن

بيقول يارب سلم واجعلنى فى الحق ماكن

نية الخير....... كل يوم فيها عيد

ونية الشر.... صاحبها تملّي بعيد

قلوب عمرانه ....بالرضا والنور

انا مسرور... معانا الاسير وسعيد

...............

(اسير الغربه-سعيد العارف)

دامت الصحبة فى الله ولله والمحبة

وقلوب صافية... وساكناها المودة

وناس رافعه إيديها للسما ... بتدعى

يارب تنعم بفضلك علينا وتزيد المعزة

هتحب في الله ...؟دايما بين الناس ليها علامه

تقوي وورع ووصال ... ورفع الراس والهامه

دول هما دليل المحبه .......من عند رب الكون

مجنون اللي مايصاحب. صلاح نجار ولا اسامه

هيمتنى فى هواها ثم غابت عن عيونى

حرت وشردت بعيونى انتى ليه بتتركينى

وضمير الحال بينزف وأشتكى لمين أنينى

جففى دمع المحاجر عن ظنونى خبرينى

ياعين اصبري علي فراقه ...ولا تنزفي الدمعات

البال صحيح مشغول........ وفي القلب ليه اهات

مسير الخل ميجيني....... واغزل م الهنا عبايات

وان غاب اقضي طول العمر. حزنانه مع النايحات

تانى نقول الكلام.... من تانى

أنا وإنت بنقول.. اشعار ولا اغانى

على فين رباعيتك ماشيه.. ووخدانى

قلتلهم ما أعرفش أعوم قالوا جربى تانى

ينور سمانا ...وبشوفة الزين راق البال

والله اكبر محلاها ......... يقولها بلال

عمرانه منارتنا بالطيبين والعين تعرفهم

عين لابو عبد الله ..والثانيه لمحمد جلال

لو اقدر بس فى مدح المنارة واللى فيها أجاريك

ولا فى ذكر اسمائهم.... أساعدك وألاغيك

قلتلك ما تعوم بينا هنا على الشط الله يهديك

إسمع كلامى لاتلاقينى طفشانه منك الله يرضيك

لسه بنقول ياهادي وما بقالنا يومين

تهون عليكي المناره واهلها الحلوين

كيف تطفشي..... وانتي الاساس لينا

ولوالفاتحه نسيناها هنصلي بس بمين

ناس المنارة كلهم أفاضل و حلوين

وأنا أسيب برضه الناس الخيرين

باضحك معاك انا أمال اضحك مع مين

ياراجل يا سكرة ما تصحى الناس النايمين

مشكوره يابنت الاصول هصحي انا النايمين

كلامك جميل وعاجبني... والناس اهم جايين

بيقولوا فين الكلام والحكم.. والشعر واغاني

عارفك تمام فهماني...... وقولك كما التلحين

ندعى ونقول يارب الدنيا كلها تصحى وتقوم

ونطمن كل خايف وقلقان برحمة ربه الحى القيوم

ونصحى المسحراتى يطوف ويزعق على كل الاقسام

وينادى بحس عالى جهور على كل فارس همام

نايمين صاحيين لكن حاسس. ..انه معانا بقلوبهم

عاجنهم زين وخابزهم .......زي الخبير بعلومهم

لكن ليهم سكته........ تخوف القلب الضعيف ليله

وليلا الملامه لاصحي الخلق كلها... تيجي تشوفهم

ماشى يا عمنا الصقر مصدقاك انا وسامعه

ماتيجى نغير المود والرتابة نقرالها الفاتحه

وقوللى أخبار الحرارة عندكم شكلها إيه

حاطق من جنابى هى الدنيا عامله كده ليه

هو الجو عندكم.......... لسة الحراره فيه

مقالوا خلاص الصيف ومعادش من لياليه

الجو بديع عندنا.. وللالاه حكمته في الكون

حراره وبروده سوا ...ومين للاله يوازيه

هو وحده خالق الأكوان ومصرفها

باستغرب على اللى بيقولوا مافيش اله

هو الكون خلق نفسه ولا ماشى على هواه

نفسى أبص الاقى كل الناس بتوحد الله

هو اله الكون...... ورسوله وحدنا علي نهج الوئام

ومصحفنا الشريف والقبله .....علامه وهدايه للسلام

وربك فوق الجميع .....رحمته واسعه وعذابه شديد

لاينام ولا يغفل .......... رحمن رحيم جبار رب الانام

موت القلوب يعمى البصر ويطمس البصيره

ياما ناس بعقلها افتتنت وقالت ان الكون فعل الطبيعة

يا إما حقود حسود ياإما جهول أو غبى أو إمعه

خفافيش ظلام راضيين بالعيشه بدون اله او حقيقه

هما كده الفاسدين .....لا ليهم هدف ولا غايه

واذا غضب ربك......... يوطي للفساد رايه

لاسمع ولا شوف قلوب.... عميت من الاحقاد

واللي يريد له الخير يوريه ف كل الامور ايه

» مساجلة شعرية بين الأستاذ مصطفى عدلي و الأستاذ محمد جلال
» مساجلة شعرية بين الأستاذ صلاح النجار و المهندس حمادة شحات
» مساجلة شعرية جديدة للأعضاء
» حوار رمضانى شيق مع الاستاذ عبد الفتاح
» تهنئة خاصة الى استاذ نصر الدين عبد الفتاح