الفلاح االلي لابس طاقيه وجلابيه
شايل علي كتفه فاسه ومشمر كمه
والشمس اللي معلمه في ضهره كرابيج
مزمار في يد الفلا ح يغني
ينشد نشيد
... بس النشيد حزين
غني يا ناي غني
لحن الوطن الحزين
غني واعزف الحانك
وشد الوتر ع القلب الجريح
بدل الارض ما تطرح خضار
يتفجر منها الدم ينابيع
وقمر الضي في ليالي الفرح
صبح ماله وجود
مع طلعه كل شمس
تلاقي امل مفقود
ان سنابل اقمح تربي قمحايه
او زهره اقطن تربي قطنايه
مع انها رويانه من ميه النيل
غطي عليها دم ولادها الضحايا
دم ابن الفلاح والغفير
دم العامل الفقير
دم الشهيد اللي راح
علشان سنابل القمح
الفلاح يضرب كف بكف
الارض ما عاد ليها طرح
فينك يا ايام الخير
فينك يا ليالي الفرح
موضوع: سنابل القمح 
22/5/2012, 12:21 pm
