محمد ابوالعبادي
مشرف عام أخبار ومناسبات الحراجية
العمر : 59
عدد الرسائل : 887
تاريخ التسجيل : 25/05/2010
 | |  قصيدة فلاح زمان | |
........... فلاح زمان .........كان كل يوميشبه لوردة بتستحمى بالندىقبل الشروقيتوضا ضوء
يبدأ نهاره ببسملة
كان قلبه يشبه سنبلة
مليانة خير
كان عرقه يشبه للعبير
ينزل يبوس الارض شهد
تطرح نخيل
تطرح شجر
تطرح سنابل حاضنة بعض
كان لون سمار الطين معاه
الوان ياورد
كان ضحكته تشبه نهار
وفى عز هزله تلاقى جد
والشمس لما بتحمى صهد
على ضل شجرة بيتسند
وفى حضنه فاسه المحنى حب
قيلولة ساعة يقوم نشيط
ويقول يارب
كان كل جسمه تقولش قلب
يفرد دراعه للسما
تنزل طيور على كفه حب
انسان حقيقى فى وقت صعب
الحق دينه ومذهبه
ما يقفش ابدا بين بنين
بعد العصارى يعود لدار
على حضن يشبه جنتين
يلاقيها حامية الفرن نور
عجناله م الشمس رغفين
كان حالها حال الطيبين
والشاى يزغرد ع الوابور
او حتى راكية حطب
كان رغم فقر الحال تشوف
الطيبة والقلب الدهب
الباب ما كانش بيتقفل
والمصطبة تلم الجيران
يتسامروا من بعد العشا
وتحس بينهم بالامان
دلوقت ضاع فينا الامان
علشان ماعادش خلاص هنا
فلاح زمان
محمد ابو العبادى
من ديوان شهقة وطن | |
|
20/11/2023, 11:07 am من طرف thekorganut1980
