أدعـــــــــــــــــــــــوا لـى

السلام عليكم

أه أدعولى ليه لا
غدا سوف أأدى أمتحان الكادر
لا والمفاجأة الميعاد الساعة3 عصرا
بزمتكم مش صعبت عليكو
طيب أصعبكو عليا أكتر
مكان الأمتحان
فيين؟؟
فى مظلة السيارات
أيه رأيكو
حاتدعولى ولاغيرتو رأيكم؟؟؟
تتخيلو أنى مش عايزة أفتح ولا ورقة عن الأمتحان وبزوغ من المزاكرة من الصبح
وقاعدة هنا فى المنارة
وكل مأتخيل الأسئلة والموقف العصيب ودرجة الحرارة الرائعة كما الربيع
تجيلى حالة زهيمر
أه والله بأنسى كل حاجة
حد فيكو يقولى قومى ذاكرى
عندك أمتحان ولا حتى يوم الأمتحان يكرم المرئ أويهان
أقولكم أنا أقوم أنام أحسن
واللى فيه الخير يقدمه ربنا
بس أوعو تنسو تدعولى من قلبكم
أجمل التحيات العطرة وأسعد الله مساكم

أوعو تنسوا حاتعملو أيه؟؟

أيوه صح
تدعولى

تذكروا امتحان الاخرة

يوم يفر المرء من اخيه وامه وابيه وصاحبنه وبنيه لكل امرىء منهم يومئذ شان يغنيه

انتوا بتمتحنوا مواد ايه وخايفه ليه كدا امال الطلبة كتر خيرهم
كل سنة الامتحان دة
ربنا معاك

اخت نفرتيتي اللي ها يراقب عليكم طلاب خليهم يطلعوا عنيكم يارب
اهم حاجة تكوني ذاكرتي كويس شدي حيلك كلنا لها
ربنا يوفقك

السلام عليكم
أ/ مصطفى
ونعمة بالله
طبعا أتكالنا على الله ياريس

فعلا أخدت مياه معايا أنت بتقولى فيها دى صحراااااااااء
ولو أن الجماعة بصراحة كانو حاطين مياه فى كل ركن
بس أهو قـلقـل وخلاص
تسلم عزيزى

السلام عليكم
أ/مصطفى عدلى
ربن يخليك ليا يارب وماتحرمنيش من دعوتك
حاجة حلوة
حاجة حلوة
سمعت الكلمة دى فين ...فين ؟؟
أه اللجنة اللى جنبنا كانت أقتصاد منزلى
تخيل نوبة الزهيمر رجعتلى تانى
ههههههههههههههه
بس كدا ياسلام
كل الحلو ليك أنت تؤمر
تصحيح تأ مر
ربنا يستر ونعدى من العربى على خير

السلام عليكم
أ/ منحة
ياغالية الخوف مش من الأمتحان
الحمد لله لسة الزهيمر مانسفش كل النافوخ
الخوف كان من الميعاد الغلس اللى بالنسبة لى مقدس
لانه ببساطة ميعاد القيلولة
دا غير الحر والعطش والموصلات والمعاملة و الأسلوب
تسلمى لى عزيزتى

السلام عليكم
أ/ على
حتى أنت ياريس عايز حاجة حلوة
مش عارفة مالكو مانتو طول عمركو بتشربو عصير قصب وتاكلو جلاب خلاص أما نفرتيتى دخلت الكادر
عرفتوالحاجة الحلوة
دا أيه المصيبة دى يعنى أمتحان وقـلقـــل
وكمان حاجة حلوة
أنا عملت أيه ياربى
علشان أدبس بالشكل دا
أمرنا لله نطلع الفلوس اللى تحت البلاطة وأشتريلكو جاتو
بس كل واحد حتة واحدة بس أه
انا مايضحكش عليا
يلا مدو أيدكو
قصدى أتفضلو
[ندعوك للتسجيل في المنتدى أو التعريف بنفسك لمعاينة هذه الصورة]


أهو ماحرمتكوش من حاجة
بس الحاجات دى أنا مستلفاها يعنى كل واحد وواحدة يختار اللى عجبته يتصور جنبها ونرجعها تانى
أه الله يخليكو أنتو ماترضوش لأختكم بالبهدلة
خلينا فى عصير القصب أحسن من فات قديمه تاه ياولداه
توفير ها
وبعدين لما أشوف كلمة ناجح بعينى
امال أيه أنا مايضحكش عليا بتاتا

كدة انتى عاوزة تزوغى ستاذة
نفرتيتى
من عزومة الحمام
لا طبعا الجاتوة دة بعد ما ناكل الحمام والا انتى عاوزة تحسبيها اكلة وخلاص الحلو يجى بعد الاكلة الى اصولها
مش كدة والاايه

السلام عليكم
أ/ احمد
طيب ليه الدعوة (العفشة)الوحشة دى
على فكرة بأه اللى كان بيراقب دكتوووووور فى كلية تجارة
بس خلاص
وكمان كان أنسان محترم جدا
بيعامل لجنته بكل أدب وأحترام
من عينة
لو سمحت ياأستاذ بلاش صوت
بعد أذنك يأبلة مافيش داعى للكلام أحنا هنا تحت أمركم
أه بجد
وأغيظك كمان أنا حليت حلو
بس حاسة أنى حأسقط فى العربى والتربوى فاضل التخصص ربنا يستر عليه

[ندعوك للتسجيل في المنتدى أو التعريف بنفسك لمعاينة هذه الصورة]

انا عاوز دي اخت نفرتيتي
والحمد لله انك حليتي صح
وكويس وربنا يسهل ليكي في التخصص
بس ما تنسيش تدعي لي بكرة معايا اول امتحان

السلام عليكم
أ/ مصطفى
أنا أزوغ لا لا أنت واخد فكرة وحشة خالص عنى
لا أنا كدا زعلت خالص
وعلشان أنا زعلان يبقى مافيش حمام
أصله حايطلع طعمه وحش
وانا زعلانة
الحمد لله خلصنا من الجاتوه وبدلاناه بعصير القصب
والحمام أنا زعلانة يبقى مش حايتعمل
ههههههههههه
وتقولى أزوغ
هههههههههههههههه
هو انتو حد يقدر عليكو

السلام عليكم
أ/ احمد
بالهنا والشفا بس بس غالى والطلب رخيص
أنت تأ مر
شوف انا مطوعاك علشان أنت بس فى أمتحانات ومش عايزة أى حجة تأ ثر على مذاكرتك أوتضايقك
لكن بعد الأمتحانات ترجعها تانى مفهوم
يلا كفاية لعب فى المنارة وتقوم تذاكر
أحنا مش عايزين نجاح
أحنا عايزين تقدير وتفوق
وإلا حأطلب من أ/ على يحرمك من المنارة لغاية ماتنتهى من الأمتحانات كلها

ههههههههههههههههه
السلام عليكم
أ/ مصطفى

الأمر لله وحده
يعنى مافيش فايدة
حأدبس وأعمله
تيب(طيب) نتوكل على الله
بس حاتكلوه كله حلو وحش حايتاكل ماشى الحال

نبتدى بالمقادير


•المقادير :

-4 حمامات كبيرة الحجم .
-1 بصلة متوسطة مقشرة .
-4 فصوص ثوم صحيحة .
-1 ملعقة كبيرة ملح .
-التوابل : 1 ملعقة صغيرة من : زعتر – كمون مطحون – فلفل أسود مطحون – زنجبيل – قرفة – بهارات .
-1 فص من: الحبهان ( حب الهيل ) – مستكة .
-ماء للسلق .

•مقادير الحشو :

-نصف كوب أرز .
-1 بصلة صغيرة مفرومة .
-1 ملعقة كبيرة ثوم مفرى .
-1 ملعقة صغيرة ملح .
-5 أعواد من البقدونس المفروم .
-التوابل :نصف ملعقة صغيرة من : الكمون المطحون – فلفل أسود مطحون – بهارات .
-1 ملعقة زيت .

•طريقة التحضير :

-يغسل الحمام جيدا ً من الداخل والخارج بالملح ثم الدقيق ثم بالماء وبرفق حتى لا يتقطع .
-نحضر مقادير الحشو السابق ويخلط جيدا ً.
-ويقسم الحشو أربعة أقسام على عدد الحمامات .


[ندعوك للتسجيل في المنتدى أو التعريف بنفسك لمعاينة هذه الصورة]


- طريقة الحشو :

- الطريقة الأولى :
-نأخذ قسم من الحشو السابق ويضاف إليه الكبدة والقوانص والقلب الخاص بكل حمامة .
-ثم تحشى به الحمامة من أسفل وتغلق الفتحة بالخيط والإبرة أو بالخلة وهكذا مع كل الحمامات .

[ندعوك للتسجيل في المنتدى أو التعريف بنفسك لمعاينة هذه الصورة]



-الطريقة الثانية :
-بالاستعانة بأصبع السبابة نحاول إبعاد الجلد عن اللحم فى منطقة البطن يمينا ً ويسارا ً حتى نصل إلى الصدر والعنق بدقة شديدة جدا ً حتى لا يتقطع الجلد حيث أنه رقيق جدا ً .

-نأخذ قسم من الحشو ونحشى به المنطقة السابقة مع مراعاة توزيع الحشو فى المنطقة كلها و يمينا ً ويسارا ً .

-ثم نحشى الحمامة من أسفل بالكبدة والقوانص والقلب الخاص بكل حمامة وهكذا .

-ثم تغلق الفتحة بالخيط والإبرة أو بالخلة وهكذا مع جميع الحمامات .


[ندعوك للتسجيل في المنتدى أو التعريف بنفسك لمعاينة هذه الصورة]


•طريقة التحضير :

-يغلى الماء على الموقد فى وعاء مناسب مضاف إليه التوابل والملح والبصل والثوم والحبهان والمستكة .
-يخفض درجة الحرارة عند وضع الحمام فى ماء السلق .
-ثم ترفع درجة الحرارة مرة أخرى حتى الغليان ثم تخفض مرة أخرى .
-يترك على النار حتى تمام التسوية ( حوالى ساعة ) .
-اختبار النضج عن الجناح فى المفصل نقوم بفصلة بالملعقة أو المساكة برفق فإذا انفصل فقد تمت التسوية .

[ندعوك للتسجيل في المنتدى أو التعريف بنفسك لمعاينة هذه الصورة]

-يجب مراعاة عدم إكثار كمية الحشو حتى لا تنفجر الحمامة عند التسوية ويخرج الحشو منها .
-وإذا حدث أن رأينا الجلد عند البطن يتقطع فيجب أن نقوم باخراج الحمامة من الماء قبل خروج الحشو منها ونقوم بلفها تماما ً بورق ألومنيوم وإعادتها مرة أخرى للإناء على النار .
-عند كشف غطاء الإناء لأى سبب من الأسباب فعلينا أن نرفع الغطاء برفق وإلى الجانب وليس إلى الأعلى حتى لا تنفجر الحمامة .

-بعد تمام النضج نخرج الحمام من الوعاء ويوضع على ظهرها بطنها لأعلى فى صينية مناسبة .

-ثم نرش على سطح الحمامات بعض الزيت وندخلها فى الفرن بعد إشعال الشواية فقط وليس إشعال الفرن .

-يترك حوالى 15:10 دقيقة فى الفرن حتى يحمر الوجه مع مع متابعته من آن لآخر حتى لا يحترق .

•طريقة التقديم :

-يقدم على طبق مناسب ويجمل بالطماطم والبقدونس .
-يقدم معه أى نوع من الخضراوات ويفضل الملوخية .
-وتقدم معه سلطة الطحينة والسلطة الخضراء العادية

[ندعوك للتسجيل في المنتدى أو التعريف بنفسك لمعاينة هذه الصورة]

يلا ياسيدى بالهنا والشفا
دا ماكانش كادر
اللى حول الموضوع لمطبخ
على الله أختى منحة ماتزعلش
علشان خدنا الموضوع على هنا
كان المفروض خدنا بعضنا ورحنا المطبخ
حتى هناك أأمن
وعلشان كل واحد حاياكل يغسل الطبق اللى أكل فيه
علشان الصورة تبقى واضحة من أولها
أماااااااااال
ديمقراطية نسائية

هههههههههههههههههههههه
الصور نزلت متشفرة

يلا معلهش ندور على طريقة ان شاء الله ننزلهم بيها اوكى يبقى نرفعهم على رابط
طيب اقلكم انتظروا انا هروح على مديا فير وارفع هما مش راح ياخدوا وقت
لان حجمهم صغير
رابط التحميل
[ندعوك للتسجيل في المنتدى أو التعريف بنفسك لمعاينة هذا الرابط]

اى خدمة يا شباب الصور اترفعت وطالعة من الفرن زى الحمام بتاع الاخت نفرتيتى
يلا ادخل واتفرج على احلى صور متعاد توزيعها بشكل جديد
مع ارق الامنيات