الرئيس القادم لحكم مصر

موضوع: الرئيس القادم لحكم مصر 31/10/2009, 9:06 am

الكل الان في مجتمعنا المصري لاحديث له الا عن الرئيس القادم لمصر والتكهنات حول من سيحكم مصر لماذا كل هذا الجدل وهذه التكهنات وكان هذه اخر فتره رئاسيه لفخامه الرئيس محمد حسني مبارك ابن اكتوبر وصاحب اول طلعه جويه اعادت لنا كرامتنا المفقوده في عهد رئيسنا الراحل العظيم محمد انور السادات ثعلب السياسه المصريه الذي اثبت لنا انه سابق عصره وصاحب رؤيه مستقبليه بعيده المدي في كل امور حياته فهو رحمه الله عليه كان اكثر دهاءا عندما جعلنا ننتصر في معركه اكتوبر المجيده واعقبها بنصره السياسي في توقيع معاهده السلام ونحن منتصرون ومرفوعي الراس ومن منطق قوه لا من منطق ضعف واعاد كل حبه رمل كانت مسلوبه من ارضنا الغاليه وياليت كل العرب قد سمعوا كلامه وجلسواعلي مائده المفاوضات واستغلوا انتصارنا في حرب اكتوبر المجيده وكان سابق عصره حينما اختار نائبه الرئيس محمد حسني مبارك نائب له والذي اثبتت الايام انه بحنكته السياسيه انه حافظ علي الانتصار والسلام ولم يجرنا الي حروب اخري بالمنطقه وان يعيد مصر الي بيت العروبه وان يعيد العلاقات التي كانت مقطوعه مع اغلب الدول العربيه وغير العربيه وان يثبت للعالم كله ان الورقه الاخيره في لعبه الحياه السياسيه في مصر في احداث غزه الاخيره وان يقول للكل ان مصر هي العرب والعرب هم مصر وان يقول للجميع ان مصر ومعها المملكه العربيه السعوديه الشقيقه وباقي الدول العربيه هم القادرون علي التصدي لاي محاولات لجر المنطقه الي حروب تاكل الاخضر واليابس وان يبني جسور ثقه وتعاون مع الجميع وان يلم الشمل العربي هو واخيه ملكنا المحبوب جلاله الملك عبدالله بن عبدالعزيز ملك المملكه العربيه السعوديه وان يصحح اوضاعنا الداخليه وان يقوم بعمليه تنميه في مصر صحيح ان هناك المزيد والمزيد مما نحتاجه في الداخل ولكن كلمه حق ان لسياده الرئيس انجازات واضحه في الشانين الداخلي والخارجي والرجل يعمل ليل نهار من اجل ان تبقي مصر في مكانتها بين الدول في العالم وحينما لا يرشح الرئيس نفسه لدوره اخري فلماذا لا يكون جمال مباركعلي الاقل انه شاب معاصر لمشاكل بلده وانه يكتسب خبره في التعامل مع قضايانا وانه يمثل جيل الشباب واقول لمن يطلبون ويتشدقون بضروره ان يكون الرئيس القادم مدني وليس عسكري طيب ما السيد جمال مبارك مدني وليس عسكري ولاا احنا لو جاءللحكم عسكري نقلب الدنيا ضجيج ونقول عاوزيين رجل مدني ثم ماعيوب اي رئيس عسكري حكم مصر نعم نحن بشر ولسنا ملائكه ولكن الكل من العسكريين لم يقصر في خدمه بلده مع اختلاف الظروف المحيطه من احداث لكل رئيس حكم مصر من المؤسسه العسكريه ثم تعالوا معي الم يعرف الجميع عن ظهر قلب ان المؤسسه العسكريه المصريه انها اكفا وانظف واعلي انضباطا وعملا في مصر هل غاب عن الجميع ان المؤسسه العسكريه المصريه هي صمام امان البلد في السلم والحرب وان اعلي درجات الالتزام والانضباط موجود بها هي لوحدها وبعديين لمن يملاون الدنيا ضجيج منادوون بعدم التوريس للحكم من منكم لم يعين ابنه في مجال عمله فاستاذ الجامعه يعين ابنه معيدا بالجامعه والصحفي يعين ابنته صحفيه ورئيس مجلس اداره احدي الشركات يعين ابنه في الشركه والقاضي ابنه وكيل نائب والضابط ابنه يدخله كليه الشرطه وبعديين من قال ان في حاله عدم ترشيح الرئيس لدوره قادمه وترشيح الحزب للسيد جمال مبارك لخوض انتخابات الرئاسه انه توريث اولا الباب مفتوح لاي مصري ان يرشح نفسه صحيح المساله صعبه علي الجميع ممن ينوون الترشيح مستقليين للرئاسه ولكنها ليست مستحيله وبعديين يا مثقفي مصر ونوابغها عاوزيين الترشيح لمنصب رئيس الجمهوريه يبقي مساله سهله دا اخطر واهم منصب في الدوله لابد ان يمر باجراءات معقده حتي لا يستطيع الوصول للمنصب الا الاجدر به فعلا فالسيد جمال مبارك مدني---- واحد
اثنين---- يعاصر مشاكل البلد ليل نهار2
ثلاثه يجوب البلاد والمدن المصريه ليل نهار ليقف علي مشاكل كل مدينه وقريه ويعرف ما يطلبه المواطن وما يفكر فيه3
4 اربعه---- من من الاخريين يطوف القري روالنجوع ممن يريد الترشيح للرئاسه
5خامسا---- راينا باعيننا ان من عملوالانفسم ضجه وضوء اعلامي ممن ترشحوا في الانتخابات الرئاسيه السابقه امام السيد الرئيس رايناهم بانفسنا ولن اعلق عليهم لانني اعرف انكم عرفتم بعضهم اكثر مني وظهروا علي حقيقتهم
سادسا---- ان كل من يفشل يعلق فشله علي التزوير وان هناك تزوير قد حدث 6----سابعا ----من الان سوف نسمع ان هناك تزويرا سوف يحدث ونسبق الاحداث ونحكم علي التجربه قبل ان تبدا
ثامنا---- كونوا متفائليين وازرعوا التفائل في قلوب ابنائكم واملاوا نفوس الصغار بالامل وان غدا سوف يكون اكثر اشراقا ابنوا جسور الثقه ولاتهدموها بين الاجيال ازرعوا بداخلنا ااننا كلنامصريون وان الكل يعمل من اجل مصر ازرعوا فينا ان الشباب هم عمادالامه ورجالها ازرعوا في الابناء ان الاباء عملوا ما عليهم وقدموا الشكر لهم وان البركه فيكم يا جيل الشباب تكملوا ما بدا به الاباء من عمل علمونا كيف يكون التواصل بين الاجيا ل وان الابناء يكملوا ما قد نقص علمونا كيف يكون العمل لا الهدم والبكاء والعويل والنحيب----- ان مصر جميله وولاده من من الاجيال السابقه---- كان يظن ان الرئيس السادات يستطيع ان يملا مكان الراحل الزعيم جمال عبد الناصر والغرب وبعض قوي الداخل في ذلك الوقت كان يقول انه سد خانه --عفوا سيدي الرئيس الراحل--- ولكن اذهل العالم بحربه وبسلامه ---ازرعوا الامل في بكره وسواء كان الرئيس القادم هو السيد جمال مبارك او غيره من اولاد مصر فكلهم مصريون ووطنيون وقادروون لان مصر ولاده وعظيمه بابنائها ساعدوا اي رئيس قادم علي حل مشاكلنا---- اطلبوا من اي رئيس قادم ان يكون لنا رغيف خبز وكوب ماء وتعليم نظيف لنا ولاولادنا---- فكروا معه بصوره بناءه--- اطلبوا ان تكون الحياه اكثررخاءا---- ومدننااكثرنظافه وان تكون ذممنا نظيفه ساعدوا بعضكم البعض توادوا وعاملوا بعضكم البعض في العمل والشارع بصوره اكثر رقيا ورحمه ---- سهلوا الامور بين بعضكم---- فاي رئيس قادم لا يملك عصا موسي لحل جميع مشاكلنا ان لم نتحد ونتعاون جميعا في حلها---- بالله عليكم من منا حمل كيس القمامه الصباح ورماه في المكان المخصص له من منا لم يفتح زجاج عربيته والقي بمنديل قد استعمله خارج السيلره من منا لم يسارع في العبور قبل الاخر بسيارته من منا ونحن مسافرون بعربيته بريا في ميناء سفاجا او الغردقه او نويبع وبمجرد ان تقف العباره والكل يتزاحم يريد ان يخرج الاول لا يرحم سيده مسنه اوام تمسك اطفال بيدها فالكل اصبح يلي نفسي وقبلها بساعات كنا نقف في طوابير ونظام قبل ان ندخل مصر واتعجب نطبق النظام بالخارج ولا نطبقه بالداخل هترد وتقول لي اننا لا نجد من يطبق النظام في بلدنا طيب معاك مين السبب احنا لو وقفنا جميعا في وجه شخص عاوز ياخذ دور في طابور مش دوره سوف نجد كلنا نحترم النظام والقانون لاانفي المسؤليه عن المسؤليين ولكن نحن المواطنون علينا مسئوليه ايضا ان اردنا ان نصلح احوال بلدنا فعلينا اصلاح احوالنا الشخصيه اولا وان نعمل ونجتهد ونعلم اولادنا النظام والحضاره وان نغرس فيهم ان اجدادهم الفراعنه كانوا ومازالوا ملوك الحضاره ولاا بتقول لابنك جدك كان منظم وابو الحضاره بس انا ابوك مش زي جدك!!!!!!!!!!!!!!!!!!
من الان علم ابنك ازاي يقول رايه
ازاي ينتقد بادب
ازاي يشارك في انتخابات الفصل
ازاي يمشي في الشارع
ازاي ياخذ حقه بطريق نظاميه وقانونيه
ازاي يقول رايه
ازاي يخدم بلده لما يكبر وهو صغير ازاي يخدمها
ازاي بكره ييكون
ازاي اتخلقنا وليه ربنا خلقنا
علمه قول الحق وما خلقت الجن والانس الا ليعبدون صدق الله العظيم
!!!!!! الغد مشرق والتفاؤل مطلوب ومنظم الكون موجود وبلدنا جميله جميله حتي ولو عشنا في سباتته بوص
لمن لا يعرف معني سباتته البوص ولن يعرفها غير ابناء دشنا بس
هي الخص المكان المبني من الجريد او من عود الذره ويحبكه المزارع ليسكن فيه وكان جدي فهمي عليه رحمه الله يسكن فيه وكانت اجمل ايام هو كان بيقول لي كده وكانوا ياكلون البتاو!!!!!!!!!!!!!!!!
والبتاو خبز يصنع من عجين دقيق الذره المطحونه وبعد ما تخرج من فرن جدتي لوضربت بها واحد لقتلته
امس كان جميل لمن عاشوا به ولاكان فيه كهربا ولا نت ولا سكن واليوم جميل لنا الذين نعيشه وغدا اجمل لمن سوف يعيشها والحياه جميله جميله حتي ولو بالعيش الحاف والدقه والملح---- ولن اقول لكم المقوله الدارجه التي تقول لاتنظر لنصف الكوب الفارغ وانظر لنصف الكوب المملوء ولكن اقول لكم ولنفسي ولابني اصنع كوب واملائه ولا تنظر اليه بل وزعه علي اخوانك بما فيه من خير وان فرغ قم واملائه ولاتتعب وهذه هي رسالتك في الحياه وصباح الخير علي بلدي الجميله مصر وصباح الخير علي وطني الثاني السعوديه وصباح الخير علي وطننا الصغير دشنا ورحم الله الاوائل واعان الله الباقون علي رفعه الاسلام والعرب تحياتي اخوكم ناجي شمندي عوض من ارض الحرمين وقبله الاسلام ووطننا الثاني الحبيب وتقبلوا تحياتي 00966508922921

موضوع: رد: الرئيس القادم لحكم مصر 31/10/2009, 2:08 pm

السلام عليكم

بارك الله فيك الأستاذ / ناجي شمندي عوض

علي هذا الموضوع القيم وجزاك الله خيرآ ومصر لكل المصريين الشرفاء

أخيك / أحمد سلامه محمد شحات

عضو المجالس الشعبيه المحليه لمركز ومدينه دشنا

موضوع: رد: الرئيس القادم لحكم مصر 31/10/2009, 3:10 pm

الف الف شكر على الموضوع الرائع الجميل يا استاذ ناجى وعلى قلمك وبلاغتك وحقا ان من البيان لسحرا ولكن يبدو اننا اخطانا عندما هنئنا الاستاذ سيد بسيونى على الحزب وبصراحه موضوع الحزب ده لازم تفكر فيه بجديه لان اعضاء الحزب كده حيتعلموا منك ازاى يقتعوا الناس بجمال مبارك وبالتفائل اوعى يا استاذ ناجى تزعل منى انا عندى علاقتى بيك الطيبه احسن جمال وغيره بس انا عايز افكرك بمصر بلدنا الجميله فى ظل القياده الحكيمه
اه نسيت ما اسئلك ايه اخبارك واخبار الناس اللى عندك فى السعوديه وايه اخبار الدكتور المصرى اللى اتجلد عندك زى العبد وايه اخبار المعامله عندك مع المصريين طبعا انا مش بتكلم عليك انت عشان انت راجل محترم انا بتكلم على الناس الغلابه اللى بيروحوا هناك وبيتهانوا وبيمسحوا الجزم ومش عاجبين برضه همه بيروحوا ليه هناك وليه موضوع الكفيل ده ده الكفيل زى السيد اللى بيرجعوا ليه لما العبد بيعمل حاجه وحشه وبعدين موضوع المنديل والعربيات فين يا حاج انت بتتكلم عن نفسك عشان عندك عربيه تعالى شوف الناس فى القاهره بتركب ايه وبتمشى ازى وبعدين بتتكلم عن كيس القمامه بنرميه فين يا عم الحاج تعالى شوف القمامه بيتخانقوا عليها هنا عشان يلاقوا فيها عيش ولا فضلات اكل ولا حاجه تنفع تعالى شوف الجوع تعالى شوف المرض تعالى شوف الناس اللى بتتباع وتشترى تعالى شوف اللحم الرخيص فى شارع جامعة الدول والهرم والمريوطيه بنات بتبيع نفسها من الجوع فعلا ايوه هن مومسات بس فيه واحده لاقيه شغل غير كده مشتغلش تعالى شوف المصريين النصابين والحراميه والسفله دول ايه اللى وصلهم كده الجوع والمرض والديون والحاجه تعالى شوف الرشوه والمحسوبيه من ايه من المرتبات الضعيفه ومن غلاء الاسعار تعالى شوف الفساد والسكر والعربده من علية القوم وسفلتها علية القوم ترف وسفلتها مجاعة تلاقى ثلاث اسر فى شقه واحده عايشين فى الدويق ومنشية ناصر والحكر فى كل مكان تلاقى الفساد بين المحارم وتلاقى بين الجيران تعالى يا شمندى نروح جوله انا وانت واوريك شكل الناس عايشه ازاى واحكم انت راكب عربيتك المكيفه ومش بتشوف الدنيا غير وانت فى الطياره مسافر السعوديه تعالى ادخل معايا المحكمه واوريك الدنيا والناس والاحكام اللى بتصدر كل يوم بسس اكل العيش والقاضى له قانون يطبقه على ابوه حتى تعالى شوف ياباشا الرفاهيه فى فى الانتركنتننتال وفى ستى ستارز وفى جراند حياه وفى الشيراتون وفى هيلتون رمسيس وفى الفور سيزون شوف الناس دى والناس دى وشوف مين السبب اللى جعل الناس دى تبقى كده والناس دى تبقى كده مين ؟
انا حختم بقوله تعالى (( ان فرعون علا فى الارض وجعل اهلها شيعا)) فرعون قسم الناس فرق تسد وجعل بنى اسرائيل والمصريين فرق وجعل كل فرقه شيعه وجعل كل ابناء سبط من الاسباط فى محله فاصبحت محلة بنى لاوى ومحلة بنى يهوذا ومحلة بنى بنيامين ومحلة بنى يوسف وغيرهم عشان محدش بيقى مع حد وبعدين موضوع الترشيح والدستور الجديد له شروط مش منطبقه غير على اللى شوفناهم قبل كده اللى عايز الناس تلبس طرابيش واللى عايز يرجع غفير الدرك ده برنامجه الانتخابى يبقى تقولى حريه ازاى حريه يعنى انا وانت ممكن نترشح وده ينفع؟

موضوع: رد: الرئيس القادم لحكم مصر 31/10/2009, 5:52 pm

الله يبارك فيك ويحفظك يا سيادة المستشار
ويكتر من امثالك
انا نفسى اى واحد فى الحزب قبل مايتكلم يجيب مصحف ويحلف عليه ويحطه على عينيه علشان نعرفه اذا كان صادق ولا كاذب ولا منافق
يااخ شمندى لولا حسنى مبارك ماكنت انت ولا نحن اتغربنا ولا اتبهدلنا ولا اشتغلنا ليل نهار ذى الحمار اللى مربوط فى ساقية
احنا هنا عاملين ذى اللى رقصوا على السلم لا اللى فوق شايفينهم ولا اللى تحت محصلينهم
وميتقلناش يامصرى ولا على عوض ولا تلاقيش المصرى او المصرية هنا بتلف بروشته علشان تشحت بيها
ولاتدرش على المعارض تقول معاى اربع بنات عايزة اجوزهم حد يعرف حد هنا ( ودا حصل مع زوجى)
مكناش نتعامل كاننا عبيد او اننا جايين نلم فلوس وبس
يااخى هنا محامى بيشتغل عند
واحدة متسواش قرش ب800 ريال شغال سواق للهانم واولاد الهانم ومدرس لاطفالها وقاعد فى غرفة ذى الحاصل اكيد عارفه
وواحد محاسب جاى فى محل بقالة ب600 ريال
وواحد مهندس زراعى جاى عامل فى مزرعة وبيشتغل باليومية برة
وغيرهم كتير
واللى بيجوا والكفيل بياخد منهم 200ريال كل شهر اشتغلو ا مشتغلوش مش مهم واسال الاخ عماد سليمان بيقولك الشركة بتاخد من الشغل نفس راتبهم يعنى تجارة رقيق
احنا هنا من 17سنة ومش عارفين نبنى لنا بيت يدارينا
اللى محتكر الحديد واللى محتكر السكر اللى محتكر الاسمنت واللى محتكر الدقيق والرز مولد وصاحبه غايب
والله واحدة صحبتى راتب زوجها لااقولك وعايشين يدوب اولادها رفضوا يسافروا لمصر اجازة بارغم من وجود اقاربهم من
سنهم وقالوا لاتخيل مش عايزين يرجعوا لبلدهم

حتى لو روحنا نروح كاننا اغراب لا اولاد اخوانا ولاقاريبنا بيعرفونا
هنا اغراب وهناك اغراب
اللى متغرب عن اهله واللى متغرب عن اولادة وزوجته بيفضل معاهم شهر او شهرين ولايحسوا بيه كانه واحد غريب لسان حالهم ايه جابه ده هو جاى علشان يقرفنا مكنا مرتاحين منه امتى يمشى
كم منا مات له قريب او حبيب ولم يراه

وانت شخصينا لو قالوا لك روح بكرة خلاص فينيتو حتعمل ايه بالله عليك
وبعدين مصر خلاص خلصت من الرجالة
وايه مؤهلات جمال علشان يحكم مصر انا اعرف انه كان بنكر
واللى اترشحوا قبل كدة كانوا كلهم اراجوزات
طيب ميعدلوا المواد 76 و77 لو عايزين انتخابات نظيفة ومين بيروح ينتخب اصلا
وليه الغوا الاشراف القضائى على الانتخابات وبعدين احنا زهقنا عايزين نغير
واللى انتصر فى اكتوبر وحارب هم قادة الحرب اللى وقعت بهم الطيارة فاكر
واللى حارب الناس البسيطة
والكل عارف ان المصريين لم يحاربوا فى 67
ولاتنسى حرب الاستنزاف
بعدين نص اللى فى رسالتك بيحصل زيها هنا وفى كل مكان
بالله عليك فيه حد هنا بيرمى زباله بنفسه بره هنا الزبالة بتنشال مرتين كل يوم
اللى بيبنوا كبارى جدة الان شركة عثمان واحنا كبارينا عمرها الافتراضى انتهى
دع المقادير تجرى فى اعنتهاولاتبيتن الا خالى البال***مابين غمضة عين وانتباهتها يغير الله من حال الى حال

موضوع: رد: الرئيس القادم لحكم مصر 31/10/2009, 6:20 pm

والله يا استاذه منحه معاكى حق انا بتكلم على اللى بشوفه لان المشكله الاقتصاديه التى تعيشها مصر لا يعترف بها الاسلام وربما انا قولت هذا الكلام من قبل فالمشكله الاقتصاديه كما عرفها الاقتصاديون هى تعدد المطاليب مع قلة الامكانيات يعنى انا عايز اتجوز وعايز عربيه وعايز شقه ومرتبى 700 جنيه يبقى ازاى دى المشكله فتلك المشكله يا استاذه منحه لم يعترف بها الاسلام لان الاسلام وضع قواعد لتوزيع الثروات وحكامنا لم يعملوا بها فمثلا نجد موظفا فى الحكومه مثل اشرف العربى رئيس مصلحة الضرائب يتقاضى مليون ومائع وعشرون الف جنيها شهريا وموظف اخر دخله لا يتعدى الالف بل اننى اسال احد الموظفين فى وزارة العدل وهى من الوزارات التى تمنح رواتب عاليه قال لى ان مرتبه لا يتعدى ال800 جنيه وهو موظف من خمس سنوات فكيف يستقيم الحال فى مصر ونحن نرى كل يوم اناس يموتون لعدم وجود العلاج فاجراءات التامين الصحى والروتين الحكومى صعب وله شروط يبقى يموت ويرتاح فى الجنه مفيش مرض ونجد اخر يدفع مهر ملايين لراقصه او داعره ونجد اخرى فى التلفاز تتقاضى مرتب من الاعلام 5000 جنيه على الحلقه الواحده ونجد وزير يقيم حفل فى احد الفنادق يكلف ملايين حتى ان اعضاء السلك الديبلوماسى فى الخارج يقومون بارتكاب مخالفات مروريه لانهم لايدفعون قيمتها فحدثت قصه غريبه وهى ان اعضاء السلك الديبلوماسى المصرى فى امريكا بسياراتهم الهيئه الديبلوماسيه قد ارتكبوا مخالفات مروريه باثنين مليون دولار فهل امريكا ستحملها لشعبها؟ طبعا لا بل انها قامت بخصم هذا المبلغ من المعونه الامريكيه لمصر يعنى مخالفات البهوات فى امريكا دفعوها بتوع الدويقه والغلابه فى مصر ونجد من ناحيه اخرى ان رجلا مثل ابراهيم نافع عندما كان رئيس مؤسسة الاهرام اعدوا مفردات مرتبه انظر الى الرقم فى خانة الاستحقاقات 3 مليون جنيه مش مبالغه لا فعلا لانه له مرتب من كذا ومن كذا وله نسبه فى كذا وفى كذا وليه نروح لبعيد مكافئة الامتحانات بتاعت المدرسين نصها بتتوزع على الساده المعلمين والنص الاخر لبهوات مديرية الامن مدير الامن ومدير المباحث ورئيس مباحث امن الدوله والشيك بيطلعلهم من مديرية التعليم ومره طلع قدامى وانا هناك فى قنا ولو بصيت تلاقى مصاريف سيارات الوزرا وطبعا كل وزير له عالاقل عشر عربيات بسواقينهم شوف بقى كام حسبوها قبل كده لكن شوف الاسلام وشوف عمر بن الخطاب وعمر بن العزيز طبعا الكلام عنهما كثير ولا يسعنا المجال انا مش حقول نبقى زيهم بس اقول نقلدهم بقدر المستطاع فاتقوا الله ما استطعتم يعنى بدل مرتب بتاع الضرايب مليون وميه وعشرين خليه ميه وعشرين الف بس والمليون جوز بيه كل شهر عشرين ولد تعصم بيهم عشرين بنت يبقى كل شهر اربعين ده من مرتب واحد بس او حتى المليون كل شهر قسموا على الفين بيت فقير كل شهر 500 جنيه تغنيهم عن الحاجه يبقى انت بتوفيرك من شخص واحد اغنيت الفين بيت فقير من الناس اللى تحت الارض مش همه عايشين فوق والناس تحت الارض يكحوا تراب

[b]اثار موضوعي الذي كتبته سابقا عن الرئيس القادم لمصر وتلقيت ردود كثيره علي هذا الموضوع ودارت المناقشات ولكن عفوا للجميع فقد فهمني البعض انني اباعمل دعايه للاستاذ جمال مبارك والبعض الاخر فهمني انني باخطب ود الحزب والبعض الاخر من الجائز ان يكون فهم انني بما انني عضو بالحزب الوطني انني اصفق لاي مرشح لا يا جماعه انا باقول ان مساله ترشيح السيد جمال مبارك للرئاسه لو فرض انه سوف يترشح لماذا لا نقبلها فالمفروض ان السيد جمال مبارك انه مصري ويحق له الترشيح وقلت ان مساله الترشيح لرئاسه مصر لابد ان تكون معقده وليس بالسهوله ان واحد معاه بطاقه رقم ---

قومي واعفاء من التجنيد--- يترشح دا منصب خطير ولازم المرشح له يكون له مواصفات خاصه وارد علي سياده المستشار واقول له كلامك صائب في كثير من الامور ولكن الصوره ليست سوداء صحيح فيه رشاوي وفيه احتكار وفيه محسوبيه وفيه ناس تحت خط الفقر بالملايين وفيه ناس بتفرش ريش نعام وبتصرف بالملايين وتجربتي مع الناس الي في المولات والفور سيزون تقول انك مش ممكن تكون في مصر والناس دي جابت الفلوس منين دا احنا لولا الغربه مكناش اتحكمنا علي الف جنيه رغم كل السواد هناك في الصوره ناس مسؤله وشريفه وبتاكلها بعرق جبينها واما بنات الدعاره فدا ليس رخصه لهم انهم مش لاقيين يبقي النظام السبب في ذلك طيب ما فيه ناس وبنات ناس مش لاقيه الدقه واشرف من الشرف المساله مش كده يا سياده المستشار لو هناك محتكر لسلعه فين الحكومه الي خلته يحتكر فين القانون يا سياده المستشار ليه مش بيطبق عليه عارف ليه لاننا معندناش مجلس تشريعي فيه ناس تعرف تحاسب للاسف كلهم او اغلبهم زي بتاع المنيا الي مستناش للصبح وهرول ولبس عبايتك وشالك---!!! المجلس كل الي دخلوه كانو اغلبهم مستقليين وهرولوا للحزب علشان يقبضوا همه وعلشان همه مصالحهم تمشي والعينات قدامك علي عينك يا تاجر الكل بيمسح جوخ علشان مصالحه الشخصيه تمشي وتولع البلد والدواير الي انتخبتهم سيدي المستشار اولي واهم حجر من احجار الديمقراطيه ان يكون عندك مجلس تشريعي يسن قوانين ويعدل قوانين عفي عليها الزمن قبل ما تحاسبوا الريس حاسبوا الاعضاء المحترمين الي خانوا الامانه ونسو مصلح الوطن وانشغلوا بالبزنس الخاص بتاعهم يا راجل دا يوم العباره الكل عملفي بكري الي بياذن في مالطه لوحده والناس اكلها السمك واتعشي بيها لوعندك في كل دايره نايب بيقول كلمه حق ويعترض علي اي فساد كان هتلاقي الحال احسن من كده الي بيعارض دلوقتي علشان يبقي في الصوره وبس منهم لا اكتر وبعدين الحزب الوطني مسك يد مين وقال له بلاش تعمل الخير دا يا سياده المستشار علشان نحل مشاكلنا لازم نواجهها اولا ةنتكاتف من اجل بلدنا ولازم يكون فيه رجاله بتعمل للبلد مش لنفسها انا متاكد تماما انه مش كل الاخطاء الموجوده مسؤل عنها النظام طيب ما احنا الشعب كمان مسؤليين انت مسؤل في موقعك ازاي الحق دا ما وصلش لصحابه وانا مسؤل يوم ما بصيت لنفسي واخذت بالواسطه فرصه غيري في التعين مثلا ودا مسؤل انه سمح لغيره ياخذ حقه خلاص طالما مش قادر ياخذ حقه بالقانون يفوض امره لله يا اخواني موضوع انتقال السلطه في بلدنا لازم يمر بصوره سلسه لاننا بلد كبير والبلد مش محتاج الي مهاترات في انتقال السلطه وبعدين لما دا ماينفعش علشان حزب وطني ودا لا علشان من الاخوان ودا ما ينفعش علشان من حزب كذا طيب قولولي هنجيب ناس منين هنروح الصين !!!!!!!!!!!!!! ياجماعه بالعقل كده فيه اشياء كتير اتعملت في البلد كويسه ما حدش زكرها ومركزيين علي السواد بس ليه لانه كتير ماشي انا معاك السواد اكتر من البياض بس مش معناه ما فيش بياض وبعدين الاسود والابيض ضروري لنور العين ونصلح ونشجع ونطلب ونقول كمان عاوزيين اكتر وتمشي الحياه وما تنسوش ان الرئيس هو الي خلانا نكتب بحريه وننتقد ولا كان زمانا شبعانين عيش وحلاوه!!!! الحريه زادت واول سلمه في الديمقراطيه احنا عليها واطلبوا المزيد من حقكم وانتقدوا من اجل البناء وقولوا دا ينفع ودا ما ينفعش وخاطبوا كل المسؤليين وساعدوا بعض في اعمالكم وساندوا اخوانكم من المواطنيين وكل واحد في مصلحه حكوميه يسهل علي المواطنين وننظم من انفسنا والامل خلوه موجود لان الله موجود واحنا عمره ما حد مسك الحكم عندنا بمصر كان خاين لبلده فكلهم كانوا ومازالوا وطنيون ومصريون والكل بيحب تراب بلده الصوره بتفائلكم هتكون اوضح بنقدكم البناء هتبقي احسن والله والله البلد دي هتبقي جنه وبعدين لو لو واحد منكم بقي رئيس يا تري هتعملو ايه ويا ريت مع الاعتزار للاخت منحه تقولوا ماذا افعل لو كنت رئيسا عندك مليون مشكله حلها صدقني هتغرق وهتتنقد وهتطلع فيك القطط الفطسانه اما بخصوص ليه لا جمال مبارك بلاش نضحك علي انفسنا كل واحد في منصبه عاوز يجيب ابنه مكانه من الكبير للصغير وبدون استثناء تقدر تقولي الساده اعضاء مجلس الشعب ورثوها علشان اغلب النواب لما لايكبروا يرشحوا اولادهم وبيحارب علشان الكرسي ما يطلعش من البيت شوفتوا الكرسي انا كما قلت ومازلت اقول انا لا يشغلني الا ان الذي ياتي يكون يخدم وطنه ويحل مشكله البطاله والناس تحس بالراحه شويه في اكل العيش والمواطن يشعر بالانتماء لوطنه ويشعر المواطن انه الشغل الشاغل لمشكله بلده وتعيش بلدي في سلام وامان وما نشعرش اننا اغراب في وطنا والكل يخاف عليه من ياتي لا يهمني لان من ياتي اكيد مصري ابن مصري وشرب من نيل مصر واكيد بيحب مصر لان مصر ما فيش حد من ابنائها يقدر يكرها لانها مصر الماضي بعراقه الاف السنين والحاضر بحلوه وبعض مره والمستقبل المشرق والجميل واكيد المستقبل هيكون من خليط الماضي والحاضر لانه لايخلق من عدم اكرر اكرر اكرر انا ما اريد توصيله لعقل من يقراني ان التفاؤل مطلوب والتجريح والهدم مرفوض واننا كلنا ابناء مصر مسلم ومسيحي غني وفقير ومصر للجميع وعايشه للجميع وبالجميع دون استسناء ولن يحكمها الا مصري ابن مصري اما بخصوص اننا لماذا سافرنا حتي لو بلدنا يا اخي غنيه برضه كنا هنسافر ليه لان دا رزف مكتوب لك فين وامتي تاكله طيب في الخليج هنا يعمل الاف الالف من جنسيات من دول غنيه نقولهم انتم ايه الي مغربكم ومبهدلكم ومن لاقال اننا هنا متبهدلين وكاننا بنتباع احنا هنا بنتعامل احسن معامله وزي ما بيقابك الحلو في بلدك ممكن تلاقي الوحش ودا معناه اننا نعمم ونولول والدنيا تقوم انا لي اربعه عشر سنه هنا بقيت واحد من اهل البلد والناس هنا بتحب المصريين والصعايده وممكن تقابل واحد مش بيحب االمصريين عادي واكيد فيه واحد مصري خلاه ما يحبش المصريين ولكن للامانه مصر هنا تري في عيون العادي والمسؤل حب الناس لها ولما تقعد مع راجل كبير في السن يقولك دا مصر خيرها علينا دا انتم اخواناويحكي لك عن مصر وعظمه مصر طيب فين السواد في كده الكفيل ماله الكفيل شخص صاحب عمل انا وانت ارتضينا بالعمل معاه علي راتب معين وعقد وانت شايف عملك وهو بيعطيك راتبك اخر الشهر لو فيه مشكله بتشتكيه ولو لك حق بتاخده ولو فرض انك تعرضت لظلم احيانا العمليه مش تعميم ومش دا الي ساير علي طول لا فيه قانون وفيه قضاء نزيه هنا بتاخذ حقك بيه وبعدين يعني ليه لما تحصل مشكله او اتنين حتي ولو اصحابها مظلومين نكبر الموضوع لمن لا يعيش في الخليج ولمن لا يعمل بالخليج اقول للجميع ان الاخوه السعوديين اقرب الناس لينا دما وسياسه ودين ونسب والي عاش بره السعوديه يعرف هذا الكلام لا في يوم زعلوا معانا سياسيا وطاروا ورا العماله ولا عمرهم ما عملوها مع اي بلد تاني لانهم بيحافظوا علي قبله الاسلام اما انه شخص حكم ىعليه بالجلد فدا حكم قضائي وعليه ان يلتمس ويسلك القنوات الرسميه في ذلك وانا مش هاعلق علي الطبيب دا لاني كنت بمصر ايام الحكم عليه ولكن اقول لاخي المستشار صلاح رسلان والله والله كان فيه طبيب مصري وتم القبض عليه في فعل شائن وسجن وخرج من السجن وقلب الدنيا وهو يقول مظلوم وقصته معروفه للجميع في بلد انا كنت عايش فيها وعارف قصته كلها وبعد كل دا هنا سمحوا له ان ياخذ جميع اغراضه وكان يعمل لحسابه وكان مليونير ولكن نسي الله فانساه نفسه واتبع هواه ودلوقت فاتح اكتر من سنتر في مصر وما تعرفش تكلمه وانا اعرفه جيدا وساعدته بعد خروجه من السجن ومشي معزز بس مش مكرم لنه وصمه عار ان تكون طبيبا وتسمح لنفسك ان تسلك طريقا غير مستقيم اخواني واهلي اهل المندي مساله ان الكفيسل بعضهم بياخد فلوس من العامل كل شهر دي مش مع المصريين بس دي مع الجميع ودي الفيز الحره الي الكفيل بيسيبك تعمل براتب اعلي عند غيره وياخذ منك مبلغ اخر السنه ودول بيكونوا صنايعيه بيكسبوا كتير وبيدفعوا و الي راتبه800 ريال وهو محامي معلهش الظروف بتحكم والشغل مش عيب وفي الاول بتكون الامور صعبه وربنا بيسهلها واي عمل مهما كان طالما حلال مش عيب ولاحرام وبلاش نازم انفسنا والله كده رضا والرضاء بالمقسوم جزاءه الجنه باذن الله وربنا كبير ورزاق وموجود وعلي راي كفيلي ما تعرفش رزق مين علي مين والكفيل بيدرسوا في السعوديه انهم يعدلوه او يلغوه واحب ان اوضح معلومه للجميع لا نخلط بين تصرفات بعض اصحاب العمل وبين نظام البلد والتعميم لا محل له من الاعراب هنا علي راي استاذنا الغالي الفارس سيد بسيوني ويا سياده المستشار رايك في النهايه فيه كتير من اوجاعنا بس امانه عليك رفقا بنا لانك انت المستشار ونحن ناخذ منكم المشوره يا ابا فارس ياصلاح الدين الصعيد بفكرك ورايك الاخر كل يوم تضيف لي بصفه شخصيه المزيد والمزيد ويا اخت منحه انا بنيت وسعر الحديد كان 8000 جنيه عارفه مين الي كان رافع سعره احنا الغلابه الناس تكالبت عليه والتجار ترفع السعر والمصنع كان سعره ثابت والربح رايح للتجار الحيتان الي في البد اعرف واحد من كفر الدوار اشتري كميه من الحديد وهو مش بيبني وخزنها علشان يستفيد بفرق السعر ولما سعر الحديد نزل الارض سالته عملت ايه قال لي ابدا بكره يرفع وابيعه واكسب شفت الطمع والجشع احنا الي بنسمح ان دا يغني علي اكتافك واكتافي يا سيدي فيه حاجات كتير احنا مسؤليين عنها بتصرفاتنا الي مش سليمه اه معاك حق فيه سوء عداله في توزيع الرواتب ومش منطقي اني محاسب في بلدي اخد في مصنع السكر مثلا 700 جنيه ونفس دفعتي في الكهربا مثلا ياخذ 2000 جنيه ولا دا مكفينه ولادا مقضينه واهي ماشيه وما حدش بينام من غير عشا والبلد حلوه ولسه--- علي راي المعجون بطمي النيل الخالد ابو حنجره فيها من رواسب طمي الفيضان الحلو الي ريحته تحسسك بمصريتك لما تقرب من شويه طمي للنيل الفنان محمد منير لما بيقول--- لسه الاماني ممكنه لسه الاماني ممكنه--- لانه فيه امل وطالما فيه امل يبقي بكره احلي تفاءلوا تصحوا--- فالتفاؤل نوع من البركه ونوع من الايمان لانك مؤمن بالله والله بكره موجود وبعده موجود يبقي ازاي لا اتفائل ببكره ومستقبل اولادنا ان شاء الله هيكون احسن لان بكره يا اخواتي فيه كتير من اليوم المهم ان في طرحنا لاي موضوع اننا بنكسب فكر جديد وبنحترم راي بعض ومافيش حد بيحجر علي راي حد ودا جيد ---- اخواني حبوا بعض وخافوا علي بعض ويسراوا الامور فيما بينكم تكونوا احسن الناس واعلاها مجدا وعزا ما يعجبني في الاخوه السعوديين انك لما تعمل معاه حادثه بالسياره اول كلمه يقولها لك سلامات سلامات عسي ما فيك شر دا مطلوب بالحب تعلو الامم بالحب يبقي للحياه معني وقيمه وطعم ولون شوفوا احنا عدد محدود من الاعضاء بنحب بعض وبنسمع لبعضوبنسال علي بعض طيب لو احنا بنكره بعض كان زمان الاخ علي قفل المنتدي وسرحنا كلنا وبقينا زي البيعه السريحه !!!!!!!!!!!!!! يااخواني انا لاحالم ولا عايش بعيد عن المشاكل بس والله ممكن نبقي احسن من كده بكتير لو كل واحد في مصر كان قلبه علي التاني دا احنا بخير دا في وجه بحري في العماره ساكن معاك وولا تعرف عنه حاجه ما تقوليش مشاغله احنا بعدنا عن الدين ودخلنا ساقيه الدنيا فكترت مشاكلنا لكن لو كل واحد ادي الي عليه مش خوف من رئيسه في العمل هنبقي احسن شوفوا اليابان فين واحنا فين شوف الصين فين واحنا فين طل بنظرك علي الهند المارد القادم وبقوه قبل الحكومات الشعب هو الي بيعمل وينتج والبلد بالشعوب بتتقدم واحنا بقالنا اكتر من سنتين نرخص التوكتك ولا لا الهند بدات بيه حياتها واحنا للاسف جايين نشغل بيه نفسنا واحنا في القرن العشريين طيب مين جابوا ومين دخلوا البلد وليه وايه العائد منه وايه المشكله الي هيحلها سؤال اتوجه به للساده النواب ولكل عاقل ----انتج اعمل راعي الله والتفت لاولادك وعلمهم الصح حتي ولو في زمن الخطا وشوف النتيجه هتلاقيهاجيالك دعوات وانت عند المولي وابقي الجميع علي الخير والحب ونلتقي دائما علي خير ان كان في العمر باقي فنسال الله ان يكون في الصالحات وان يبعد عنا كل الموبقات واطلب لي ولكم اعلي درجات الفردوس امين يا اكرم من سؤل واعز من اجاب لكي يامصر مني السلامه وسلاما يابلادي يلف كل حدودك وعلمك مرفرف دائما في سموات ربي الي يوم الدين وادخلوا مصر ان شاء الله امنين وصدق الله العظيم
[/b]

موضوع: رد: الرئيس القادم لحكم مصر 6/11/2009, 1:39 am

موضوع جدير بالمناقشة
وأياً كان قصدك
فلكن مواطن يجد فى نفسه القدرة على حمل تلك المسئولية فله احق فى الترشح
وذلك بغض النظر عن الأسماء
*******
تقبل مرورى
وك اتحيــــة

موضوع: رد: الرئيس القادم لحكم مصر 6/11/2009, 6:47 am

اللهم ما اصبح بى من نعمة او باحد من خلقك فمنك وحدك لا شريك لك فلك الملك والحمد ولك الشكر اللم انى اصبحت منك فى نعمة وستر وعافيه فاتم عليا نعمتك وسترك وعافيتك فى الدنيا والاخره اللهم امين
استاذ ناجى مالى اراك كل ما تعرضت للظروف التى يمر بها الشعب المصرى او مرتباتهم تقول اهى ماشيه ومحدش بينام من غير عشا وتقول جمل وكلمات المفترض انها جمل العواجز لا تؤاخذنى فانا انظر لك نظره رجل قوى فلو ناجى شمندى قال هذا وتواكل وترك الامور ولم ينقد ولم يشجب فمن تنظر ان ينقد او يشجب او يصرخ فى النظام ومالى اراك تكرر ان جمال مبارك مواطن مصرى الكل يعلم انه مواطن مصرى ولكن ايضا انت مواطن مصرى وعمرو موسى مواطن مصرى وعمرسليمان مواطن مصرى والبرادعى مواطن مصرى وكبار الساسه والادباء والعسكريين والعلماء مواطنين مصرين فنحن سيدى الفاضل لا ننكر وطنية جمال وابيه وامه واهله وكفرمصلحه كلهم فهم اصل الريف المصرى ووالده له انجازات لا تنكر فى مصر وحكمنا اكثر من ربع قرن والى الان يحكمنا ولا نعترض على على جمال مبارك وعلى وطنيته ولكن -لكن حرف تعقيب تفيد تعقيب الكلام بنفى مايتوهم ثبوته او اثبات ما يتوهم نفيه- انك تفرض عليا شروط معينه فى الدستور لاتتحقق الا فى اناس انت تعلمهم وتعرفهم ان تلك الشروط لاتتوافر الا فى اعضاء الاحزاب فقط ويشترط فى عضوالحزب الذى يرشح نفسه للرئاسه ان يكون عضوا فى مجلس الشعب عن الحزب الذى ينتمى اليه يعنى كمان مش يكون مثلا كان فى حزب التجمع ورشح لمجلس الشعب مستقل ونجح وانضم للتجمع لا يكون رشح فى مجلس الشعب عن حزب التجمع اذن الشرط الاول الا تكون له شعبيه خارج الحزب يعنى الدوله عايزه واحد يترشح للرئاسه ملوش اى شعبيه خارج الحزب بتاعه اللى همه اربة الاف او يزيدون قليلا فان كان قد دخل مجلس الشعب عن حزبه ونجح فيه دورته الانعقاديه التى يتم الترشيح فيها كان بها ويرشح لرئاسة الجمهوريه اذن الشرط الثانى الا يكون من الرجال المشهزرين فى الدوله والا يكون من رجال الدين او السياسه اوالعلماء اوالقاده المعروفين للشعب
اذن يا صديقى المساله ليست كل من معه بطاقة رقم قومى المساله ان مثلا عمرو موسى او البرادعى او عمر سليمان لم تتوافر فيهم الشروط الا اذا كان على سبيل الاستثناء المساله ان اى رجل من رجال الاعلام اوالدين لايستطيع ان يرشح نفسه لان الشروط لاتنطبق عليه انا بلغنى ان الاخوان سيرشحون شخصيه عامه هامه دينيه محبوبه جدا جدا ولكن احدا لم يفصح عنها اذن النتيجه يا اخ ناجى ان من سيتم ترشيحه امام المواطن ابن المواطنين جمال مبارك كلهم امثال الله يرحمه الراجل اللى ترشح قبل كده اللى كان عايز يرجع عسكرى الدرك تانى ويلبس الناس عمم وطرابيش وفعلا عملها ولبس اعضاء حزبه العمه عندما كان مرشحا ضد الحزب الوطنى والناس بتصوتله وراح صوت للحزب الوطنى طيب يا ابن الحلال بتترشح ليه وتحرج الناس معاك ليه بمعنى اخر يا حاج ناجى انه اللى حيترشح بعد الانتخابات متخلص لو سالتك على اسمه مش حتعرفه وانا اتحداك لو عرفت مين اللى كان مترشح الدوره اللى فاتت كل واحد فيكم يقولى كده الاسماء انا عن نفسى معرفشى غير ايمن نور ونعمان جمعه والباقى مش معروفين وكمان ايمن نور اتهم فى قضيه مخله بالشرف يعنى مش حيقدر يترشح تانى لو شاف حلمة ودنه ولو ظهر تانى فى الساحه حياخد ضرب ماخدهوش حرامى فى مولد او حمار فى مطلع من امن الدوله اذن يا ابو امير المساله مش مساله مواطنه المساله مساله ان الشروط للترشيح تكون ميسره ياراجل ده ناقص يقولوها علنا انه ميترشحش غير اللى عايزينه يترشح بس
المساله التانيه ياباشا انا لما بتكلم على البنات بتوع شارع الهرم ولابتوع جامعة الدول فالفطره السويه عند اى انثى المفروض انها تكون مثل هند عندما ضربت على صدرها وقالت اوتزنى الحره يارسول الله ولكن طبعا لكن عربناها قبل كده ما الدافع للزنى ان لم يكن للمتعه؟ طبعا التربح اجابه واضحه وما الدافع للتربح الفقر والقله والحاجه طبعا انا اقول لك ذلك ولا التمس لهن عزر ولكن لو كان عددالبغايا فى مصر بعد الغاء قانون البغاء تقريبا عام 1952 الذى كان يعطى رخصه للبغى ان تزنى ويحدد لها طبيب وشهاده صحيه الخ قد الحقنا بالمستشفيات بعد ذلك للعمل كممرضات ومن هنا جائت السمعه السيئه لمهنة التمريض التى تعد من اسمى المهن واشرفها الا ان فى ذلك الوقت كان عندما يدخل المريض المستشفى يرى ممرضه فيتذكر تاريخها فقط المه لانخرج من الموضوع لو ان الواحده من البغيايا قد حددت لها مبلغا او مهنه غيرها لرضيت حتى تستر نفسها وتتوب الى الله حتى لو كان عددهن مثلا 500الف واحده وطبعا ده عدد قليل فى الواقع وتابت منهن 300الف ورضيت بالمهنه التى وفرتها لها الدوله لوفقنا فى ذلك والباقيات باغيات بطبعهن طبعا كل كلمه كتبتها يا اخ ناجى فى مقالك تحتاج لكتابات كثيره ولكن الوقت لايسعنا وساكتفى بهذا القدر ولنا عوده

موضوع: رد: الرئيس القادم لحكم مصر 6/11/2009, 10:49 am

والله يااستاذ ناجى انت رايق قوى ويابخت زوجتك بيك

موضوع: رد: الرئيس القادم لحكم مصر 6/11/2009, 2:34 pm

ياجمال ياحبيب الملايين

» الي الرئيس القادم
» الجمل : البرادعي الأقرب لحكم مصر
» طمأنينة النفس لحكم تراه حقاً لا ريب فيه ويقابل الشك ومنطقياً: كل معرفة لا تقبل الشك
» الانتخابات فى شهر 6 القادم
» الثانويةالعامةوحريةتأجيل الموادللعام الدراسى القادم