الشيماء

موضوع: الشيماء 18/3/2010, 1:12 pm

[ندعوك للتسجيل في المنتدى أو التعريف بنفسك لمعاينة هذه الصورة]

كتبت هذه الكلمات فى ذكرى استشهاد الطفله شيماء التى اغتالتها يد الارهاب

وبينما اقلب صفحاتى وجدتها تحتل ركنا بذكرياتى

واختارت ان تسكن سطور المنتدى لتعلن ان الارهاب بلا وطن اودين

الشــــــــــــــــيماء

ايام وعدت لسه فاكرها

طعم الحزن صعب يتغير

سنين حزينه كتيره مواويلها

وافتكرتك قلبى يا صغير

كان حلمها تكبر تلاقى الحلم يكبر معاها ويا اصحابها

الليل طويل جايب معاه الظلم

بدل بلون الد جلبابها

طفله وسمره اسمها شيماء ....من اشطر تلاميذ مدرستى

وصحابها اسماء وولاء....ليه بس ياقمره عتمتى

الدم ع الكشكول....والحلم فى الكراسه

صوت الرصاص بيقول...الظلم اخر شراسه

لساكى يابنتى راسمه ع السبوره

طفله فى ايدها عريس

وانتى كونتى العروسه

لون البارود لون...ع المريله احمر

قلب العروسه انكسر

قلمها

الرصاص حضناه

والمنقله راسمه ..زوايا مقلوبه

ع الحيطه ميت راسمه

بالدم مكتوبه

ليه النهار طول ...والليل خطف شيماء

لو هبكى مش هقدر واحشانى يا شيماء

مصطفى عدلى

موضوع: رد: الشيماء 18/3/2010, 9:40 pm

تسلم ايدك يا استاذ مصطفي
والله انتا رجعتنا لزمن بعيد في التسعينات تقريبا
عندما اغتالت ايادي الارهاب الامن والطمئنينه من قلوبنا ان ذاك ومن المؤثر جدا اغتيال الطفله الشيماء لقد ابكت الكثير وبثت في قلوبنا جميعا الحزن والاسي علي اطفالنا
وعلي انفسنا في هذا الوقت والكثير منا لايعلم بتلك الطفله الشهيده
رحمها الله ورحم جميع موتا المسلمين
اللهم اجعل بلادنا انا وسلاما كما ذكرت في القرأن الكريم
تسلم الايادي علي الطرح المميز يامشرفنا الجميل

موضوع: رد: الشيماء 7/11/2010, 7:50 pm

حماده شحات كتب:

اخى فى الله /ابو حسام

شكرا للمرور والاطلاله الرائعه التى عهدناها منك ياصديقى

وكما اسلفت انت فان الارهاب بلا وطن او دين

كفانا الله واياكم شر الفتن ما ظهر منها وما بطن

ادعو من الله ان تمر هذه الايام على خير خاصه ان البلد مقبله على معارك انتخابيه ضاريه

فارجو من الله ان تمر مرور الكرام

ولا يضيع منا احد فى وسط الزحام