حوار رمضانى شيق مع الاستاذ عبد الفتاح

انا مش شايف اسئله

راجع انت الاجابات

تصدق يبقي انا مبعتش الاسئله
طيب انت ايه مش بتفكر ترجع ؟ محنيتش لارض الوطن ؟
ايه الاسباب اللي تجبرك علي الغربه غير الماديات ؟

لا يوجد مصري مغترب لا يتمني العوده لارض الوطن

الوطن وانت بعيد عنه له احساس اخر

لا استطيع ان اصفه لك

فهم يحس ولا يقص...بضم الياء في الكلمتين

تصدق بالله

كان فيه برنامج يزاع من الفضائيه المصريه

اسمه انغام مصريه

تابعته فتره طويله ولكن عندما تغير ميعاده لم اعد اراه

او يمكن كنسلوه مش عارف ...لغوه يعني..طبعا انا عارف انك فاهم

هذا البرنامج كثرا جدا ما اغرورقت عيناي وانا اشاهده

وخاصة عندما يكون الكلام عن الاغاني الوطنيه ومصر وعظمتها

لا اتمالك نفسي امام مثل هذه المواقف

اما مايجبرني علي الغربه غير الماديات

طبعا لا شئ ...اقولها بكل صراحه

لست مدينا بثار لاحد في مصر

كفانا الله واياكم شر الفتن

ولست منتميا روحيا ووطنيا لهذه البقعه من الارض

التي تبلغ حرارتها 58درجه في الظل

والرطوبه الي اكثر من 85%

ولكن لقطر الفضل علينا في اننا نعيش في بلد

اهلها طيبين جدا

انا اعيش هنا منذ1994

اقسم انني لم اخرج بطاقتي الشخصيه لاي رجل شرطه

طيله 16 سنه....لانه لم يطلبها مني احد

الدنيا امنه والحمد لله

بلد كريم ومضياف

نعم هم ياخذون شبابنا وزهرة اعمارنا

ونحن ناخذ فرصة عمل جيده لا تتوفر لنا في بلد اخر

الموضوع مصالح ياعزيزي...مع انه لا شئ يوازي ايام العمر

ولكنها ستمر.....ستمر.....سواء بفرصة عمل جيده او بدون عمل

لك تحياتي علي سؤالك الهام والصريح

وارجو ان اكون قد قلت الصراحه ايضا

جزاك الله كل خير وعلشان الصراحه الجميله دي انا رفعت ليك دلوقتي موضوع ليك انت الشيخ احمد بن علي العجمي المصحف كامل مضغوط وانت تفكه وسور متفرقه وهكملها ليك اتفضل حمل منها اللي انت عاوزة علشان تسمع الفاتحه في توقيعي وتسمع الباقي من عندك وتدعي ليا

ربنا يخليك ابو حسام

وتمتعنا دائما

انت اللي فكرتني والله وحبيت اكون سبب في اسعادك
ربنا ما يحرمنا منك ولا من صحبتكم الطيبه

أستاذ عبد الفتاح

الحوار معك شيق جدا

قربت تنزل البلد ولا لسه مطول

عاوزين نشوفك ونتعرف عليك من قرب

ولا هتعمل زي أبو العبادي وتطنشنا

***

سؤالي لك

كيف كانت طفولة الأستاذ عبد الفتاح ؟

وما الذي تحن إليه حالياً من ذكريات هذه الفترة ؟

مديرنا العزيز والله الوضوع نور بس ياسلام لو حضرتك تحضر معانا اليوم السهرة هتكون في قمة الروعه مع حوارات الغالي الاستاذ عبدالفتاح صقر المنارة
هيكون شرف لينا لو حضرتك تواجدت معانا ونورتنا اليوم

الاخ العزيز الاستاذ القدير

اخي المؤسس للمناره الجميله

استاذ/علي عبد الله

سلام من الله عليك ورحمة منه وبركات

تعجز كلمات الشكر الموجوده بقواميس اللغه العربيه

علي اختلاف مصادرها ان اجد بها كلمات تعبر لك عن عظيم شكري

وامتناني.....دائما اراك تنير صفحاتي ببصماتتكم الهادفه

وثنائكم الجم وادبكم وخلقكم الرفيع

اشتاق اليك ورب الكعبه اشتياق يفوق اشتياق

المحبين...ويفوق اشتياق الكاتب الي قلمه....والاوراق لقارئها

انتظر بفارغ الصبر العوده اليكم اولا...قبل العوده الي بلدي

ولم لا....وانتم الاهل والوطن

انتم العشيرة والولد

انتم من احببت وصاحبت وصادقت بكل مافي المعني من اخلاص

والله من وراء القصد

الايام تمر مسرعه يا استاذ علي اسرع مما نتخيل

اذاكان في العمر بقيه علي نهاية2010...او بدايات2011

ساكون طرفكم ان شاء الله تعالي

اما مطارحتك لي بالسؤال فلك اقول

الطفوله ....تلك الايام التي لا نشعر بانقضائها الا حينما نتجاوزها

لا نشعر بجمالها ورونقها الا حين نتحمل مسؤوليه

البيت والولد والاسره

فتره جميله في حياة كل منا

وكلنا نحن دوما لهذه الايام الخوالي

طفولتي عشتها بكل معانيها

لم يدخر الوالد او الوالده رحمة الله عليهما جهدا

في سبيل اسعادنا انا واخوتي

بالمناسبه انا ثاني الذكور في الاسره

وخامس المواليد فيها...يليني في المواليد ثلاثة اخر

المجمع كله ثمانية مواليد...توفي منهم ولد وبنت اطفال

والبقيه بارك الله فيهم

كان حال الوالد ميسور وميسور جدا والحمدلله

مقارنة بما كنا نراه زماننا...وله في دشنا صداقات عديده

فقد كان تاجرا للغلال انذاك

ولم يحرم طفولتنا من شئ طلبناه

اما الحنين فهو للفتره كلها

الاصقاء الذين كانو يشاركونني الدراسه في بيتنا

او بيوتهم مساء كل ليله

وكان من ابرزهم المرحوم/عماد عبد الفتاح عرفان

رحمة الله عليه

ادعو دائما له بالرحمه

والكثير الكثير من اصدقاء الطفوله والدراسه الابتدائيه

اغلبهم والحمد لله في مناصب هامه الان

منهم الطبيب والصيدلي والمحاسب والمعيد

وضابط الشرطه واساتذه بالثانويه

طفوله سعدت بها جدا

وتمنيت الا تنقضي مع اني كنت اتوق دائما الي اري

نفسي رجلا بلحيه وشارب كبقية الرجال

حتي اجالسهم واناقشهم ولا اسمع منهم كلمة انني طفل صغير

تحيه لك استاذ / علي عبد الله

وكل عام وحضرتكم بخير

الشرف لي انا والله استاذ/حماده

وجودكم معي وانتظار حديث مني

هو الشرف بكل معانيه

وخاصة مرور الاستاذ/علي

علي الموضوع زاده تالقا ورفعة وبهاءا

اتمني ان التقيكم جميعا بمجلس حب

ووئام...واخوه صادقه

شكرا لك غواص المناره

[b]اهلا بك مرة اخرى يا استاذ عبد الفتاح
لا احد غيرك سيخرجنا من الجو العصيب ده

وهذه فرصتك فى ان تطرح على نفسك سؤالا
كنت تتمنى ان نسأله لك ولكن الى الآن لم يحدث؟

بعيدا عن السؤال

هناك ملاحظه ارجو من الاخت زهره تصحيحها

وهي انها نسبت الي كتابة الموضوع

وهذا غير حقيقي طبعا

الموضوع من افكارها هي

وهي المحاوره وصاحبة الموضوع

لابد من ارجاع الفضل لاهله

السؤال الذي لم اسال عنه هو

هواياتي

وللاجابة اقول

استمتع جدا بمعرفة اخبار الفضاء والكواكب

وعلوم الفلك واحب القراءه عن هذه الاشياء بنهم شديد

واحب التامل في السماء ليلا لرؤية النجوم والكواكب والقمر

واسرح بفكري في كيفيه التنسيق الرائع لصانع هذا الكون

وكيف اننا لانمثل قطره في بحر من الكون الهائل

وكيف ان القمر هو ضاحيه من ضواحي الارض كما يقول علماء الفلك

احب متابعة اخبار وكالة الفضاء الامريكيه ...ناسا

ومحاضرات البارع المصري ...فاروق الباز

اتوق دائما لسماع هذه الاخبار

وكيف ان كوكبنا يقف في الفضاء بزاويه حاده22.5درجه

مع الخط الافقي...وحسابات السنين الضوئيه

وبعد المسافات بييننا وبين الكواكب الاخري

كل هذا يستهوي النفس والفضول عندي

واحب دائما ان اشرحه لاولادي

لاريهم عظمة الخالق عز وجل

كل عام وانتم بخير

شكرا لكل من ساهم في هذا الحوار بكلمه او معلومه

شكرا للا خت زهره صاحبة الفكره

المحاورة البارزه في المنتدي

شكرا للاداره

ارجو ان اكون قد اجبت علي كل ماطرح عليا

بشفافيه .....وبدون رتوش

مره اخري

كل عام وانتم جميعا بالف خيــــــــــــــــــــــــــــــــــــــــــــــر

[b]انت بتقفل على الموضوع ليه يا استاذ عبد الفتاح

هو انا قلت لحضرتك ان الموضوع لا سمح الله خلاص كده خلص

لسه بدرى خالص
ولا مليت مننا

وحكاية الموضوع موضوع مين احنا هنا اسره واحده ما فيش فرق بيننا
لاننا بنكمل بعض

سؤال

يعنى انت بتقرأ عن النجوم والكواكب

طيب ايه رايك فى المنجمين وقارئى الأبراج

وكلامهم بيكون على اى اساس

ايه ياصقر المنارة انت هتبلغ فرار ولا ايه ؟
هههههههه
لسه بدري زي ما ام شروق قالت
انت فين والحب فين
قصدي النهايه في الحديث فين
اعذرني لاني اليومين دول بحب اغني شويه اصلي بحب الغني والتفاريح
هههههههههههههه

[b]انت ما سمعتش نهم بيقبضوا على اللى بيسمع اغانى اليومين دول ولا ايه يا عبقرينو

بالمناسبه

كان فيه اغنيه بحبها هى وطنية
مش عارفه عزيزه جلال ولا مين كانت بتقولها لما استشهد ابنها

كانت بتقول
طبعا ما انا ام البطل

ياريت تجمعها لى

ياباشا غني براحتك

وكلنا اذان صاغيه

وسنهتز لك طربا

وتصفيقا كمان

طلبك علي العين والراس يا ام شروق جاري حالا اصلي متخصص غناء ههههههههههه
معلش ياصقر المنارة هنقحم الاغنيه دي في موضوعك استحملنا انا وام شروق الليله اصلنا غلسين شويه

لا يا زهره

شريفه فاضل

وهي احد اغنيات حرب اكتوبر

سبق ان رفعتها علي المناره فيديو

في موضوع

احتفالات المناره بانتصار رمضان و37 عاما خلت

[b]ماشى يا استاذ عبد الفتاح
حالا حانشط الموضوع علشان اسمعها

وانت على ما اسمع الاغنيه تجاوب على الاسئلة

هذه هي

لا تتعبي حالك انتي وعبقرينووووووووو

انا مش شايف اسئله تاني

معلش اتأخرت بس النور انقطع ايه الحلاوه دي هي شريفه فاضل جات عندكم وانا معرفش حقكم عليا
زيادة الخير خيرين ياصقر المنارة

هارد لك ابوحسام

سبقتك المره ديههههههه

دايما سباق بالخير ياصقر المنارة منتا الي بطير في العالي وشايف كل شيئ
واحنا غلابه في الارض علي المنارة
مش شايفين اي شيئ الا ماتتركه انت لنا
ربنا ما يحرمنا منك ولايحرمك مننا
ونفضل نغني علطول
طبعاً احباب احباب خالص
دي اغنيه للست ورده تحفه ياصقر المنارة
هههههههههههههههههههههههههههه

» المسابقة الثقافية بالمنارة الحلقة الثانية ( الاستاذ حامل المسك / الاستاذ مجمد جلال )
» عبقرينوووو المنارة واستجواب رمضانى
» تهنئة خاصة الى استاذ نصر الدين عبد الفتاح
» مساجلة شعرية بين الأستاذ عبد الفتاح والأستاذة زهرة
» الوكالة الفرنسية: وائل غنيم وإسراء عبد الفتاح مرشحان للفوز بنوبل