مختارات من اعمال المبدع بيرم التونسى

العامل المصري

ليه أمشي حافي. ونا منبت مراكيبكم
ليه فرشي عريان, ونا منجد مراتبـــكم
ليه بيتي خربان, ونــــا نجار دواليبـــكم
هي كده قسمتي ؟
الله يحاسبكم
----------
ساكنين علالي العتب, وناللي بانيهــــــا

فارشين مفارش قصب, ناسج حواشيهـا
قانيين سواقي دهب, ونا اللي ادور فيها
يارب مهوش حسد
لكن بعاتبكم
---------
من الصبـــــــح للمسا؟ والمطرقة فيدي
صابر على دي الأســا! حتى نهار عيدي
ابن السبيل اتكسى, واسحب هرابيدي
تتعروا من مشيتي
وأخجل أخاطبكم
---------
ليه تهدموني ونــــــاللي عزكــــــــم باني
أنا اللي فوق جسمكم قطــــني وكتـاني
عيلتي في يوم دفنتي مالقيتش اكفاني
حتى الأسية. ونا راحل وسايبكم

منقوووول

الله يا سعيد

بيرم التونسى دا مصيبه يا أخى

اشعاره كلها من الصميم الى الصميم

أنا أعشق هذا الرجل كما أعشق فاروق جويدة ونزار قبانى وعبدالرحمن الابنودى لأنى أحس أنهم يشعرون بنا وبمشاكلنا .كما يعبرون عنا بكل مصداقية وشفافية دون كذب أومجاملة

وظهر على على الساحة الىن
الشاعر هشام الجخ

تعبيراته تحمل ثورة وغضب الشباب

هشام الجخ يبالغ فى الالفاظ لكن الجيل القديم كان بينتقض بأدب بس أنا مقدرش أقول رأى معين فى هشام الجخ لانى لم أقرأ له الكثير

كلمات معبره
شكرا لك تقبل مرورى

شكرا على المرور أستاذ ناجح(اسير الغربة)

ولد الشاعر الشعبي محمود بيرم التونسي في الإسكندرية في 3 مارس 1893م، وسمي التونسي لأن جده لأبيه كان تونسياً قدم إلى مصر سنة 1833م، والتونسي لقب لصق به وبأفراد أسرته لكوْنهم من تونس أصلا، وهاجروا إلى الإسكندرية، وأقاموا فيها فكان أهلُ الحي يصفون الفرد منهم بالتونسي، فلحق بهم هذا اللقب كعادة الغريب حين يقيم في غير مدينته يلقبه الناس لقبًا ينسبه إلى بلده الأصلي.

وقد عاش طفولته في حي الأنفوشي بالسيالة، إلتحق بكُتّاب الشيخ جاد الله، ثم كره الدراسة فيه لما عاناه من قسوة الشيخ، فأرسله والده إلى المعهد الديني وكان مقره مسجد المرسي أبو العباس، توفى والده وهو في الرابعة عشرة من عمره، فانقطع عن المعهد وارتد إلى دكان أبيه ولكنه خرج من هذه التجارة صفر اليدين.

كان محمود بيرم التونسي ذكياً يحب المطالعة تساعده على ذلك حافظة قوية، فهو يقرأ ويهضم ما يقرؤه في قدرة عجيبة، بدأت شهرته عندما كتب قصيدته بائع الفجل التي ينتقد فيها المجلس البلدي في الإسكندرية الذي فرض الضرائب الباهظة وأثقل كاهل السكان بحجة النهوض بالعمران، وبعد هذه القصيدة انفتحت أمامه أبواب الفن فانطلق في طريقها ودخلها من أوسع الأبواب

منقوووول

بيرم التونسي

ذلك العملاق

عم اعمام شعراء العاميه

في العصر الحديث

قال عنه امير الشعراء

احمد شوقي

لاا خش علي الشعر من العاميه

الا من بيرم

احسنت الاختيار استاذ سعيد
فعمنا بيرم التونسي من افضل الشعراء العاميين اللذين تشعر بصدق كلامهم
ويدخل الي القلب بدون تصريح يمسه ويحرك ما فيه من مشاعر

أشكر مرورك الكريم ياعبقرينوووووووو

موضوع: أهل المغنى لبيرم التونسى 8/9/2010, 11:08 pm

**** ياهـــــل المغنـــى****

يااهل المغنى دماغنا وجعنا

دقيقه سكوت لله

داحنا شبعنا كلام ماله معنى

ياليل وياعين ويااّه
ــــــــــــ

طلعت موضه غصون وبلابل

شابط فيها حزين

شاكى وباكى وقال موش عارف

يشكى ويبكى لمين

واللى جابت له الداء والكافيه

طرشه ماهش سامعاه

يااهل المغنى دماغنا وجعنا

دقيقه سكوت لله
ـــــــــــــــــــ

ردى عليه ياطيور بينادى

وارمى له الجناجين

وانت كمان يابور الــــوادى

قل له رايح على فين

قل له اياك يرتاح يابابـــــوره

ويريحنــــــــــا معــــــاه

ياهل المغنى دماغنا وجعنا

دقيقه سكــــــوت لله
ــــــــــــــــ

كل جدع فرحان بشبابه

يقول فى عنيه دمـــوع

ياللى جلبتى شقاه وعذابه

حلّى لنــــا الموضــــوع

طالع نازل يلقى عـــــوازل

واقفــــــــه بتستنــــــاه

ياهل المغنى دماغنا وجعنا

دقيقه سكوت لله
ــــــــــــــ

حافضين عشره اتناشر كلمه

نقل من الجـــــــــورنال

شوق وحنين وأمل وأمانــــــى

وصد وتيـــــــه ودلال

واللى اتعـــاد ينزاد ياخــــــــــوانا

وليل ونهــــــــار هـــوّاه

ياهل المغنى دماغنا وجعنـــــــــــا

دقيقه ســكوت لله

منقووووول

بعد الجلاء ترتدع وتلمها حبة
أهل الفنون كلها يلزمها تتربى
بلاش بقى ياسمك ايه تفرجلنا الضبة
غطي لحمك وبطنك…إنتي يا شابة

يا مخرجين ياللي أصبح فيلمكم كباريه
وشاب وارث وشلة ملمومين حواليه
وبيه بيلعب قمار والست جنب البيه
آن الأوان كل ده يا خلق يتخبى

وياللي بتألفوا أفلام على أفلام
في الجمعة كام فيلم يامؤلف تبعها بكام
بقت صناعة الأدب يامؤلفين إجرام
أمريكا شبعت علينا ضحك وأوروبا

وليه يا عاشق بتبكي لما بتغني
وتقول يا وعدي وأنا من بدري مستني
ياللي ملكتي فؤادي امتى ح تحني
إلهي يا اهل المحبة تبتلوا بضربة

منقوووول

يعطيك العافية يا سعيد

افضى لك بس
ونكمل مشروع بيرم

[centerاسمع كلام مخلص أبده اهبد هبده
خليها تفرم في الكبده فرم المناشير
من مد في فرشك رجليه اتكه عليه
بالحيل و بظظ نني عينيه من دون تأخير
صنف الأوروباوي مرخرخ بشت ملخلخ
من شخطه و التانية يسخسخ زي ام بكير
المصري واد جن مقارد و تلم بارد
لو يلقى يوش يصبح فارد للردح حصير [/center]

تطلع يا قمر بالليل
ما أحلاك يا قمر محلاك
يا ريت الحبيبي معاك
ونورك في قمر في علاك
شوقني اليك بالحيل

وتطلع يا قمر مشكور
تملاها علينا نور
وتفينا بنات الحور
تتمايل علينا ميل

... اوف ...

انا بين العرب معروف
حوليا العشيره سيوف
لو جتنا البرايا ضيوف
ينشالو على الاصيل

... أوف ....

تطلع يا قمر بالليل

كلمات المبدع بيرم التونسى

يا مخرجين ياللي أصبح فيلمكم كباريه
وشاب وارث وشلة ملمومين حواليه
وبيه بيلعب قمار والست جنب البيه
آن الأوان كل ده يا خلق يتخبى

وياللي بتألفوا أفلام على أفلام
في الجمعة كام فيلم يامؤلف تبعها بكام
بقت صناعة الأدب يامؤلفين إجرام
أمريكا شبعت علينا ضحك وأوروبا
.................

لو قدر الله لبيرم ان يري مانحن فيه

الان.....ماذا كان عساه ان يقول؟؟

كلامك صحيح يا استاذ عبد الفتاح مش امريكا بس اللى بتضحك علينا وهنا فى السعوديه مفكرين عيشة المصريين نفس اللى فى الافلام

بدون مبالغة من اجمل ما قرأت في المنارة تستحق كل الشكر والتقدير شكرا جزيلا لك

[color=red]اخوانى الاعزاء
ماأحلى بحور بيرم التونسى فعلا استاذ العاميه بل ملك
العاميه وماأروع ثنائته مع سيد درويش واعمالهم الرائعه
دمت لنا أخى سعيد على هذا الجو الجميل
شكككككككككككككككككككككككككككككككككرا[/color]

اتقدم بخالص الشكر على المرور لكل من:
أستاذة/زهرة
استاذ/ابراهيم عبدالصمد
استاذ /عمادالعمدة
أستاذ/عبدالفتاح عبدالشافى
استاذ /ناجح (اسير الغربة)
استاذ/اسامة أحمد
كما أتقدم بخالص أسفى للتأخر بالرد وذلك لأنشغالى باجازة العيد وعدم متابعة الموضوعات.أرجو تقبُل أسفى.