حقي ف الدنيا...اني أعـيــش

اما تكون حاسس بالخوف و محتاج انك تدفا
و اما تكوني ف عز قوتك و برضو تقولي اسفه
و اما تكون قرارات حياتك مبنية علي الصدفه
نبقي احنا ف وهم كبير
اسمه التنازل عن مبدأ الحياه
و مادام اتنازلت عن اني اعيش
اكيد هتنازل بعد كده كتير
الحق الوحيد اللي انا ضمناه
ان عمري مافيش حد بعد ربي متحكم فيه
بس ربنا خالقني ف حياتي بعقل عشان افكر
و ماعملش اي فعل ممكن بكرا ابكي عليه
مستغربة من حاجتين
ليا اصحاب كتير و مهمومة و مش عارفه اشكي لمين
بسمع اللي بيدعولي و يدعوا عليا
و ف الحالتين بقول آمين

اصل ربنا مش بياخد ب اي دعوة
و انا انسان مكسور حزين
من ايه؟
الله اعلم
ف عز قوتي بيبان ضعفي
ف عز شدتي اصحابي مش ف صفي
عشان الدنيا يامؤمنين نصها سلم و نصها تعبان
مين نازل فيها اكيد الخسران و الطالع هوا الكسبان
و الهم ف القلب علي مين يشيل
و الذنوب مالهاش حصر و ليها اشكال كتير
و الواحد يخطط و يدبر يعيش حياته
و يرسمها بمزاجه و يرسم علي تقيل
و يرجع يندم و يعيد حسباته
و يهرب منها و يعيش لوحده
و يقول ابقوا افتكروني يوم بالخير

ضعيف مكتوم
م الكلام محروم
بدل الهم عنده هموم
الله يكون ف عونه و يقويه
علي ذنب مالوش يد فيه
ان حياته تترسم ب قلم غيره
مش قلمه
لازم ياجماعه نتعلم اننا نختار
مش نرضي ب اقل من نصيبنا
مش نعيش و نسيب الدنيا هي اللي تقرر مصيرنا
احنا مخييرين ف الدنيا و مش مجبورين
بلاش نحرم اللي ربنا خلاه حلال لينا

وعلي اي حال
وفي كل الاحوال الحمدلله

منقول