الجيش والشعب والشرطة ايد واحدة

الجيش والشعب والشرطة ايد واحدة

شعار لابد ان نردده دوما فى بلدنا الحبيبه مصر

لابد من الترابط بين الثلاث محاور دول

لاستقرار وسلامة مصر

وعشان يرجع الامن والامان تانى لمصرنا الغاليه

محدش قال ان الشرطه كلها وحشه

ومحدش قال انها كلها حلوه

فى كل مكان فى الدنيا فيه الصالح والطالح

مش عشان مجموعه فاسده يبقى نقول كل الشرطه مش كويسه

لا فيها ناس اوفياء جدا لشغلهم لانهم حلفوا قسم وبيمشوا عليه

كلنا عرفنا الى حصل فى حكايه الظابط الى اتشاجر مع سائق ميكروباص

والحمدلله وكالعاده

محدش بيتفاهم كله بقى ضرب واهانه

الظابط غلط والسائق غلط بردو

المفروض ان الحكماء يشفوا مين الغلطان والى غلط يتاسف والى له حق ياخده

انما الى حصل منظر بشع منظر جديد على مجتمعنا

الناس لما شافوا السائق اتعور انهالوا على الظابط ضرب وشتم واهانه

لحد ماوصل انه فقد الوعى وتدهورت حالته

وحالته بين الحياه والموت الان فى المستشفى العسكرى

دا كله عشان مفيش رحمه

لو كان فى رحمه كان محصلش حاجه

دلوقتى فى واحد مصرى بيموت بسبب خناقه بسيطه كانت هتتحل بكلمه واحده

هى اسف

ولكن الناس شافوا انه ظابط شرطه انهالوا عليه ضرب ولعوا فى عربيته والى خلصه من ايدهم الجيش

بقى دى مصر؟

عمرى متخيلت انها تبقى كدا خالص

الظابط زى مقولت غلط بس مش للدرجه ان الناس تموتوا من الضرب ويبقى حالته

صعبه اوى كدا

انا شوفته وهو فى تقرير من المستشفى وشوفت حالة امه بجد صعب

اوووووووووووووى

الى هى فيه

دا كله لان مفيش رحمه

قال : قال رسول الله : من لا يرحم الـناس لا يرحمه الله

قال تعالى : ورحمتي وسعت كل شىء

لو كان فى عقل مكنش حصل الى حصل

انا ذكرت الموقف دا

لان بجد احنا عايزين نتغير ومش هنتغير الا لما نغير من نفسنا

بتطلب منى اعاملك كويس ازاى وانت مش كويس

يعنى صلح من نفسك الاول وبعدين تعالى انصحنى

ظابط الشرطه دا مش اسود اوى كدا اكيد عمل حجات كويسه كفايه انه شايل

كفنه على ايده طول الوقت وبيقدم روحه فدايا وفدا اخواته وشعبه

الى ضربوه دول معندهمش دم

فاكرين عشان هو ظابط انه وحش

بالعكس هو كان مستعجل لانه مرتبط بيمعاد عشان كان رايح يعمل عمليه فى

كتفه

معلش طولت عليكم وخرجت عن الموضوع

بس يلا كلنا نقول

الجيش والشعب والشرطة ايد واحدة

عشان نرتقى ببلدنا ونحس تانى بالامان ونشوف مصر جديده

كل طوائف الشعب بيعملوا لصالح مصر وبيحبوا مصر

مستنى ارائكم

فعلا ابو عمر

يجب ان نتكاتف والثلاث قطع مكملين لبعض

الشعب الجيش والشرطه

ولانستطيع ان نكمل المسيره بدونهم

نحن هنا لن نحمل احد فوق طاقته ولكن الذى اخطاء يحاسب

ونعود نعمل سويا ولنرفع

اليوم هذا الشعار

الجيش والشعب والشرطة ايد واحدة

شكرا لوطنيتك الرائعه كلنا هذا الرجل وان شاء الله غدا افضل من البارحه

بصراحه بعد حادثه ضابط المعادى

وحادثه مدير امن دمنهور

وغيرها فى الاسبوع الاخير فقط وبعد الثوره

اشك ان تنضم الشرطه للشعب

بل على العكس الكثير من رجال الشرطه يتوعدون الجميع بالمزيد من العنف وممارسه التضييق على الشعب

خاصه بعد احداث يناير الاخيره التى فقد فيها رجال الشرطه هيبتهم ومكانتهم

شكرا جزيلا لمروركم
وتفاعلكم مع الموضوع