بالصور : استمرار المظاهرات لجميع فئات محافظة قنا وليس السلفيين فقط

الله ينور يا استاذ خالد
ربنا يصلح الحال ان شاء الله

بارك الله فيك

استاذ

خالد الشويخي

علي نقل الصورة الحقيقية للمشاهد ،كما قلت حضرتك عفوآ يا مشير / قنا بلد سيدي عبدالرحيم القنائي

وانا اكمل معك عفوآ يا / عصام شرف

قنا بلد الرجالة والقبائل العريقة ولما القنائي يثور يوقف البابور

فرجائنا بان تحل المشكلة بتبديل محافظ جديد مسلم ويكون علي دراية عالية بامور القنائي

وتقبل تحياتي

عفوا سيدي القناوي لما يثور لازم يثور علي حق
القناوي لما يثور ميقطعش الطريق ويوقف القطورات
القناوي ماثارش ايام الثورة خالص ولما ثار دلوقتي ثار لان المحافظ مسيحي
اسأل كل اللي حواليك هيقولك موش عايزين المحافظ لانه دينه مسيحي
القناوي ماشفش المحافظ الجديد ولا عرفه القناوي موش عايزه لانه معتبر ان الحرية هي رفض المحافظ لان دينه مسيحي
يبقي بريطانيا لازم تطرد كل المحافظين ورؤساء البلديات واعضاء البرلمان المسلمين لانهم مسلمين
وامريكا وكل دول اوروبا
فين هيبة الدولة لما نقطع السكة الحديد
فين مصالح الناس المتعطلة
ولو جابوا محافظ مسلم ظالم يبقي احسن يعني
للاسف القناوي لما ثار ثار علي غلط وفي الوقت الغلط ومشفنهوش ايام الثورة ابدا

أوافق الأستاذ أشرف على هذا الرأي

إن كان السبب هو الديانة فهذا منطق غير مقبول

فكم حكم قنا محافظون مسلمون

لم تستفد قنا منهم إلا عادل لبيب

وقد وجد الكثير من المعارضة والحروب مع أهالي قنا في بداية الأمر

أما إن كان للمحافظ الجديد صلة بأحداث محاولة إسقاط الثورة

بصفته مساعدا لوزير الداخلية فمع ثوار قنا الحق في ثورتهم عليه

اخي الأستاذ أشرف وصديقي الأستاذ علي :
تحياتي من ميدان سيدي عبد الرحيم القنائي اليوم19-4-2011م الواحدة ظهراً
بعد سماع نبأ ( محافظ قنا يعتزم الاستقالة بعد عدم رغبة شعب قنا فيه )
مررت بسيارتي من الميدان فإذا مجموعة من الشباب يقفون لينظموا خطوط سير السيارات في اتجاه بعيد عن الخط السريع .
ودار حوار لمدة دقائق بيني وبين بعضهم .
قلت السلام عليكم : ردوا بابتسامة القناوية وعليكم السلام ورحمة الله وبركاته.
قلت لماذا التواجد هنا فقد استقال الرجل .
قالوا : لا لن ننخدع مرة أخرى فلم يصدربيان رسمي .
وقلت وماالمطلوب الآن ؟
قالوا : ينزل بيان رسمي من رئيس الوزراء .
قلت : وبس.
قالوا : لا ، لازم يعلن على الشريط في التليفزيون المصري مش ف الجزيرة ولا العربية .
قلت لهم : وما مواصفات المحافظ المطلوب ؟
قالوا : مصري أصيل من المساندين للثورة.
وليس شرطاً أن يكون مسلما ً ؟
قالوا : لابد أن يكون مسلماً ولم يخن ثورة 25 يناير.
قلت لهم الله مع كل هذا الشعب العريق

الاستاذ خلاف
بعد الاحترام والتحية
سيدي العزيز انت متأكد ان ميدان سيدي عبد الرحيم هو يسدي عبد الرحيم بتاع قنا
سيدي العزيز انا لسة جاي من خمسة دقائق من ميدان سيدي عبد الرحيم اللي كلنا عارفينه
وقبلها مررت علي مبني المحافظة واسمحلي اقلك ان اللي قالوهولك الجماعة دول غير اللي شفته تماما
اللي شفته لا يمت بصلة لاي ثورة موش ثورة 25 يناير وبس
اللي شفته فظيع جدا ومخيف جدا وانسي قناة الجزيرة وكل القنوات المحلية
اليوم يا استاذ خلف قررت بعد العصر ان اري قنا علي الطبيعة واشاهد الواقع بام عيني لكي احكم علي الامور
اول موقف قابلني عند ركوب السيارة المتجهة الي قنا شاهدت شباب من السلفيين المعروفين في دشنا يتفقون مع سيارة لانهم معهم 150 فرد ويريدون ان يذهبوا الي قنا ليشاركوا في المظاهرات لخلع المحافظ القبطي
المهم وصلت قنا واتجهت الي مبني المحافظة فوجدت منصة وناس معتصمين ولافتات مكتوب عليها نريده مسلم
وكثير من هذه اللافتات من هذا النوع وكل لافته مكتوب عليها اسم البلد ومنهم من دشنا وكلها تسير علي نفس المنوال
واسمح لي ان اصف لك شكل الاعتصام
العدد ليس كبير لا يزيد علي 250 شخص واغلبهم الاعظم من السنيينن والسلفيين وكثير من الاطفال وناس بتتفرج وهناك شخص يقف علي النصة يصرخ بشعارات لا تمت للوطنية بصلة بل كلها تصب في نفس المنوال نريده مسلم فقط لا غير والشكل العام يقول انهم من انصاف المتعلمين وبعضهم من البسطاء وكثير من اطفال الشوارع
دخلت في نقاش مع الرجل الذي علي المنصة وقلت له الثورة ماقالتش مسلم ولا مسيحي الثورة قالت مصر والوحدة الوطنية والمسلم والمسيحي ايد واحدة وان صورتنا بقت موش كويسة احنا فقال لي دي ثورتنا احنا منعرفش ثورة غيرها وانت مكانك موش هنا وتم طردي بشكل عنيف وكادوا ان يفتكوا بي
المهم ذهبت الي ميدان سيدي عبد الرحيم فلم اجد الا عشرات من الشباب اصحاب الزقون وبعض الناس رثي الثياب يبدوا انهم غير متعلمين بالمرة ووجدت خطيبا يخطب في الناس علي شريط السكة الحديد والناس تهتف عايزينه مسلم بصوت مرتفع
والذي لفت انتباهي ان اغلب الناس العاديين والمارة كانت متزمرة مما يحدث والغالبية العظمي من ابناء قنا ترفض ما يحدث بشدة وتعتبرها قلة ادي من ناس فاضية
انا اتحدي اي واحد يروح قنا ويقول ان في ثورة حقيقية تمثل الشعب المصري في قنا
المنظر فعلا بغيض جدا جدا جدا يخليك تكره الثورة والتغيير وتحس بالخوف علي المستقبل

نسيت اقول لحضرتك ان مفيش اي حد اتكلم عن ان المحافظ الجديد امن دولة والا غيره كل التركيز علي انه مسيحي فقط لا غيرواي حد يقولك غير كدا يبقي مشفش حاجة

استاذي العزيز : أشرف
تحياتي لحضرتك
لم أكن أتمني أن يكون التعارف بيننا بهذا الشكل
وتعرف حضرتك تمام المعرفة أنني يومياً في قنا بطبيعة وظيفتي كمعلم بمدارس النيل المصرية - فرع قنا
وتعلم حضرتك إذا سألت عني قبل أن تظلمني كل هذا الظلم البين أنني لا ولن ولم أنقل خبرا غير حقيقي طوال حياتي الصحفية أو الأدبية.
وأقسم لك أن هذا الحوار الذي تم نقله حدث بالنص وهذا ما رأيته بام عيني ومعي بذلك شاهد ودليل وهو السائق الذي كنت أركب السيارة بجواره ولو لم تصدقني فلك مطلق الحرية فى الموضوع من حقك ذلك .
وأود أن أقو لحضرتك في كل مكان الغث والثمين والجيد والرديء.
وفي النهاية أقولك كلمة واحدة : كن جميلاً تري الوجود جميلاً
والله الموفق

استاذي العزيز الاستاذ خلاف
الاختلاف في الرأي لا يفسد للود قضية وانا يا سيدي الفاضل لم اكذب الحوار الذي دار مع حضرتك ابدا ولكني نقلت ما رأيت بنفسي وما شاهدته عند مبني المحافظة وعند مزلقان سيدي عبد الرحيم وقلت رأيي الشخصي بناء علي ما شاهدته في الساعة الخامسة والنصف من عصر امس
ارجو الا تكون قد فهمت موقفي خطأ
وكما قلت لحضرتك الاختلاف في الرأي لا يفسد للود قضية
وانت جميل وقلبك كبير فتقبل مني كل الاحترام