هذه القصيدة كتبتها بعد تفجير كنيسة القديسيين بالاسكندرية


انا القناوى انا الفنان

انا الدشناوى انا الفنان


وبصوتى راح اقول احلى كلام


كلامى خفيف مش عاوز لف وطولة بال

يالا بينا يا ولاد بلدنا يا جدعان

نعمر الصحرا ونحقق حلم الايام

يا ولاد بلدنا الصحرا فيها من الخير اكوام

بس اللى يشيل ويطلع من الوديان

@@@ @@@ ###

يالا بينا نبنى نعمر ونبص لقدام

ونعيش الفرحة من غير احزان

وبادينا الحلوة نصلح القيراط والفدان

ومن خير بلدنا نملى الغيط والدار

لا نتكاسل ولا نقول اجدادنا فاتولنا زمان


ايه الفايدة نقول احنا حضارة وامة اجيال

وفى مكانا واقفين ما نتقدم ولا خطوة لقدام

وحضارتنا وتاريخنا فى ايدينا ليه نديهم للاندال

يالا بينا نزرع وناكل الاهل والخلان

ولا العدى يقولوا علينا شعب كسلان

@@@ @@@ @@@

يالا يا بنى يا خويا يا صاحبى مع الايام

ايه عملت للجد والاهل والخلان

اجدادنا قالوا حضارتنا وتاريخنا امانة لولادنا مع الايام

معلوم معلم دا كلامهم مش نرقص ونغنى على فاتهولنا زمان
ونفتخر بالمعبد ويا الااحجار

نشوف ونتفرج ونسوح ونتسوح ذى غريب الدار

لا نتعظ ولا ناخد حكمة ولا عبرة من الايام

@@@ @@@ @@@

يالا يابنى يا خويا يا صاحبى مع الايام

ما تفرق بينى وبينك دا مسيحى ودا مسلم

دا ربنا هو مفرق الاديان

واسمع وافهم حكمة قالوها اهل زمان

الدين لله والوطن للاجيال

ايدى فى ايدك نغرف رمل ننحت صخر نهد جبال

والمستحيل يتحقق بالصبر وطولة البال

ايدى فى ايدك نكمل المشوار

نتعب نشقى ونحقق حلم الايام

@@@ @@@ @@@

يالا يا سعد يا عويضة ياجرجس يا عبد العال

بلدنا خيرها كتير مالى الجبل والوديان

يالا نزرع وناكل الاهل والخلان

ولا حوجتنا للخسيس والاندال

ونغنى نقول اللى ما عمره انقال

وفى مصر الغالية نرفع راية الحب والسلام

بقلم محمد ابو العبادى