العمر : 38عدد الرسائل : 13تاريخ التسجيل : 14/08/2009
موضوع: مستمرون في اهانة الصعيد 11/9/2009, 3:58 pm
السلام عليكم ورحمه الله وبركاته
قامت جميعة تدعى دار الاورمان وجمعيه الخير وجمعيه مش عارف ايه وايه وايه بالاهانة لصعيد مصر عامه على البث التلفزيوني على عدة قنوات تلفزيونية من القنوات المعروفة للأسف ، بيقولوا ان التبرعات تجمع خصيصاً لصعيد مصر وأن نسبة الفقر في الصعيد كبيرة جداا الصعيد مشفش لحمة العيد .
تبرعوا للصعيد علشان ياكلوا لحمة العيد بصراحة الواحد مكسوف من اللي بيشوفه ويقولك مشروع جاموسه للصعيد ايه حرقة الدم دي
وانا عايز اعرف هوا الصعيد مفيهوش حد يدافع عنه ولا يتصدا لمثل هذه الوقاحة والسفاله
امال فين الناس الاكابر والمشاهير بتوع الصعيد اللي بنسمع عنهم ونقراء عنهم يدافعوا عننا وعن الاهانه اللي بنشوفها عن الصعيد وفين مكانتهم ومناصبهم فينهم هما ما بيشوفوش ولا بيسمعوا هذه السفالة والاهانة لنا وفين تعليمهم وكرامتهم وفين الغيرة والنخوه بتاعتهم لاكن هنقول ايه حسبي الله ونعم الوكيل فيهم
وفين اعضاء مجلس الزفت والطين عليهم وعلي اللي خلفوهم
والله والله دي حاجة تكسف وحاجة تعر وحاجة تحزن
زائر زائر
موضوع: رد: مستمرون في اهانة الصعيد 11/9/2009, 6:51 pm
والله عندك حق استاذ وليد دى مش اول مره يهينوا الصعيد بس هنقول ايه غير حسبنا الله ونعم الوكيل مشكور اخى على هذه المشاركه المتميزه
الجنتل مشرف سابق
العمر : 52عدد الرسائل : 454تاريخ التسجيل : 02/12/2008
موضوع: رد: مستمرون في اهانة الصعيد 11/9/2009, 7:14 pm
وفين اعضاء مجلس الزفت والطين عليهم وعلي اللي خلفوهم
اقتباس :
والله الحق معاك يا وليد.. أحس لدار الأورمان تلم الفلوس دى وتشغل بيها البلطجيه خاطفى النسوان عندهم وتصرف منها على أطفال الشوارع ولا تصرفها على المسنين الذين ألقاهم أولادهم فى الشارع للحصول على الشقه ويبنوا بيها دور للمسنين عندهم .. الصعيد ليس فى حاجه لمساعدتهم ولا لجاموسهم ..
لكنها وقاحه ما بعدها وقاحه شكراَ على الموضوع
المستشارصلاح رسلان مشرف سابق
العمر : 49عدد الرسائل : 864تاريخ التسجيل : 05/12/2008
موضوع: رد: مستمرون في اهانة الصعيد 11/9/2009, 8:37 pm
فعلا موضوعك مهم جدا يا وليد مع الاسف اصحاب الجمعيات دى معاهم ترخيص بجمع التبرعات دى وبيصرفوها لمؤسسين الجمعيه وبيتخذوا من الصعيد والاقاليم البعيده دى وسيله لجمع التبرعات عشان محدش يقول فين التبرعات اللى جمعتوها وكمان بما انه البلد كلها بقت رشاوى فمع الاسف مفيش جهه معينه بتسال ولا بتشرف عليهم ولو كانت وزارة التموين والتضامن الاجتماعى هى المسؤله الاولى على المال اللى بيتجمع من التبرعات وغيره الا انه ما اكثر المرتشين فيها وفى اغلب الجهات الحكوميه يا اخ وليد البلد اصبحت نهيبه لكل من من يستطع ان يدفع وبعدين هى فى الاول وفى الاخر رقابه الله سبحانه وتعالى فاذا الناس دى مراقبتش الله يبقى خلاص مفيش رقيب وبعدين انا نفسى حد يقولى انه جمعيه الاورمان دى جابت جاموسه لبيت فقير ولا جهزت عروسه فقيره ولا عملت اى حاجه فى الصعيد بس يجيبوا فى التليفزيون شويه عيال شوارع ((عيال دل)) طبعا جميعنا نعرف العيال دى بيجيبوها منين وبيقولوا عليهم دول عيال الصعيد عيال صعيد مين ده العيل فى الصعيد واخده كبر الجد ولا شايف لا اورمان ولا غيره معاه وبعدين ده دور البهوات الكبار الصعايده ده هنا فى القاهره اكبر رجال الاعمال واللى معاهم فلوس ونفوذ من الصعيد طيب فين بقى الكاتب الصحفى الكبير المعناوى وفين غيره وغيره والله الصعايده يمكن تحسن وضعهم اعلاميا من بداية مسلسلات محمد صفاء عامر وهو بيجيب العز والسلطه والفلوس والعادات والتقاليد لدرجه انه ناس كتير فى بحرى بيعتقدوا فعلا انه الصعيد كده وان كان هو ركز على فئه معينه نادرة الوجود وبالغ فيها الا انه ده من باب الغيره على بلده وعلى اهل الصعيد على عكس زمان لما كان كانوا يجيبوا الصعيدى بيشترى العتبه ولا محطة مصر ولا يجيبواشايل ببلاص المش ويرح بيها مصر وكمان الاشكال اللى كانوا يجيبوها رابطين شريط على راسهم وبيستهبلوا واغبيا ومش فاهمين حاجه اى نعم هو بيجيب قفف يعنى مقطف ودى انتهت من زمان بس مش مشكله وبعد الظروف ما اتصلحت وده بجد بفضل الله والسبب فيه محمد صفاء عامر الراجل المثقف المستشار السابق الاديب اللى اترشح فى مجلس الشعب تقريبا دورة 90 ومع الاسف ما اخدش اى اصوات فى دايرة دشنا لو تفتكروا وبعد ده كله يقولك تبرع لاطفال الصعيد و للصعايده الجعانين والله انا اعرف ناس من دشنا ومن قنا فى القاهره هنا فاتحه الاف البيوت من جيبوبها الخاصه وبتنفق على شوارع وحوارى كامله فى مصر ومتكفلين بميات الاسر والطلاب فى كل مراحل التعليم على العموم الموضوع جميل يا اخ وليد وبارك الله فيك على طرح هذا الموضوع
وتقبل مرورى
وليد الهوارى عضو جديد
العمر : 38عدد الرسائل : 13تاريخ التسجيل : 14/08/2009
موضوع: رد: مستمرون في اهانة الصعيد 12/9/2009, 1:08 am
الف شكر اخوتى محمد السمان والجنتل والمستشار صلاح رسلان والله انا بجد زعلان ودمى محروق من الاهانات لاهل الصعيد الصعيد الذى انجب الكثير من العلماء والادباء وغيرهم وفعلا اين المسؤلين الكبار اين رجال الاعمال الصعيده مثلا اين مصطفى بكرى عضو مجلس الشعب عن دائرة حلوان اين رده فى هذا الموضع اين الشاعر الكبير عبد الرحمن الابنودى واين الكثير للاسف المسؤلين و الكبار قاعدين بيتفرجو وبس ولكن حنقول ايه حسبنا الله ونعم الوكيل
المهندس ايمن حسين مرعى عضو فعال
العمر : 56عدد الرسائل : 1969تاريخ التسجيل : 22/11/2008
موضوع: رد: مستمرون في اهانة الصعيد 12/9/2009, 3:09 am
ماتزعلوش يارجالة للاسف الاعلام بيتعامل مع الصعيد انه كوكب تانى مش من مصر وعلى فكرة هما بيترعبوا من الصعايدة ويحترموهم جدا ولكن غباء مصمم الاعلان وغباء الرقابة هى السبب ولو شاف بجد الفقراء لايقبلون التبرعات امام الكاميرات والتشهير بهم واجمد نكتة موضوع البطاطين دى قال ايه البرد فى الشتاء طيب بالمرة كمان يجيبوا مكيفات علشان الحر لو عاوزين صح الصعيد يعيش يقسموا قسمة العدل فى الميزانية ويفتحوا مصانع بجد ويوظفوا الشباب الجالس على المقاهى بس من غير مايدفعوه 5000جنيه من اجل ان يتعين فى وظيفة راتبها 200جنيه وبعدين ياريت تترفع قضايا على الاورمان بحجة استغلالها للناس الغلابة فى الاعلان وبعدين الملايين دى لازم يجيبوها وتوزع بواسطة التامينات الاجتماعية مثلا وبالحق مش بالمزاج فيه حد محامى يرفع القضية والتعويضات وكشف حساب الجمعية ومعرفة اين تذهب التبرعات بجد وده بجد لازم الدولة تفعل الرقابة على الجمعيات والغلابة فعلا لهم الله
موضوع: مستمرون في اهانة الصعيد 
11/9/2009, 3:58 pm
