ماشية الليالي زمبلك ــ حمدي محمد حسين

ماشية الليالي زمبلك
شعر / حمدي محمد حسين
*
*
*
الواد الشبرين
ومش باين م الأرض
بيلعب ف دماغي

وبيدخل تلافيف القلب
بخفة وزن وبخفة روح
مع إن كلامه المتمنطق
مبيعجبنيش أوقات
وسعات بيكسر فيا حاجات
ويرقص فيا حاجات
الواد معقول أصبح مخبول وبيتفلسف !!
مع إنه بيكسف لما بياكل نص حروف القول
والحق بأقول : ساعات الواد
بيقطع نص خطاوي المسافات
وبيوصل قبل الكل
ويمد دراعة يسبل عين القمرة
يسخر من رضوان
يفرك شوك الشجر السنط
يفرش وينام
واما بيصحى بعد أدان الضهر وقبل أدان الفجر ياجيني
ياكل نص عيدان العلبة / الكبريت
ويولع لما استخسر فيه النار
يهذي .. ويعوم ضد التيار
ولحظة لما باشده
يقلب هرم المجد هزار
يضحك من جواه
يشنق
يبلع قبل الضحك ووقت الضحك وبعد الضحك
مرار
الواد مليان أفكار
وبيدور على ذاته
وبيتبرأ م الكل
حتى أبوه وخواته
الواد مسكون بالحب وبالشعر وبالدين
متعفر بالحزن وبالحلم وبالفقر وبالطين
خالف تعرف ,, حال الواد
مسكين الواد ولا إحنا المساكين ؟
إيه لخبط حال الدنيا
وشقلب حال الواد ؟
دروس القهوة ولا وشوش الناس
ولا نشارة الشاي المضروب
مين فينا الصح ومين معيوب؟
صاحبي اللي عازف عن حياة البنت
وواخدها كرامة ؟
ولا اللي زاهد دنيته وبينتحر علشان ألووووه ؟
ولا يكون صاحبي اللي جنبه ولعبته الأعداد ؟
ومسح دماغه بالبشاورة من الجواز ؟
مين فينا صح ومين غلط يا حضرة الأستاذ ؟
يا عيون بتسرح كل ليلة ف ملكها المصبوب قزاز
علشان تعد اليك دو , دوسة , دش !!
مين اللي يطلع برة , مين ؟ ومين يخش ؟
الليل طويل .. والكل مكفي ع الورق
والذنب ذنبك يا ملك
يا أيها الملك السعيد
اللعبة طالت ما انتهت
كوتشينة فيها يا دوب ولد
أكل الزمن لونه وبهت
والذنب ذنبك يا ملك
ماشية الليالي زمبلك
والصبر مفتاح الفرج
مهما الحصان زك وعرج
ديتها رفسة م الحصان
والواد يقش
كش كش كش كش كش
[b][size=58][/size]

يا أيها الملك السعيد
اللعبة طالت ما انتهت
كوتشينة فيها يا دوب ولد
أكل الزمن لونه وبهت
والذنب ذنبك يا ملك
ماشية الليالي زمبلك
والصبر مفتاح الفرج
مهما الحصان زك وعرج
ديتها رفسة م الحصان
والواد يقش

********************
شكرا لك على الموضوع الجميل والرائع
نتمنى ان تواصل معنا بمواضيعك المميزة والجميلة والشيقة
واعود لأشكرك مرة ثانية على ما قدمته من جهود لارقاء المنتدى نحو الافضل
وان شاء الله تكون في ميزان حسناتك
لك مني خالص التحيات يا اخي الحبيب
دمت لمنتدانا يا اخي العزيز

تفرد الشاعر نزار قبانى فى أنه يجعلك لاتستطيع أن تتوقع بماذا سينهى البيت ، وحمدى محمد حسين فى هذه القصيده إستطاع أن يفاجىء القارىء بعكس مايتوقع ، فهو يقول ... مين فينا الصح ، ومين معيوب . فقد إستطاع بكلمة معيوب أن يفاجىء القارىء بهذا اللفظ الذى لم يتوقعه ، ويستحق حمدى محمد حسين أن يحصل على برائة إختراع على جملته الفريده ( ويمد دراعه يسبل عين القمره )..، وهذا هو التفرد
فإلى مزيد من النجاح والتفرد

شكرا علي هذه المعلومات

يفرك شوك الشجر السنط
يفرش وينام
واما بيصحى بعد أدان الضهر.. وقبل أدان الفجر ياجينى
ياكل نص عيدان العلبة/الكبريت
ويولع لما استخسر فيه النار
يهذى .. ويعوم ضد التيار
ولحظة لما باشده
يقلب هرم المجد هزار
**********************
شكرا جزيلا أخى/ على
على هذه المشاركة الممتعة
واتمنى ان تمتعنا ببعض أعمالك كما امتعتنا برائعة حمدى محمد حسين
ولكما كل الشكر

استاذ خالد منور المنتدي بالصورة الجميلة دي

الله يخليك يا ابوحميد
النهاردة كنت فى بلدكم
وقابلت ابو يوسف

والله والله خسارة يا عم كنت قلت لي والله كنت نزلت لك البلد

والله كلك ذوق
عموما انا كل يوم فى بلدكم
لحد ما ييجى جمال مبارك

جمال مبارك

يعني ما نشوفكش الا لو في حد زي جمال

مجبر أخاك لا بطل

ليه هو انت ليك علاقة بموضوع جمال ده
وانا والله لو في فرصة لانزل ونتقابل يا ريت
جمال يتأخر كمان اسبوع انا نازل الاسبوع القادم بإذن الله

ايه يا عم خالد انا كنت عايز اعلق على الصورة بس خايف لتزعل

ايه رايك انت

ياعم جمال علق زى ما انت عاوز
انا ما ازعلش من الشباب الحلو ابدا
خد راحتك ع الاخر

بس انا خايف استاذ خالد تعليق جمال والله ممكن يزعلك