اجمل قرار اتخذته انه لا دعايه لاي مرشح علي منتدانا الرائع والاصوب ما اتخذتموه ان اي مرشح عليه ان يعرض برنامجه الانتخابي الذي يستطيع ان يقنع به الناس ودا حلم احلم به منذ زمن ان نتطور ونعطي صوتنا لمن يقنعنا ببرنامجه الانتخابي بعيدا عن العصبيه والقبليه الي رجعتنا قرون للخلف ولم تدفعنا للامام في الصعيد خاصه وفي مصر عامه فشكرا لكم علي هذا القرار الصائب واول الغيث قطره واسمحوا لي ان اوضح لكم ان في شريط الاهداء الذي ظهر منذ ايام من ابني امير وهو صغير بس مولع بالكمبيوتر ففوجئت به انه كتب عني اني هحل مشاكل الناس ولا اخفيك انني فرحت به علي صغر سنه حفظه الله وحفظ لك ابنك فارس من كل سوء ولم اعرف الغيه قبل حتي قراركم فرحت بامير انه بيفكر بحل المشاكل للناس وهو الصغير وعزره ااني انا ابوه احب الناس لقلبه ولذا لزم التنويه اما انا فلم اقرر بعد خوض الانتخابات ودا قرار ليس بالسهل وخصوصا انه بالنسبه لي يرتبط باشياء كثيره خاصه بي وعندما اخذ القرار في ذلك لابد ان اكون انا شخصيا مقتنع بقراري هذا 100 في المائه وهو ليس بقرار سهل وان كانت النيه موجوده ولكن هذا الكلام سابق لاوانه فانا ابن بلد لابد ان تقول رايها وتختار من المناسب في الترشيح فالموضوع ليس اماني شخصيه واحلام ولكن الموضوع يرتبط بالناس مش بناجي او غيره اما تعليقك الرائع انت والاخت الفاضله منحه القاضي فاسعدني الفكر وطرح الار اء البنائه والنيره وردي علي كل النقاط التي تفضلتم بطرحها بفكر راقي وباسلوب اقل ما يوصف به اصحابهم انهم اصحاب رؤيه لابد من احترامها حتي ولو كنا مختلفيين في الراي ردي علي موضوع الكفيل سوف يثلج صدركما وردي علي علي من الرئيس القادم لمصر سوف يكون بين ايديكم فانا لا اعمل دعايه لاحد ولكن اقول راي الشخصي وكل ما اتمناه ان يكون رئيس دولتي بيحل مشاكلنا الكثيره ولكن انا علي مستواي الشخصي عندما انتقدك مثلا لا احب التجريح او الهدم وكمان لازم يكون دوري ودورك ودور الاخت منحه وكل المثقفين واصحاب الفكر زرع الامل في بكره واعطاء التفاؤل لابنائنا لان الكيل فاض بهم وانا لست من برج عاجي ولا باشا دا لو عصرتني هتلاقي ميه الترعه الي شربناها واحنا صغيريين لسه موجوده في خلايا جسمي بس الحمد لله ماعندييش بلهارسيا!!!!!!!!!!!!!!!!!
الامل مطلوب والتفاؤل مطلوب لان رسولنا الكريم قال بشروا ولا تنفروا وبكره اكيد احلي من النهارده والرد هيكون جميل وهيعجبكما اما ان علاقتي بك انت وكل اعضاء ومشرفين المنتدي واهلي اهل دشنا الكرام فهي اغلي واهم عندي من اي مسئول او اي شخص لاننا اهل وابناء بلد واحد وجمال مبارك مصري وواحد من مصر مش غريب وانا ان كنت عضو بالحزب الوطني فدا مش معناه اني اؤيد الحزب في كل حاجه بيقولها وفيه ناس كتير اعضاء بالحزب ناس مش مطبلاتيه ومثقفين فيه ناس محترمه اكيد كتير وعلشان بلدنا تتقدم لابد ان نظهر السلبيات وننادي ونعمل علي حلها ونبدا بانفسنا كل في مجال عمله وتخصصه نعم الفساد اصبح للركب في المحليات والرشاوي بقت عيني عينك والامور لا تسر عدو ولا حبيب بس بالعقل والتكاتف هنغوص فيها ونحاول ونحاول ان نخلق الحلول بايدينا لا بيدي عمرو وشويه صبر وشويه عزيمه وجرعه تفاؤل هنقدر والنقد البناء يحل ويخلق راي عام حول مشكله وابداء الاراء والحلول حول هذه المشكل باذن الله هتتحل المشكله لكن لتروي ونتريس ونهدا حتي نستطيع القاء الضوء علي مشاكلنا وانتم اهل العلم والنخبه المميزه الدور والمسئوليه كبيره علي عاتقكم اعانكم الله واعاننا جميعا علي فعل اي خير لبلدنا مصر والافكار التي طرحتها في موضوعي السابق فيها لاكثير من بعض الحلول وانتظروني فسوف تجدون ما يسر النفس واياكم والبعد عن التفاؤل والامل فهما ما تبقي لنا من اشياء ما زالت بايدينا فن ضاع الامل والتفاؤل ضعنا ونحن لم نضيع بعد فنحن معروفي العنوان والهويه
وصباح الخير علي كل الناس الطيبين ابوي وابوك واخوي واخوك وعم محمد بتاع الشاي في المكتب عندك وعم سيد بتاع الفول وعم موريس الخياط وعم مريد الخياط وعم عثمان الفراش في مدرسه فارس وعلي كل الوجوه الجميله الي بنقابلها في الشارع وصابره ومتحمله غلاء المعيشه ووبتاكل رغيف حامي من الفرن وهي سعيده مصر جميله والاجمل طيبه ومعدن اهلها الطيبين الصابرين الرجاله البنايين والفواعليه والمزارعيين---- وبص هناك في فاو ودشنا وانظر في اعلي الصوره عمامي وعمامك قاعديين دايريين مكنهم بيروا الزرع وكوبايه الشاي من علي الكانون ومولعيين شويه بوص بنارهم دفيانين ---والواد محمد واد بدوي عمي راكب حمارته وجايب شويه قلواح تاكلهم الجاموسه علشان تجيب لنا شويه اللبن الي مش مغشوشين ---- والناس عايشه وراضيه بما هو مكتوب علي الجبيين--- ودي ريحه الناس الطييبين--- ونفس اخوك في شويه ملوخيه بطشه التوم بس يكونوا كثيريين--- بس يا خساره اكل التقليه والثوم واروح في غيبوبه من الم القولون اللعين--- شفاك الله وعفاك يا ابن بلدي المستشار يا ابن الناس الطيبين--- يا ابن المشايخ وابن الشيخ الفاوي الي بيعالج الام المتالميين --- يا صلاح يا اخويا مصر بخير طالما فيها ناس زيك وزي علي وزي منحه لسه موجوديين--- وصباح الخير يا دشنا يا ام الغلابه والموهبين يا فاو ---- يا ابو مناع يا صعايده يا عزازيه ي سمطا يا ابو دياب يا صبريات الصابريين يا نجع عبد القادر يا ميات يا مراشده يا جزيره الحمودي يا بلد طارق رسلن واهل الغرب المتنوريين--- يا جحاريد يا صفاره يا خولايا بلد الشيخ عثمان يا طيبيين--- يا فاويه ياكل اهلي بلدي دا صلاح ودا علي ودا بسيوني ودا سلامه ودا فرج الله ودا السمان ودا الامير ودا الهواري ودا عماد ودي منحه من رب السما هم بيكم وليكم متحدثين وشايلين همومكم ومسافرين بيها وتاعبهم الحنين--- ودا مهندسنا ايمن مرعي بيرسم كوبري يربطنا ببعض ويقربنا ويطوي بعد السنين --وادي صلاح بالمحكمه شايل هموم وهموم ومش عارف ينصر مين والامين --- بس ما تخافوش دول رجاله وبيفكروا ولولا علي عبدالله كنا اتكلمنا مع مين-- ومين سمعنا ومين حس بينا في زحام البشر وجري السنين
موضوع: سياده المستشار صلاح رسلان والاستاذ علي عبالله 
1/11/2009, 7:53 am
