مصر يا امة يا بهية يا أم النقاب والجلابية

اسمعوا الحكاية دى ...... بيقولك الحاكم كان طالع يصطاد طبعا كان معاه الشلة بتاعته المهم جلالته نشن على اول حمامة شافها فوق شجرة(حظها كده) الطلقة صابت ووقعتها كان ساعتها جنبه سيادة النائب وطبعا ما صدق يا سلام ... الله اكبر بالصلاه على النبى ايه العظمة دى يا فندم ايه الحلاوة دى ...وسعادته بص له وابتسم ونشن على الثانية ووقعها برضه كبير الوزراء كان حاضر .... يا عينى يا ريس والله دى عين صقر ربنا يخليك لينا وللبلد يا فندم وعندما سدد الحاكم واطلق على الحمامة الثالثة هيفت والحمامة طارت بعيد كان بجوار الحاكم هذه المرة شيخ المشايخ الكبير فنظر متأملا الى الحمامة وهى تطير بعيدا وقال بخشوع عميق الله اكبر وتهدج صوته من فرط الايمان واردف سبحان الله ... طايرة وهى ميتة
بس كفايه هناخد الموضوع كله تهريج ولا ايه نتكلم جد شوية خصوصا واليومين دول حوالينا شويه مواضيع واحداث تندرج تحت مسمى الظروف الصعبة وقد تصل الى الحرجة هناخد منهم موضوعين بس هجوم انفلونزا الخنازير على مصر وهجوم النقاب على نساء مصر وبأعتباره زى ما قال العلماء عادة وليس عبادة يبقى ليس علينا حرج فى الكلام واننى والله اخاف ان يأتى يوم على هذا البلد ونسمع من يقول شايف الست اللى مش كويسة شوف التبجح الست ماشية فى الشارع وهى محجبة وانا اتصور لو رفعت الحكومة يدها عن مناهضة النقاب فأنه سوف ينزاح لوحدة وبحثا عن علاقة بين موضوعين شائكين فأننى سمعت احدى المبتكرات تقول النقاب ممكن يبقى بديل كويس للكمامة فى ظروف انفلونزا الخنازير ويبقى نلنا الحسنيين وقينا نفسنا من المرض ورضينا ربنا فى نفس الوقت وهو بحث المعى عن توافق شرطى بين الحالتين (مشيها كده) ولكن ما بال الرجال يا سيدتى هيتنقبوا هما كمان ولا هيكتفوا بالكمامة التى تكتم الانفاس التى هى اصلا مكتومة خلقة خلينا مع تداعيات الافكار دى الوباء راح لحاله خلاص ربنا نجانا منه فما حال كل من انتقبت لهذا السبب هل ستعود لحجابها ولا حرام وبعض القرارات الحكومية المنظمة لهذة المسائلة فى المستشفيات والمدارس ماذا سيكون الحال هل ستحدث صدامات وهل ستخلع الدكتورة او الممرضة او المدرسة نقابها من اجل عملها ولا هتقعد فى بيتها وتكفى خيرها شرها وهل يستحق موضوع به كل هذه الاجتهادات ويحتمل هذه الاراء وكل ذلك اللغط هل يستحق ان تقام من اجله الحروب ويصنع كل هذا التوتر لمصلحة من
ويا اخوتى سيدات وانسات مصر الفضليات المحترمات حررن عقولكن واعتبرن ان الحكومة عايزاكم تتنقبوا ايو الحزب الحاكم وكل الشيوخ الكبار بتوع الحكومة عايزين نقاب بس خلاص كدة تبقى خلصت لو اقتنعت كل نساء مصر بذلك فستخلع كل منتقبة نقابها وتعود لحجابها وتصبح مصر ليست متحررة ولا سافرة ولكنها فى الوقت نفسه ايضا ليست منتقبة
ولله الامر من قبل ومن بعد

شكرا يا سيادة المستشارعلى النصيحة ولو فيه حاجة البركة فيك

ياريت يازعيم كنت شغلت قلمك فى انتقاد السافرات او المتبرجات لانه شكلك عندك حس ادبى

وسيب الناس فى حالها

انا مش فاهمه فى ايه انتوا بتدوا الحرية الشخصية للناس براحتكم وعلى مزاجكم

يا زعيم النقاب ليس عادة كما يقول الامام الاكبر النقاب عبادة امر الله بها فى القران حين انزل اية الحجاب ولم يخص بها نساء النبى بل امر المسلمات عامة النقاب عفة وصيانة ووقار تعيش المراة وهى ترتديه فى مملكة عظيمة ولكن اخشى ما اخشاه ان يستغل النقاب باسم الدين وان ترتديه بعض الاخوات على انه موضة وتقليعة جديدة وان يكون من التغيير لا من اجل الدين[]

اخى وحبيى محمد الزعيم اشكر على الموضع الهم جداجدا ونشكرا الاستاذ محمد عباس على الاضافة ولكم منى كل الشكرا والتقدير اخواكم ممدوح صغير