بسم الله الرحمن الرحيم
اخى الاستاذ :مصطفى البربرى
سؤالك سهل وعويص
المنطقية بلا مواربه ..كل دشنا مشاكل
ولا نرى فيها المشاكل
البلد فى وادى ورئاسة مجلس المدينة فى وادى
وكأن الحال لايهم اهل دشنا او القيادة
البلد تعج بالفوضى العارمة فى كل شيئ
ولا اذن تسمع . وكأن العيون لا ترى
مجلس المدينة كل همة تحصيل الكارتة من الباعة
شارع المركز يعج بفوضى منقطعة النظير
ويا هنا من ولدته امه ويخرج من الشارع غير متسخ من الزبالة والباعة
وبقايا السمك وبقايا الباعة الجائلين الذين يفترشون
احد جانبى الشارع . ولا يتركون للمارة سوى ربع المتر وربع اخر للتوك توك
وربع متر تانى لعربات الكارو
ويمكن يكون زيادة ربع متر للهواء علشان نتنفس .
او قل لكى نستطيع شم النفس بالعافية
ادارة التموين الا قليل منهم الرشاوى عينى عينك. ولا يختشوا يااخى
الادارة الهندسية تخالف التنظيم والفلوس فى جيوبهم من حرام كتير وبرضة برود متناهى ى طلب الرشوة والا مافيش ترخيص صح حتى او مخالف
المسئولين عن البيئة ..حدث ولا حرج زباله ايه ولا قازورات ايه .. ماتشوفشى فى الشوارع غير المرض
ولا حس ولا خبر
الادارة الصحية
طيب والنبى قول .... فيه حد عارف عن اللحم حاجة . سليمة ولا كسر ولا عجوزة ولا نافقة
المطعم هل هى ادمية وايه اخبار الشهادة الصحية
والسمك الفاسد كل يوم متنشر فى الشارع والريحة كريهه وتانى يوم يحطوا علية الثلج وينباع ياسيدى
بس احنا لولا ستر ربنا ورعايته كنا متنا من زمان
ربنا ادانا معدة تهضم الزلط والرمل والطوب والمسامير والقش والمعفن والفاسد
سبحان القدرة .......نشكرك يارب
المدارس الا قليل فوضى وغول الدروس الخصوصية
بقى لازم تدى المدرس فلوس ومش مهم يشرح لابنك او لبنتك
مافيش ضمير ...عند كثير من المدرسين
وانا ارى انهم عار على مهنة التدريس
كثير من الموظفين مرتشيين ومعروف ادائهم بالاسم
وكف الطرف عنهم ....يغيييييييييييييييييييييييييييييييييييييييييييظ
والنبى ياخى قلبت المواجع ليه ؟
تصدق حتى البياعين السنج مغشوشة تروح البيت جبت كام كيلو ياراجل تقول مثلا كيلو
تروح الست سنية تفقع لك عين من عيونك
وتقولك يامنيل دول مايطلعوش نص كيلو
تقوم زينا معلهش تتنيل وتسكت
ويمكن تدخل الاوضة وتقفل الباب وهاتك ياعياط وبكا
والنبى الواحد
مش عاوز يطلع من البيت
ياسيدى تعبتنى
كفاية كدة النهاردة وبكرة نكمل بعض من المشاكل
اصل المشاكل كتير بس اللى يقرأ
موضوع: ما هي مشاكل مركز دشنا بالنسبة لك 
14/6/2010, 3:40 pm
