أخجلتنا أشرقت... قالت مالم نستطع قوله

أشرقت راضى

اصغر شاعرة فى مصر وفى الوطن العربى

وهذه بعض اشعار الطفلة اشرقت راضى اصغر شاعرة فى مصر وفى الوطن العربى

(يا من تركتنى وانا لسة نبتة صغيرة تحتاج رعاية كبيرة
دي رسالتى ليك يوم ما جرحت قلبى وكان الذنب مش ذنبى
عشت ايام وليالى وانا بابكى على حالى ظلمك مكنش شوية
اه لو تعرف اثره فيه يا ابو قلب ما يعرف حنية ايوه كان نفسى اعيش وياك
لكن هيفيد بايه وانا اصلا مش فرقة معاك وبرغم مرور السنين ما رجع لك
يوم الحنين يا خسارة على الاباء العايشين ويتكفل باولادهم ناس تانين
وكانهم متيتمين يا خسارة على الحنية اللى من قلوبهم مدارية
حتى ف شهر البركة والخير ما حنتش لقلب رقيق زي الطير
و ف يوم العيد يا ترى بتفكر ضناك لبس جديد ؟؟؟)

.......

إيدي فيها إيه؟" سؤال دونته طفلة لا يتعدى عمرها الحادية عشرة على ورقة بيضاء، وتحول السؤال لقصيدة وتتابعت القصائد حتى ظهر ديوان شعري للنور، والذي استقبله الوسط الثقافي بحفاوة شديدة وكذلك صاحبته التي "أشرقت" موهبتها مبكرا ..عندما وقعت عيناي عليها تذكرت على الفور إشادة "محمد فهمي" - مدير عام قصر ثقافة شبرا الخيمة- بنبوغها .
في قصيدة " إيدي فيها إيه " نقرأ : " نمت يوم في سريري / لاقيت صوت بيصحيني / بيصرخ ويناديني/ فايتني لوحدي ليه / أحارب الأعادي/ وكل يوم أشوف / دم أخواتي وأولادي / يصرخ ويقول فينك / يا قدس يا بلادي / رحتوا فين يا عرب/ لما بيتي أتخرب/ محمد الدرة/ قتلوه / وكلكم شفتوه / نزلتوا الدمعتين / وبعدها نسيتوه" وفي نهايتها تقول " قوم يا عربي القدس بتناديك/ مهمتك تقف وتمد لها / أيديك / تاخد بتارها / دا واجب عليك/ القضية بسيطة ومحسومة/ بالاتحاد نقضي على الجرثومة/ صحيت من نومي / مطمنة ومرعوبة / أصلي لاقيت في إيديا / واحدة حمامة سلام/ و التانية فيها طوبة

......
سؤال وجه اليها من الاعلام شوفوا السؤال واجابته

ما هي أقرب قصائد إليكِ

قصيدة "بابا نويل" التي كتبتها ليلة رأس السنة 2009, وتأثرت فيها بشدة باعتداءات إسرائيل على أهل غزة، ولم تكن هناك فرحة باستقبال هذا العام ، فقد تخيلت نفسي طفلة فلسطينية حزينة لضياع أهلها ومدينتها .
تقول فيها : " بدأت سنة جديدة / يارب تكون سعيدة / فتحت التلفزيون/ أشوف أخبار اليوم/ في غزة فيه أطفال/ عايشين أسوأ حال/
يا صاحب الضربة الجوية/ دي بقت خيبة قوية / نسيت دمنا اللي راح/ وتختمها فضايح وجراح/ دا أنا بحلم أني بموت/ مع أطفال غزة وبيروت/ وازاي هيحسوا بأمان/أطفال القدس ولبنان/ وانتوا دايماً متفرقين / وع الخوف بس متفقين

....

أشرقت تبعث برساله الى الريس

رسالة إلى الريس"
التى تقول فيها الشاعرة:
أنا طفلة صغيرة
ومشكلتى كبيرة
إلحقنى ياريسنا
قطر الغلا دهسنا
والمشكلة بتزيد
بعد غلا الحديد
والأسمنت كمان
دوخ فى الإنسان
طب هتجوز فين
والشقة الأوضتين
شوف سعرها بقى فين
خايفة لانرجع تانى
تبقى الشقة أمانى
واسكن مع عيلتين
أوضة يادوب مترين
والحمام مكسور
ندخل فيه بالدور
....
وإن فكرت أجيب
كباية حليب
شوف راح أجيبها بكام
يبقى بلاش أحلام
...
مرة غابت صاحبتى
ومشيت وحدى ف سكتى
وف تانى يوم جت تانى
بتغنى فى أغانى
بيتهم كان سعيد
وكأن إمبارح عيد
عشان أكلت لحمة
طالبين منك رحمة
يا إله العالمين
ما إحنا صحيح وحشين
نستاهل حكومتنا
تعاكسنا فى لقمتنا

الطفلة أشرقت راضى من مواليد 1998، وتكتب الشعر منذ السابعة، كما تكتب القصة، ونشر لها عدد من القصائد فى مجلة قطر الندى وجريدة أنباء المصرى وأخبار العرب الدولية والحياة المصرية والرأى، وحصلت على جوائز منها المركز الأول فى مسابقة الشعر بمهرجان القراءة للجميع 2008، والمركز الأول فى مسابقة القصة بمهرجان القراءة للجميع 2009

بالزمه مش حاجه تكسف
البنت بتقول كلام اتخنق جوا حناجرنا

اشرقت...........تشرق...........اشراقا.........وشروقا

شمس مصريه

تبعث خيوط اشعتها

لمن يهمه الامر

ولمن يعنيه الامر منا

فلسنا كلنا امام هذه الخيوط سواء

فمنا من تشرق عليه الشمس وهو مستيقظ قبل اشراقها

ومنا من لم يراها ..لانه يغط في نوم عميق

ومنا من يتفاعل مع الاشراق اشراقا

ومنا من يزيده الاشراق خمولا وكسلا

اما اشرقت وما ادراك ما اشرقت

حلم وردي ..نبتة خضراء..عود غض ندي حمل هموم وطن بل اوطان

يدلا من ان تحلم بعروسه طفوليه حالها حال كثير ممن هم في مثل عمرها الصغير

حقا كما قالت الزهره

اخجلتنا اشرقت

شكرا وتقبلي تحياتي

ايه دا كله يا استاذ عبد الفتاح
نشكر اشرقت للمرة الثانية
التى كانت السبب فى سماعنا لهذه الكلمات منك
ان شاء الله غدا يشرق صبح جديد مفعم بالامل
ولازلنا فى غمرة خجلنا..بارك الله فى أشرقت

اشرقت اخجلتى حكامنا
وازهلتى رجالاتنا
وجعلتينا نتوارى خجلا من انفسنا
وددت الان ان لو كل من بوجهه شارب
ان يتوجه الى صالو اقرب حلاق
وان يغمض عينيه ختى لايرو اشعاع نورك
بارك الله فيكى لامك وليس لابوكى الذى
ترك هذه الزهة فى المهد
وبارك الله فى زهرتناالتى تاتينا بكل
ماهو جديد وعظيم

يا استاذ محمد اشرقت لم تخجل الجميع
لان الخجل والحياء نعمة من الله
وهناك من لا يمتلك هذه النعمة فهى لا تفرق معه بتاتا
واذا كان على الشوارب الناس من غير خجل ولا حاجه
تخلصت منها
جزاك الله خيرا فمنك نتعلم

[ندعوك للتسجيل في المنتدى أو التعريف بنفسك لمعاينة هذه الصورة]

أشرقت