ما يعجبني وما لا يعجبني في بلدي ( الموضوع الثاني ) مشاكل الشباب

بسم الله الرحمن الرحيم
السادة الاعضاء الكرام اقدم اليكم ثاني موضوعات (( ما يعجبني وما لا يعجبني في بلدي )) وهي بعنوان مشاكل الشباب

مبدئيا أحب أن اوضح ان الحال واحد بالنسبة لمعظم الشباب داخل بلدنا
فبعد أن يينتهي الشاب من رحلة التعليم الصعبة والطويلة والتي يستهلك فيها معظم طاقاته سواء المادية والمعنوية وما يصاحبهما من مصاريف نقدية
يجد نفسه يقف وراء مئات الالاف منتظرين احدي فرص العمل التي تناسب مؤهله
ونكاد نجزم انه لن يستطيع ان يجد هذه الفرصة في وقت تخرجه وينضم بالفعل الي كل من سبقوه من خريجي الكليات والمعاهد .

هذا هو أول جزء من المشكلة التي أريد رأيكم وتعليقكم عليها
وسأكمل لكم فيما بعد ما يفعله معظم هؤلاء الشباب
اتمني تفاعلكم حتي يكتمل الموضوع

كاتب الموضوع / محمد فوزي

بسم الله الرحمن الرحيم

اخى العزيز الاستاذ : محمد فوزى

انا مثلك مهتم ( من الهم) يعنى

لحال الشبان المنتظر دورى التعيين

عندنا الشباب يصل الى الدور 32 ويقف ينتظر الخاسر من دورى المعينيين بالدولة

يعنى استنى بدل معار .. يعنى بدل مجند.. استنى متوفى ..استنى خروج على المعاش.يعنى موت

موظف. يعنى اصابة عجز كلى.. يعنى اجازة وضع..يعنى اجازة رضاعة..

اصل كل دول نجوم دورى الموظفين بالدولة

وفيه كمان محترفين من برة مصر...عارف دول اللى بتبعتهم امريكا وراء كل مع

معونة امريكية..امال انت فاكر الدنيا سايبة

لا الدورى منظم قوى.. وممنوع لاعبين من الغلابة يظهروا فى الميدان

احنا بس نشجع الهبرة الحلوة وبس ونصفق

اللاعبين والحكام من الصفوة ومن برة كمان

تعرف لو قلت غير اللى كتبته انت من الاول وطالب الرأى

ماكنتش عرفت انى فى مصر

مصر العنوان عنوان بيتنا...

اى معوقات او تقصيرات او مخالفات

على طول وعرض تبقى كدة اكيد انت فى مصر

مين ياعم فاكر فى الشباب دول والخريجيين

انسى يااستاذ محمد فوزى

عموما تشكر يمكن رئيس الوزراء يحس بينا وبيك

يارب يموتوا كلهم ...اللى مش سائلين فى الشباب

طيب نشكى لمين والنبى

الاسر تعانى شديد العناء من اجل تعليم فلذات الاكباد والست حكومة ولا هنا

عارف الحل فين.....

طبعا احنا بنلعب دورى قط وفار

والحكومة بتدعى علينا وبتقول يارب الشعب يموت

وانا بااقول يارب يموتوا هما البعدا

الحال لا يسر عدو او صديق

ولك منى كل الحب والتقدير والاحترام

طيب فيه دوري خارج الاضواء
يعني الدوري خارج دائرة التوظيف الحكومي
ويعتمد علي الاعتماد علي النفس وعدم انتظاء قطار التعيين
(( ملحوظة تقريبا في عطل في قطار التعييين اثر مشكلة بسيطة حدثت عام 91 أو 92 مش فاكر وجاري العمل علي تصليحه ومن المنتظر عودته في خلال الخمسين سنةالقادمة ))
المهم دوري خارج الاضواء ده ممكن يعتمد فيه اللاعبين (( الشباب يعني )) علي أنفسهم ويبدأ أي مشروع
وممكن ربنا يسها وتيجي في الجون
عموما لنا لقاء اخر بعد راي بقية الاعضاء