نداءللساده اعضاء مجلس الشعب

اوجه نداء االى جميع الساده اعضاء مجلس الشعب الحاليين والذين سيتقدمون للانتخابات القادمه للتواجد فى المناره للتعرف عليهم والحوار معهم
شكرا لكم
مستر راضى

مفيش حد رد ليه هل هذا تعالى او تكبر على الناس

مش عارف
مستر راضى

مش عارف اكتب ايه ؟
واحنا فى الانتظار
mrrady

اسمحلي ارد عليك
السادة النواب او اغلبهم موش فاضيين علشان يناقشو حاجة علي المنارة او غيرها
كل واحد في مندرته او الساحة بتاعته او مقره الانتخابي
وحواليه المؤيدين والمنتفعين والزيارات شغالة والتربيطات علي ودنه وشراء الاصوات تمام التمام
العيلة دي تبعنا ودول لا
وادفع يا ريس
اللي في دماغك مالوش دعوة بالواقع ابدا ابدا انت في وادي وهما في وادي المسالة بزنس ناس عاملة حسابها هتصرف كذا وبعدين لو ربنا سهل كله يتعوض وزيادة
انت عارف ايه اللي بيتقال عن دورة الانتخابات الحالية
دورة فلوس
فليه يتعبو نفسهم
وبعدين مسألة البرنامج الانتخابي دي بقت حاجة قديمة ومحدش بيصدقها اي واحد يتلم علي شخص بيعرف يكتب ويقلو الفلي برنامج انتخابي كدا كويس اهو اي حاجة في اي حاجة المهم يكون عنده برنامج زي الناس يعني الشيئ لزوم الشيئ
محدش فاضيلك
الواجبات والجنايز علي ودنو
وكل اللي ليه واحد ماشفوش من ميت سنة بيدور عليه وانت ابن عمي وانت قريبي وابقي خلي بالك احنا ناس بعض
والكرسي موش لازم يضيع
وهو في النهاية العضو نفسه اللي هيقعد علي الكرسي ويدلدل رجليه وممكن يحط رجل علي رجل وينسي اهل الدايرة
ارحم نفسك يا مستر راضي
لانك ممكن تتعب ويجيلك الضغط وعلي ايه بدون فايدة
الناس دي الامور دي عادي عندها ممكن تقول صفقة يا جات يا مجتش
والقبليت والعصبيات حدث ولا حرج

واللة ياستاذاشرف لوقطعت نفسك ما احد هيسال فيك ولو قعت للدورة الجاية تنادى الااذا كاتت وراك مصلحة والعاقبة عندكم فى المصرات

مستر راضى
ات اعقل من كده
انت مستنى حد يرد عليك برضوا
ياراجل عيب
كبر دماغك

لو محدش رد انا هعطى صوتى للعمده
مستر راضى

ياباشا صوتك عندى بالدنيا كلها
وبامانه انت اكتر واحد ف المنارة
بتشدنى موضوعاته
لانك بتتكلم من منطلق فكرى سليم
ومش بحس ف كلامك انك بتايد حد
على عكس ان فيه ناس بتنفخ ف ناس
المفروض ان رايى لنفسى مش انى احاول اقنع بيه الجميع
بالرغم ان كل اللى اترشحوا قبل كده ونجحوا كانت سمعتهم
زى البرلنت
لكن بعد الكرسى ظهر الوجه الاخر
وانا بقولك
ايا كان اللى هينجح هيحصل اللى قبله
وشكراااا يامستر

العمده انا سعيد بيك اشكرك على الكلام الكبير جدا ده والله ياأخى انا لاابغى الا المصلحه بس اللى مزعلنى انه فى ناس انا بحبهم جدا ولكن بيتكلموا على اشخاص لايصح ابدا انهم يمثلوا الناس فى المجلس ولكن انا حاسس انه بيكتب عنهم من دافع الاحراج هل تتخيل ياعمده فيه شخص محترم جدا كتب الى الان عن حوالى 4أشخاص تخيل
والله مش عارف اقول ايه
استاذ اشرف المشاوير دى معروفه والناس فاهمه كل حاجه بس على رأيك رزق الناس الحلوه على الناس الاحلى
عم اكرامى اصبر شويه يمكن حد يعبرنا
ولعلمكم اكرر كل الناس المرشحين متابعين جدا للمنتدى
صباح الخير يادشنا
مستر راضى

طبعا لن تجد رد

» اعضاء مجلس الشعب قوائم قنا
» لقد زال دور عضو مجلس الشعب التقليدي2
» انتخابات مجلس الشعب 2010
» مجلس الشعب 2010 كلاكت اول مرة
» انتخابات مجلس الشعب القادمه