أنا شروق بنت زهرة الجنوب ..ممكن اشارك فى رمضان

زائر

[ندعوك للتسجيل في المنتدى أو التعريف بنفسك لمعاينة هذه الصورة]

انا عارفه ان سنى صغير
على فكره انا سنى تسع سنين
مش زى ما مكتوب فى التسجيل
عايزه اشارك معاكم فى حاجات خاصه بالأطفال
ممكن

ماشاء الله

الله اكبر عليكي يابابا

طبعا يابنتي تشاركي ونص

ابن الوز عوام

ربنا يخليكي ويحرسك لوالديكي

زائر

شكرا يا عمو
اصل ماما ما كانتش راضيه علشان سنى صغير
بس قلتلها اخد رايكم
وتحت اشرافها

نورتى المنارة
يا بنت اختنا
وطبعا تشاركى وتخشى
واللى مش عاجبه يمشى
اهلا بيكى
وبحكوايكى
لاطفالنا الصغار
وصدق اللى قال
ابن الوز عوام

بسم الله ماشاء الله
ربنا يخلي

والله يا استاذ محمد
انا عاملالها اشتراك فى منتدى للأطفال
قلت علشان تبقى تحت عينى من دلوقتى
وادربها على الاستعمال السليم للانترنت
يعنى مصل وقايه من السموم اللى حوالينا
لكن هى عندها الحاح شديد بالمشاركه هنا
وعارفاكم واحد واحد وبتقعد تسألنى فلان كتب ايه
وفلان رد قال ايه
قلت نجربها نشوف حاتنفع معاكم ولا لا
خاصة وانى واخده الكمبيوتر معظم الوقت
كل سنه وانت طيب
والشكر موصول للأستاذ عبد الفتاح

الله يبارك فيك يا استاذ اشرف
ان شاء الله تكون ضيفه خفيفه علينا
وبعدين اهى جايه المدارس
نزحلقها

مرحب بيكي يا : شروق

ونورتي منتدانا وكل سنه وانتي طيبه بمناسبه قدوم شهر رمضان

وتقبلوا تحياتنا

موضوع: انا شروق بنت زهرة الجنوب 25/7/2010, 3:09 am

بسم الله الرحمن الرحيم

بتقولى مين

شروق

.....

شروق بنت زهرة

.....

زهرة مين دى

....ياعمو

انا زهرة وكمان صغيرة

....
وبعدين ياعمو .. فيك...

اخر ...مرة باأقولك

انا شروق بنت زهرة الجنوب

اللى معاكم على المنارة

اخت الكل

.......

والنبى اللى امها زهــــــــرة الجنوب

تستأذن يا احلى شروق

البيت بيتك

والعاشرة مساءا

و90 دقيقة

ودريم

والحياة

وقنوات النيل كمان

كل الخطوط والقنوات والنت تحت امرك

ومش هنعمل معاكى كت نت

انت احلى الكل

انتى بس وبوسة

انت شروق الشمس

انت بس اشرى

قولى

حتى همس

هانسمعك

ونقول الله عليكى ياشروق ياشمس

كفاية كدة احسن خلاص شروق الصبح والفجر

ومبروك علينا

عالم سمسم

والحكاوى

من

اختكم شروق الشمس

عمو : عبدالباسط

بدون (شروق)لايمكن لاى (زهرة)ان تعيش هذه معلومة علمية موكدة فالازهار تنمو وتترعرع على ضوء الشمس .اما فى هذه الحالة فالوضع غريب يحدث العكس لاول مرة فالشروق هو الذى يستمد الحياة من الزهرة.فاهلا وسهلا بهذا الشروق الذى نتمنى ان يضىء منارتنا ويضيف اليها كل ماهو جديد فى هذا العالم الجميل (عالم الاطفال)العالم الذى نحلم بالعودة اليه ولو للحظات.

انا ممنونه جدا يا اخوانى من استقبالكم للست شروق
وردى دا رد مؤقت لغاية ما هى تصحى وترد عليكم بنفسها
علشان يكون فيه مصداقيه فى الكلام
هى فرحانه فعلا بيكم ...وانا ايضا مطمئنه عليها هنا
المواقع الأخرى ناس ما نعرفهاش واسماء مستعاره
لكن هنا أمان ...اكرر الشكر

زائر

انا مش عارفه اقول ايه
انا مكسوفه من الكلام دا كله
انتو حلوين قوى
وماما مش راضيه تقول لى اقول ايه
بس شكرا ليكم

اهلا بيكى وهو بصراحة فكرة جميلة اوى انها تكون بينا وحده صغيره على الاقل تتعلم التفكر والافكار
****************

أهلابيك يا شروق في بيتك الثاني منارة دشنا
وكل أعضاء المنارة يرحبون بجميع مشاركاتك
وكل سنة وأنت طيبة يا شروق

ازدادت المنارة نورا حين اشرقت عليها شروق

أهلا بيكي

زائر

انا متشكره قوى جدا ليكم
ومبسوطه بردكم على
شكرا

اخيرا لقيت عضو في المنارة اصغر مني
علي العموم انتي هتنوري المنارة

يا اهلا وسهلا بالاموره شروق

منوره المناره ومنورانا

وكلنا سعداء باشتراكك معنا ومنتظرين ابداعاتك لان ابن الوز عوام

واذا كنتى صغيره فى السن فانت كبيره فى الفهم

وخلى بالك من دراستك