للمتزوجين فقط ماذا تفعل لو تعبت زوجتك؟؟؟

اهلاً بحضرتك يا زهرة ومشاركة واعية تدل على تقديرك لدور الزوجة المنزلي تحياتي لأبو شروق
وبارك الله لكما في شروق وما يتبعها

اناعن رايى ازعل عليها زعل شديد واحاول ان استحملها لغيه ملاقى البديل والغاقبه عندكم فى المسرات

ايه يا عم اكرامي
انت عايز تتجوز ولا ايه ؟
ده انتا ما صدقت عايز البديل
أحيي فيك الصبر حتى تفرج
وطبعاً الفرج عندك هو الزوجة الثانية
دمت بخير وتقبل تحياتي يا استاذ اكرامي

فينك يا أم رؤى تسمعى اللى بيتقال

بالزمه انت يا استاذ عبد الباسط بتشتغل فى المطبخ

اولا الواحده مننا ما بتحبش غير شغل ايديها
وبعدين النبى صلى الله عليه وسلم كان يعمل فى مهنة اهله

الشيخ الشعراوى كان بيستحى ان حد يغسل له شرباته ويصر على غسلهم بنفسه

وانا قلت من الاول الرجل الآن اللى بيحب مراته قوى يعنى


اقصى ما يمكن عمله هو انه لما يلاقيها تعبانه يخف طلبات ويكتفى باليسير لغاية ما تقوم بالسلامه

الا فى مرحلة الحمل
تلاقى الواحد مستعد يعمل اى حاجه فى البيت بس هى خليها مرتاحه فى السرير ما تتحركش

انت حاتسكت يا ابو رؤى ولا نعلن الانقلاب

شكرا لك ياسناذ احمد لانك عرفت النوايا كده احسن ما نسيب نفسنا ويتحكمو فينا

أستاذ عبدالباسط عبدالستار
أخوك الغلبان متجوز من سنة بالتمام والكمال 15/7/2009
والحمد لله مقضيها بحسن السير والسلوك
بس والكلام لزهرة الراجل لما يساعد مرآته بتنبسط منه وممكن تضايق شوية
بس بعد كده بتسوق فيها
يعني بدل التعب اللي يخليها تعمل شغل البيت
تتعب تعب يقعدها في السرير
مع انها كانت بتستحمل التعب علشان خاطر جوزها
لكن لما لقيته بيساعد
نفسياً عاشت الدور
وممكن يكون الراجل في المطبخ
وهيا عاملة فيها مش عارفة تكلمه من التعب
تليفون واحد من أمها وتلاقي اللسان بقى لبلب
أنا فطنت من قبل ما اتجوز لموضوع الستات في موضوع المساعدة في البيت
عارف يا استاذ عبدالباسط أي واحدة في الخطوبة لازم تسأل خطيبها
لو أنا تعبت ممكن تساعد في البيت
أنا قلت لأ وربنا مايجيبلك تعب
بس أنا بكره شغل البيت سم
وأمي عمرها ماخلتنا نعمل حاجة
و أديني اتجوزت
وقلت الست لو تعبت لازم الراجل يتجوز عليها
دلوقتي لا تعب ولا يحزنون
أخوكم يا زهرة عايش عيشة هارون الرشيد
باشا
وأسيبكم دلوقتي علشان فيه فوم غسيل ألوان أقوم أغسله
والبيت عايز يترتب قبل ما المدام تصحى

عارف يا استاذ احمد فيه حاجه

فى تفكيرك انا مش عارفه اطلعها

انت مقتنع داخليا ان المرأة دى وباء

او انها متمرده وان الرجل ما يبقاش راجل الا
اذا قدر يحكمها بالحديد والنار

وهذا غير صحيح صدقنى ..العلاقة الزوجيه


ان لم يسودها الاحترام المتبادل والمشاركة الوجدانية

حتى فى حال الخناق والاختلاف لازم يكون فيه حترام
مش هو يشتم ويسب ويلعن ..وهى تبادله السباب

حتى وان لم تتفوه بالكلام من خوف مثلا

الا ان عدم الاحترام لبشريتى وبشريتك

هو الذى يحدث انقساما فى العلاقة الزوجية

قالت الاعرابية كونى له امة يكن لك عبدا
يالها من حكيمة تلك المرأة التى اعطت المختصر المفيد

انت بتقول وانتوا مخطوبين سألتك بتعرف فى شغل البيت

وانا باقولك تجربتى الشخصيه
..
انا كنت باسأله اذا كان حايستحملنى شويه فى بعض العقبات

اصل انا ما اعرفش اعمل كذا وكذا وخايفه من المسؤليه
..
وكان بيطمنى انى ما اخافش وبكره اتعلم ومش مشكله خالص

ووفى بالوعد عكيت كتير ولا كان بيتضايق ولا حاجه ..كان بيشجعنى

علشان كده وعلشان الاحترام المتبادل اللى قلت لك عليه

اننا حتى فى قمة ثورتنا لا نتفوه بألفاظ تنتقص من قدرنا

وسريعا يأتى الصفاء

وعلشان كده برضه انا اتحامل على نفسى واحاول بقدر الامكان

ان ما الزموش باى شىء فى شغل البيت مهما كنت تعبانه
يعنى الخلاصه ...كلما زادت المودة بينك وبين زوجتك

كلما ارتحت فى بيتك وعوملت معاملة الملك المتوج الذى يأمر فيطاع

لا والله يا أخت زهرة بالعكس أنا أكره الرجل اللي يضرب او يتفتون على مرآته وبعتبره شخص وضيع وحقير
وبالعكس أنا أقدر الرجل اللي يساعد زوجته ويكونوا ايد واحدة
والحمد لله بعتبر نفسي زوج كويس
المشكلة يا زهرة نشفان دماغ سيدات اليومين دول
قد يكون لأن أنا لسة أول سنة زواج
لكن المحترم من يحترم زوجته
ولما تتعب يشيلها في عينه
((هل جزاء الإحسان إلا الإحسان))
حيجيله يوم ويتعب مين حيشيله ؟
أكيد زوجته هي حتكون أحن واحدة عليه
لكن البنات أصبحوا عنيدات جداً يا زهرة
والراجل بيتشبث برأيه
طيب ايه الحل



ختاماً في حال تعب الزوجة لا قدر الله لازم زوجها يشيلها في عينه
ومن قدم شيء التقاه
وانا عن نفسي اساعدها في تعبها
دون انتظار لمساعدتها وربنا يقويني كمان وكمان

ممكن شوية فكاهة فى الموضوع

[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]




[ندعوك للتسجيل في المنتدى أو التعريف بنفسك لمعاينة هذه الصورة]

شكرا استاذا احمد انك سمحتلى ارد لكن انا لو كنت متزوج وتعبت مراتى هطلب مساعده وزارة الدخليه الى هى عائلة مراتى وهروح اصيف واقول لمراتى لما تخفى يبقى ادينى رنه

عزيزي ابو حسام
اذا عين بالقضاء يكون ** قاضي ** وهي **قضيه
هههههههه كده تكون الجمله مضبوطه

**************
تكون قاضية ................ دي من عند اللغة العربية
تكون قضية ................. دي من عند ابو حسام
تكون ........................دي من عند ............
(( والي عنده وصف يتفضل هنا يوجد حرية ابداء الراي ))

وانا مش مسؤول علي الي يحصل بعد كده

وحق الرد مكفول (( للاستاذة .............. ))
هههههههههههههههههههههههههههههههه