عبقرينوووو المنارة واستجواب رمضانى

صوما مقبولا إن شاء الله

وتبقى لنا بخير وصحة وسلامة

اسف اتأخرت عليكم اصل الفول كان لسه مستواش
عشان السحور
[ندعوك للتسجيل في المنتدى أو التعريف بنفسك لمعاينة هذه الصورة]

عبقرينوووو

ديك الصباح قد صاح

شوف امتى حاتكمل
بعد الفطار ولا دلوقتى

بعد السلام عليكم الحوار مع غواص المنارة جميل
لى ملاحظة على الاستاذ عبدالفتاح لو سمحلى وهى فى الحقيقة عتب وانا اعرف انك راجل اصيل وتعرف الاصول نعرف ان الشاى عند تقديمة يجب ان يكون مساوي لعدد الحضور فحضرتك قدمت 3 شاي فقط والاستاذ حمادة كذلك والاخت زهرة اكثر كرما ( عفوا) عشان طبق المش وطبق العسل يكفى عشرين وهى كده فكرتنى بالساحة فى القرنه حيث اجمل عسل واجمل جبنه قديمه تاكلها فى حياتك

اما ان كان الحوار مقتصر على ثلاثتكم فننسحب بكل ذوق ونلعب دور المشاهد

وشكرا على الحوار ونترككم مع الاخ مصطفي الشوان (عشان الكرسي) عفوا الاستاذ حمادة شحات

خالص التقدير

مين يقدر يقول كده يا استاذ أسامه
افهمك انا
اصل فى الحوارات السابقه ما كانش فيه حد من الاعضاء
بيدخل يقولنا ..ازى الحال حتى
لكن التفاعل ده مفاجاة سعيدة طبعا لينا
وليك على النهارده المشروبات بوفيه مفتوح للجميع
بس انتو شدوا حيلكم وخليكم معانا على الخط
هذا ما نبغيه

وابقو شوفوا الاستاذ عبد الفتاح حايعمل معاكم ايه
دا راجل كريم جدا وحايفرح بكم

على فكره يا استاذ اسامة
مش ساحة الشيخ الطيب لا يضاهيه اى مذاق آخر
حتى الجبنه الخزين
مره اكلت عندهم جبنه خزين جميله جداا
جيت هنا جبت زيها لا يمكن تبقى فى طعمها
يا اخى دا حتى الزرع عندهم شكل تانى
بتفكرنا ليه بس

شهرزاد المناره ههههه
قصدي زهرة المنارة صباح جميل معطر بذكر الله
وقت ماتحبوا انا تحت امركم معنديش مشكله بس بعد اذنك بعد الفطار بيكون للحوار طعم جميل
مجرد اقتراح واتنتي حرة هعمل زي الجماعه بتوعنا كان لما يجي لينا ضيف ويحب يقوم من القعده كان جدي يقوله انت جيت بمزاجك وتمشي بمزاج صاحب المكان
؟ ولا ايه ههههه
انا مصير ومش مخير

الاستاذ/ اسامه احمد
صباح الفل والياسمين والتمر الهندي كمان هههه
انت منور الموضوع وحق الضيافه محفوظ ولك علينا الواجب والكرم لتشريفك لينا
وجاري عمل سفرة محترمة جدا وفخمه من ايام الخديوي اسماعيل تكون حضرتك ضيف الشرف
احنا معندناش اعز ولا اغلي منك ياسلام ؟
دا انت تأمر واحنا ننفذ وصقر المنارة اكيد هيقوم بالواجب وزياده اما اختنا الغالية ام شروق فهي ام الكرم كله
وتواجدك المميز معانا اضاف للحوار مذاق خاص والله وشعرت اني بين اهلي واحبابي يلتفون من حولي
ربنا يدوم المحبه ويدوم علينا الستر وميفضحناش مع ام شروق هههه
وبقول عديها مستورة يااااااااااارب

وانا اتفق معك يا عبقرينوو
بعد المغرب حتى علشان نعرف نضايف الناس
ولا تستفزونى وتجيبوا اسماء اكلات غريبه براحتكم

ياعم اسامه الجماعه دول شكلهم لسه مصرفوش التموين بتاع الشهر

دا الحاج/عبد الفتاح عمال يقولهم خيكم مصطفى نفسه فى كوبايه شاى ولا حياه لمن تنادى

لغايه لما يدن الفجر ورحت صليت وجيت وملقيتش حتى كوبايه ميه

عموما معلش الجماعه دول احنا لينا عنديهم حق عرب ومش هنسيبه بس لما ياجو بالسلامه

والكلام ليكى ياجاره قصدى يازهره المناره

وياابو حسام اشرب الشاى بس وههريك اسئله صبرك بس على

ماشي الكلام وجاري تنفيذه يازهرة المنارة وياعم مصطفي انا مش عاوز ارتكب ذنوب انا ممكن اجيبلك الشاي والجاتوه كمان معاه بس كده هشيل وزر لاننا لسه صايمين هههههههه
عاوز تودينا ورا الشمس يابوشريكو
خليها بعد الفطار وانا عليا دور الواجب ده لان ام شروق مصرفتش التموين لحد دلوك يابوي

منور الحوار يابو شحات واللهِ

فكرتنا بأيام زمان الجميلة

وكمان حسست زهرة إننا هنود بكلامك وأكلاتك القديمة دي

على مهلك عليها شوية لأنها بنت بندر

عموما يازهرة ما تزعليش أنا هجيبلك شوية دبداب ومخروط ع الفطار النهاردة

هههه

يا داهية تكوني مش عارفاهم دول كمان

عموما اطمني طعمهم لذيذ جدا

قوللي يابو حسام

هل مثلت لك لهجتك الصعيدية مشاكل في المعاملة مع الناس بالقاهرة

وهل لهجتك مازالت صعيدي ولا أثروا فيك البحاروة بلهجتهم المايعة دي

؟؟؟؟؟؟؟؟؟؟؟؟

فينك ياعم على من زمان احنا قعدين لحد صلاة الفجر والأكل شغال في المخروظة والمبوخية

والسمن سايح للركب

وبعدين الدبداب يتعب المعدة خلي أم علي تعملنا شوية مديدة من بتوع زمان ولا عصيدة أنت عارف السن كبر

وعيشين لينا زمان

حاتعمل زيهم يا استاذ على
طلعوا على اشاعه انى مش من الصعيد
واحلف لهم
صعيديه يابوى
ما فيش فايده
انا عارفه الدبداب على فكره
جانى مره هديه من هواره
بس تقيل قوى على معدتى
الصنف التانى دا حد علمى بيه المخروط اللى كنا بناخده فى الرياضيات زمان
ما اعرفش ايه دخله بالاكل
ولا انتوا بتضحكوا علينا ولا ايه

اخونا الكبير والاب الروحي للجميع انا عمال اقول الحوار نور كدا ليه اتاري حضرتك شرفته بطلعتك البهيه / يا ابو الامير عبدالله
ربنا مايحرمنا منك ولا من تواجدك ومشاركاتك معانا
بص ياسيدي حكاية زهرة دي حكايه والله امال لو انا قلتلها علي المصبوبه ؟؟؟ والله هنجننها بكلامنا دا ههههههه

اولا موضوع اللهجه انا بكل صدق في البداية انا نفسي تعبت معاهم ولاد الحلال مش فاهم منهم ولاكلمة ولاهما فاهميني بقي نفسي اعرف هما بيقولوا ايه وبطبيعة الحال هنا في القاهرة كل واحد في حاله نادر جدا لو لقيت علاقات اسريه او اختلاط مابين عائلتين علشان كده تلاقي موضوع اللهجة مش متدوال بشده او انه بيسبب عائق حاليا
بس بكل صدق انا حالياً بتعامل ب3 لغات والله البحراويه مع البحاروة والصعيديه الاصيله مع حبايبي واصحابي حتي في الشغل اغيب اغيب واروح مديهم جملتين صعيدي لما اكون مضايق منهم وطبعا هما والله مافهمين حاجه واصل هههههه
اللغه التالته هي لغة الواقع انك تعرف تتكلم مع الشخص اللي قدامك اي كان بدون حتي شفايفك متتحرك يفهمك بالاشاره بالنظرة زي مابيقولوا ودي الحمدلله بتبعها في اوقات معينه وقليله جدا عندما تحكم الظروف فقط ولاقدر الله في مشكله عندي
بس والله العظيم عاوز اقولكم علي حاجه صغيره
الاسرة كلها عندي حتي الان مالزالت تتحدث اللهجه الصعيدي برغم اننا قاربنا علي حوالي 35 عام تقريباً ووالدي يقيم هنا بالقاهرة حتي حسام ابني اقسم بالله لم ينطق لسانه الغه البحراويه حتي الان دائم التحدث باللهجه الصعيدية حتي في الحضانه بتاعته المعلمين مش قادرين يفهموا كلامه وبدأت حاليا اطور في الولد اصلي استلمته من ابويا بعد ما اكمل 3 سنوات لانه كان واخده رهن عنده ههههههه مكانش بيدهولي الا علي النوم لو انا عاوز العب معاه يبقي قدام عينه في بيت الحاج
غير كدا ممنوع منعاً باتاً
وبالله عليكم تدعو لاخوكم الغلبان ان ربنا يرضي عليه والواد يتعلم اللغه البحراويه علشان يقدر يجاريهم ويعرف يتعلم لاني ناوي ان شاء الله ادخله مدارس لغات بس العقبه عندي في ابويا برضوا كاتم علي نفسي وعاوز يدخله الازهر وشكلي والله اعلم هوافق بالرضي احسن ولو فضل بالطبع الجميل دا والله مهو ناجح في سنته هههههه

الاستاذ/ اسامه

العزيز علينا وعلي قلوبنا

المحب فينا ولنا

انت صاحب البيت يا استاذ/ اسامه

ولا يكرم المرء في داره

وكما قال الاخوه جميعا..انه في الحوارات السابقه

كان المتداخلين علينا والمطارحين لنا باسئلتهم

قليل من الاخوه....وكانوا لا ياتون وقت الشاي او القهوه

بل كان اغلبهم ياتي اثناء الصوم

ولكن ماذا نفعل لحماده شحات

ضيوفه ومحبيه كثر والحمدلله

وهذا من حب اهل المناره لشخصه الكريم

لذلك احنا مش ملحقين علي الاكل ولا الشاي

كان المفروض نستاجر طقم بزي موحد للقيام بواجب الضيافه لكم

شرفتوا والله الحوار واذتموه اشراقا علي اشراق صاحبه

ابو شحات انا اسئلتي ساتركها للنهايه

وهي ليست اسئله صعبه ولا شئ

هي في اطار الحب لكم ابو حسام ليس اكثر

اما السؤال الصعب فسيكون للمحاوره

الاخت زهرة الجنوب ولكن بعد صافرة النهايه ايضا

لكن زهره مافي شئ يصعب عليها ...بتعرف تطلع منها

زي الشعرة من العجينه

بس انا ضحكت من قلبي لما بتقول علي المخروط بتاع الاستاذ

علي عبد الله

المخروط اللى كنا بناخده فى الرياضيات زمان
ما اعرفش ايه دخله بالاكل
ولا انتوا بتضحكوا علينا ولا ايه

حقيقي ضحكت ضحكت...واقول لها ان المخروط بتاع الرياضيات

هو الشكل المخروطي.....اما مخروط الاستاذ/علي مخروط من نوع اخر

ياريت هو يفيدك احسن مني...لانه له علاقه بفطير النشابه

واللبن والسكر والسمن البلدي

خالص اعتذاري يا استاذ اسامه

واليوم هيكون احسن ان شاء الله

وشكرا

[ندعوك للتسجيل في المنتدى أو التعريف بنفسك لمعاينة هذه الصورة]

ولا يهمك يا اسامه

قعدة عرب للناس كلها

وصاحب القعده/ شاعر المناره

استاذ/ مصطفي....انا بداله بالنيابه

[ندعوك للتسجيل في المنتدى أو التعريف بنفسك لمعاينة هذه الصورة]

ودول شوية كيك وحلويات مع الشاي

[ندعوك للتسجيل في المنتدى أو التعريف بنفسك لمعاينة هذه الصورة]

ودول شوية فطاير احسن تكونوا مكملتوش فطاركم

[ندعوك للتسجيل في المنتدى أو التعريف بنفسك لمعاينة هذه الصورة]

اي خدمه تاني يا استاذ اسامه/انا مستعد

ولايكون خاطرك الا طيب

طال عمرك

خلاص يا صاحب قعده العرب

الحساب عندي

وكل قعده وانت طيب

حاجات ولا في الأفلام يا عم عبد الفتاح

شكرا لك على الكرم والسخاء الذي أنت أهل له

***

عمنا حمادة شحات

عاوزين نشوف صورة ليك

لأننا رسمنالك صورة في الخيال وعاوزين نقارنها بالحقيقة

لا تبخل علينا يابو حسام

اعمل ايه بس يا استاذ/علي

السهره امبارح قضيناها بدون حتي

كوب حلبه حصي

واسامه ومصطفي زعلانين

من سوء الضيافه

قلت خليها عليا انا وبس

اصله لازم نرضي حبايبنا باي شكل

ولا نزعلهم ابدا ابدا

ويجعله عامـــــــــــــــــر

طاح الحطب يااستاذ عبدالفتاح وربنا يجعله عامر ونردهالك فى المسرات

الله يبارك فيك يااستاذنا/عبدالفتاح

والله كلك كرم وذوق ودايما صاحب واجب ياخال

ايوه كده اهو احنا كده اتحسبنا على القعده

يدوم المعروف ياعم/عبد الفتاح ويجعله عامر

الله يخليك ياشاعرنا الرائع

كله من فضلت خيرك علينا ياراجل

الاستاذ عبدالفتاح انت عارف الراجل ال راح يزور اخته وبقلها والله كنت هجيبلك معاي شوية قصب بس خفت الحمار يكسرهم قلتله بس ليه التعب ده ياود ابوي قلها خلى العيال يفرحوا او .....ههههههه

» حوار رمضانى شيق مع الاستاذ عبد الفتاح
» فضل المنارة
» معا من أجل المنارة
» المنارة سوق كبير
» عبر عن مواجيدك هنا فى المنارة