شائعات بانقطاع المياه عن دشنا لمدة 4 أيام

تسيطر حالة من القلق على أهالى دشنا خوفا من تأثير بقعة السولار المتسربة فى النيل على صحتهم ، أو انقطاع المياه عنهم لمدة طويلة ، حيث انتشرت الشائعات بين الأهالى حول انقطاع المياه عن الأهالى لمدة 3 أو 4 أيام ، حتى يتمكن المسئولون من الانتهاء من السيطرة على بقعة السولار المتسربة.

عموما اعملوا حسابكم وخزنوا ميه كتير تكفيكم لمدة أربعة أيام

وقديما قالوا :

أن تَرِدَ الماءَ بماءٍ أكيس

ربنا يستر

ربنا يستر يا استاذ على
تقبل مرورى

الظاهر هنرجع للطرمبات

بتاعة زمان..........

والله المستعان

أنا معملتش حسابى
علشان المياه طبيعى مقطوعة عندى

سواء ببقعة السولار أو بدونها
الناس قايمين بالواجب معانا على اكمل وجه

ابو جمال ممكن طرمبه
علشان انا اتخنقت

والله يا ام شروق

اخشي علي الطرمبات الان ان تكون تسحب

مياهها من مياه المجاري...ذلك نظرا لارتفاع منسوب

المياه الجوفيه.....افضل شئ نصلي صلاة الاستسقاء

كما تفعل دول الخليج هنا...وربنا بيرزقهم بالغيث

من عنده.....ولنا الله

لاتخافوا احتمال كبير ان بقعة السولار أخرها الاقصر يعنى مش هتوصل دشنا
أكد اللواء حسين على، رئيس مدينة إسنا، التابعة لمحافظة الأقصر لـ"اليوم السابع" أن تأثير بقعة السولار بدأ يتلاشى ويتراجع قبل وصوله إلى مدينة إسنا، نظرا لعدة عوامل منها منحنيات مجرى النيل قبل المدينة، والحشائش والجزر النيلية التى تعلقت بها أجزاء كبيرة من بقعة السولار.

وأضاف على، أن البقعة مازالت فى آخر قرية تابعة لمحافظة أسوان وأمامها حوالى 5 كيلومترات حتى تصل إلى مدخل مدينة إسنا.

كما أوضح أن المدينة تجرى استعداداتها لاستقبال البقعة لاتخاذ الإجراءات اللازمة معها، مضيفا أن قناطر إسنا الجديدة على استعداد كامل للتخفيف من آثار البقعة قبل دخولها إلى محافظة الأقصر.

أمال قاطعين المياه عننا ليه

غلاسه يعنى ولا متبرعين بحرق دمنا
هدية العيد
والله يا اخى انهم من يوم الخميس
وهما عاملين الواجب معانا
ويقطعوها النهار كله
وتيجى بعد المغرب

بس النهارده كرمهم زاد
وما جاتش لغاية دلوقت

والنبى تدعولى

ربنا يستر يا ابو ندى

وعلى رأي الأستاذ عبد الفتاح

الظاهر هنرجع للطرمبات

بتاعة زمان..........

ودي طرمبة هدية لزهرة الجنوب

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

أو يرجع لنا عمنا الحاج ده

[ندعوك للتسجيل في المنتدى أو التعريف بنفسك لمعاينة هذه الصورة]

يعنى ايه يا استاذ على
طيب لما يرجع لنا عمنا الحاج
حانحتاج كام قربة مياه يوميا يعنى

الراجل حاتطلع عينه

انا باحب الميه
وباستهلك كتير قوى

وعموما على وشكم اهى الميه جات
وباخزن مياه تكفى لساعات وليس ايام

خلى لى الطرمبه عندك امانة

كلنا فى الهم شرق
وإن ضاق رزق اليوم فاصبر إلى غدٍ
عسى نكبات الدهـر عنـك تـزول
ولا خير فـي ود امـريءٍ متلـونٍ
إذا الريح مالت ، مال حيـث تميـل

قال مصدر رفض ذكر أسمه في تصريحات صحفية لصحيفة "الشروق" إنه أجرى اتصالا هاتفيا بالوزير ليؤكد عليه الاستعداد للقاء مع رئيس الجمهورية، فاشتكى له الوزير من أنه لم يحلق ذقنه بعد، رغم اقتراب ميعاد الاجتماع بسبب انقطاع المياه لأكثر من يومين، وهو ما أخبره الوزير لرئيس الجمهورية

تعرض الدكتور مفيد شهاب، وزير الدولة لشئون مجلس الشورى، لموقف مشابه، عندما ضطر لملء جراكن المياه من سيارة المياه التى علم الوزير أنها تقف فى أحد الميادين بالتجمع الخامس، فأرسل البواب "بالجراكن".

هناك خير كبير فى انقطاع المياه وهو ان يتعلم الناس كيفية التيمم

دول يا عم بيشربو ميه معدنيه الهم والباقى علينا احنا الغلابه اللى بنشرب من الترعه

بالفعل هي شائعة
والاصل في الحكاية انها اربع ساعات وليست اربع ايام
ولكن احنا كمان لازم نعمل حسابنا
لان الوقت عندنا نحن المصريون شيء ثانوي
وغير دقيق بالمرة
بمعنى
ان الواحد مننا يقول لك اقابلك بعد خمس دقايق
يجيلط بعد ساعه
وممكن ما ييجيش خالص
ومن ناحية تانية
مفيش خوف علينا
لان الناس اللى بتاكل ملوحة
عندها استعداد تبلَّع بالسولار
عادي يعنى
مش كده واللا اييييه