تصفيات للمسابقة الشعرية العامية

الأستاذ/ عبد الفتاح عبد الشافى



ريحت بالي من الهموم والتعب كله

من شال الهموم يشوف ف النعيم زله

خليك حكيم وانسي ا لاسيه والوحش كله

من راقب الناس شاف ف المنام زله



.....

علوا شويه الصوت سمعي تراه علي كده

اغزلوا تواب المحبه بس تكون علي كده

وزينوها بالعفاف وحطوا الورد علي خده

واللي يحبه النبي.... مين في الزمان كده

.....

ياللي نويت ع الجواز شوف الاصول مع مين

دور ونقي لعيالك خوال رايح تروح علي فين

الجيزه قسمه ونصيب... بس الملام علي مين

بكره ها تندم ياولدي..... وتتلام مع اللايمين



....

كل كلامك حكم......... ولقولك انا سميع

تصف الكلام بجمال .......كانه لحن بديع

كفايه الوفا منك .......ونستكفي بالتشجيع

اصل الموده قويه ...عمر الصديق مايضيع


....
هانت عليك الموده ... ورحت بعيد لناس تاني

مادول علموك الدرس لكن بطمعك بقيت جاني

خلي العزول ينفعك .. ياخاين العشره واناني

صوتك مسمعوا ابدا.. واياك اشوفك هنا تاني

.....

هذا انا اليوم اهني..... بالنصر وللفرح اشواق

عزيز علينا النصر............ولسينا انا مشتاق

ضحي الشهيد البطل عشان نتجمع بدون لفراق

تحيه في عيده مننا..... للي بني المجد راق راق


......


مصر تستاهل نضحي بالرخيص والغالي علشانها

نحفظ ترابها الحر ويظل العطاء موفور لنا في نيلها

والحر مايقبل مذله... ويهون العمر والنفس علشانها

وعشانها ناكل حصي... بس ترجع وتعود لامجادها

.....

انا من صغر سني...... احب الارض وترابها واعشق عيون بلدي.......... واتغني بامجادها ان كان حب الوطن تهمه....... تتلفق لاولاها مذنب انا ومعترف وللمحكمه واقف علي بابها .....

يتـــبع

الاستاذ /عبد الهادى المصرى



ياصاحبى كلامك جميل وعاجبنى
دخل القلب وفى حالى ما سايبنى
ده شرف ليا لو هدمه الزمان انا ابنى
و ابعتلكم ياهل المنارة تعالوا هناجنبى




......

ماهي صلاةالنبي تشرح كل قلب
وتداوي العليل من غير دوى ولا طب
واللي ينول رضاه ينال رضى الرب
ويابخت من عشقه وحبه كل الحب

....
هو اللي نشر الهداية في الكون
يا بخت من كان النبي له عون
يلقى الخير في قلبه من كل لون
يتوب العاصي ولله في خلقه شؤون

.....

احب النبى وفى حبه انا هايم
من كتر حبه ما اعرف ان كنت صاحى ولا نايم
يارب لغير حبه خلى قلبى عنه صايم
يارب اجعل حب النبى فى قلبى دايم




.....


يتبــــع

الأستاذ / اسامة احمد


يلى بتطلب شفاعته خليك على الدرب ساير
وطبق سنته وهديه فى العلن وفى السراير
هتصلح احوالك وهتشوفه وانت على السراير
هينقلب حالك والصعب يبقى اسهل من الحراير




......

ريح نفسك بذكره هتلقاله ظهور
مين غيره سند للملهش ظهور
ودافع عن زوجته وخليك غيور
دا ربك وضحها فى سورة النور
.......

فاكرياستاذنا زمان ..كان فيه دار المعارف
الطالب يتخرج كله ..ادراك ومعارف
والحين تعليم خاص ..ولا فيه تعليم ولامعارف
كيف نعلم عيالنا فى الخاص .. والله مانا عارف


......

هـــو فيه غير النبي طــــبيب يـــــــداوي
رحت لكــل الاطبه ملقيت غيره يـــداوي
انا جرحي بالداخل مينفعش فيه المكاوي
انت فى حبــه حريف وانا لســه هـــاوي

.....

ياصاحب العقل ..هذا طريق احمد
هتتبع طريقه اكيد .ف الحياه تحمد
وتعيش دوم فى .....النعيم سرمد
هتشوفوا بعينك ...وعمرها مترمد


.....

ياصاحبي خليك خل لخوانك
لسانك عفيف وعمره مخانك
دايم مع الحق واقف بمكانك
قلبك نظيف باين على لسانك


يتـــبع

الأستاذ /سعيد العارف


دى مرة يا أستاذنا والسلام
وبكره هنرجع تانى للكلام
اللى كنا بنقوله من زمان
الشعر مالوش قيود ولامكان
....

ليالى نسهر نخاطب المحبوب
وصفونى الناس وقالوا مجذوب
مايعرفوش أنه خوف من الذنوب
بس حلمى فى يوم أرجع واتوب

......

قلمى يكتب ويسطر احلى الكلام
ينشد ويطرب ويشق نور الظلام
يحلم بفجرجديد تحلى فيه الأيام
أصحى ياقلبى لتموت على الأحلام


.....


ملوك الدنيا فى النكتة هما المصريين
العالم كله يعرف كده واحناكمان عارفين
لومضحكناش على نفسنا يضحك علينا مين؟
خلينا بس نحلم خلينا دايماكده تايهين



....


ياناس التوهة تيجى فى العمر كذا مرة
صحيح طعمها ماسخ وتحس أنها مُرة
بس مطلوبة علشان الأقلام تكون حرة
وأحنا بأيدنا الحزن و بأيدنا المسرة

....

هيمان أنا والحزن فى قلبى ساكن
داقت عليا الدنيا وداقت عليا الأماكن
قلت اروح للحبيب اللى حبه فيا ماكن
قالى انت اللى دخلت مابينا كلمة لكن


....

ناوى أنا أتحرر من كل القيود
واجيب الحق لو فى عرين الأسود
ماهو فى النهاية كده كده مفقود
خليها تبقى نهاية فى رضا المعبود


يتبــــع

أسير الغربة ( أبو ندى

هامتك وسط الرجال مرفوعه
بادبك وبطيبة القلب متبوعه
للخير والنصيحه دايم مدفوعه
زهرة ومن الشوك منزوعه

....

يا زهرة فى بستان الخيرمحلاها
من الايمان والتقى ربى عطاها
طلاقة لسان وكم من الايمان جواها
دايم تعمل فينا مقالب وهى براها
....


يا رب على بعد الحبيب مجبور
كل ما احرث الارض وارويها ترجع تبور
اغيب سنه واقول مسيرى ارجع للنور
الاقى نفسي كانى فى ساقيه و بدور
....

هنا فى المناره عرفتك وعرفتنى
كنت الاخ والصديق وبالنصيحه تمدنى
الحب فى الله دايم يشدك لى ويشدنى
نفس الشعور دايم اودك وتودنى

....

الاستاذ/ حماده شحات

مال الاصيل انتهي مش باقي منه ولاحاجه
اوصيك ياصاحبي متاخد ولا تدي للخسيس حاجه
اللومه عليك يازمن تخلي ولاد الاصول محتاجه
لو الادب والصدق بيدوم مكانش جري للدنيا ولاحاجه


.....


هاتي يادنيا الحظ واضحكي للغلبان
منتظر ضحكتك والله بقاله زمااااااااان
هاتي الفرح من تاني وارحمي بني الانسان
خلي الجميع يحس بسعاده ويبات كمان فرحان

...
يوم الحساب كله مواقف
غني وفقير علي الباب واقف
واللي هيجي عليه الدور
هيشوف عجايب وانا خايف

....

دليلي احتار وانا بدور وانادي
طلع صوت القلب اعلي من صوت المنادي
كلنا بنحبك ونصلي علي النبي الهادي
يارب يكرمنا وازورك يانبي وامتع فؤادي

....

نصلي عليك يانبي كل ساعه وكل يوم
دي صلاتك يانبي بتشيل من قلبي الهموم
من صلي عليك يانبي بيعرف يجي له نوم
ومن لم يكثر الصلاه عليك اكيد هو دا المحروم


......


ياحبيبي اشتقت اليك والي رؤياك
ياحبيبي يامحمداً القلب والروح فداك
اجمل ايام عمري هو يوم اري نفسي القاك
القلب يعشق سنتك ياخير نبي المولي اصطفاك


.....
هات يازمان العمر من تاني
ياريت يازمان تنسيني احزاني
اشوف معاك كام يوم حلوين من تاني
يصعب عليا الفراق ماخاين يازماني



......


أنتهت التصفيات المبدئية لاجمل الرباعيات

وانا كده دورى انتهى

والتصفيات النهائية للادارة

كلل الله جهدك بالنجاح

ولا ادري لماذا تتغافلين

مساهماتك متعمده

وتؤثرين الاعضاء علي نفسك دائما

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا مش تجاهل يا أبو جمال

لكن ما ينفعش ابدا ازكى نفسى

ويكفينى شرف المتابعة والرصد

هذه وحدها تكفى

وفى انتظار التقييمات النهائية للاستاذ على

ليخرج لنا من بين المتسابقين ثلاث فائزين

وأنا

الاستاذ علي عبد الله

اتفضل..

تاجل ليوم الاثنين

طيب ماشي الحال

ما تستعجلش الامور يا عبقرينوو

ان شاء الله كل واحد حاياخد حقه

وانا افض ارائكم

وكفايه كده

احسن اسيبكم وامشي

انا متابع فقط

اعطوا فرصه للشباب

واحنا العوجيز كفايه علينا نشوف شبابنا فيكم

خلاص بقي
........

لم ادخل المسابقة
طمعا فى فوز او جائزة
وهذه اول محاولاتى
وحضراتكم السبب
الذى دفعنى للمشاركة
وارشح استاذنا
الحاج صلاح النجار
والاخ الكريم الاستاذ
عبدالفتاح
والاخ الكريم
سعيد العارف
وهذا فضول منى
تقبلوه بصدر رحب[b]

أنا أرشح الأستاذ الفاضل الكبير اللي فاجأني مستواه الشعري العالي
ارشح
الأخ
أحمد السنبسي
صاحب المشاركة الوحيدة

[color=blue] العم
والاستاذ
والاب
والاخ
والصديق
والقدوه
والمثل
الحاج / صلاح النجار
نحبك فى الله ، لقد غمرتنا السعادة بمشاركاتك
وتعلمنا منها الكثير ، وكل اناء بما فيه ينضح
والشيء من معدنه لايستغرب
نعم سيدى المسابقة كانت فرصة للتقارب والدخول
الى فكر وفلسفة الاعضاء ونحمد الله ان هناك تقارب شديد
رغم تفاوت الاعمار وهذا من نعم الله علينا
دام الحب
دام الوصل
دام الاحترام
ولقد طلبنا من احبتنا فى الادارة
وبخاصة الفاضل الاستاذ على
بمواصلة العطاء الشعري للاعضاء
بعد اعلان نتيجة المسابقة
وقد تم بحمد الله الموافقة
فلتمتعنا بمشاركاتك القيمة
داعين المولى القدير
ان يديم عليك التوفيق
وان يمتعك بالصحة والعافة
فانه القادر على ذلك
اما عن نتيجة المسابقة
امل الا تعلن النتائج
فالكل فائز

المسابقة انتهت ...............والشعر منتهاشي
الشعر احساس ...............مش اكلت محشي
الكل فايز حتى لو .........الادارة متوجتاكشي
كلكم حريفه بالشعر فكرتونى بالاعب كوارشي

اين انت ياعم ابو جمال
عبقرينوووووووووووو
سعييييييييييييييييييييييييد
ناججججججججججججح