الدنيا وما فيها
أغنية كلنا بنعيش فيها
جايز بسهوله نسمعها
بس صعب الكل يفهم معانيها
بنكتب اغانى كتير فى أورقنا
كلام صح او حتى غلط
ياعم اكتب هو فيه حد شايفنا
وفيه ناس تغنى
وناس تانية بتسمعها
وناس من كتر الهم
بتغنى على أوجعها
ومفيش حد منا بيسمعها
-****
وساعات بنضحك على قلوبنا
بحب مش موجود
وحد فينا عايش عل الأحلام
بيتمنى اللى هجره امبارح
النهارده يعود
يفضل عايش على ذكراه
ويتمنى ف يوم يلقاه
والتانى ولا هو معاه
عايش حياته فى حب جديد
ومش فارقه معاه
آهات ولا تنهيد
****
وواحد بيغنى على واحده
وهى بشوق سمعاها
وم الفرحه متخده
حاضنة أيده بأيديها
وعينيه بتغني على عنيها
كلام كتير بيتقال بلا معنى
ياحبيبى غنى غنى غنى
هو فية حد سامعنا
****
وصاحبنا من الفرحه
سلم دقنة للمدام
تغنى عليه
وهو يصقف ويقول الله
ونعم الكلام
****
واختنا قاعدة ويا جارتها
بتغني عليها وواخدة راحتها
ولو شفتها ف البيت
تبكى ياولاداه على بلوتها
وكلها اغانى
عايشين فيها
مره نسمعها
وكتير على بعض بنغنيها
.............................................
اتمنى تنال اعجابكم
..................
امام الهوارى
..................
موضوع: الدنيا وما فيها 
22/12/2010, 2:34 pm
