راعي السلام

موضوع: راعي السلام 11/1/2011, 12:15 am

راعي السلام
.........
مين اللي قال إن السكوت أفضل واسلم م الكلام

مين اللي قال إن الزمن هو الزمن من ألف عام

مين اللي قال إن العروبة تاج على راس الأنام

مين اللي قال إن احنا من نسل الإمام ابن الإمام

مين اللي قال إن الأسد يفضل أسد لو لحظة نام

مين اللي قال إن الكلاب لو تغتسل تطهر تمام

مين اللي قال إن الحجارة ف أرضنا تطرح سهام

مين اللي قال إن الحجر ف يد الصبي زي الحسام

مين اللي قال إن اليهود ليهم عهود من عهد سام

مين اللي قال إن السلام حيكون على إدين الحاخام

مين اللي قال إن القدس ترجع بالصلا وكتر الصيام

النصر ميجيش بالصلا النصـــــر ييجي بالاعتصام

وأعدوا قالها ربنـــا والآيـــــــــــة واضحة يا كرام

يا خلق فوقوا وصحصحوا وكفاية ملينــــــا الكلام

لو احنا ظلينا كده قولو على القـــــــــدس السلام

الأندلس يا خلق ضاع والخوف على البيت الحرام

وأغرب حكاية سمعتها يبقى العدو راعي السلام

ـــــــــــــ بقلم دكتور منصور الأنصاري

موضوع: رد: راعي السلام 11/1/2011, 12:46 am

حبيب القلب الغالي دكتور منصور

مين اللي قال إني انت مش شاعر بولاد اللئام

مين اللي قال إني انت مش ولي وليك كلام

حلو المعاني وتصحي فينا نخوة رجال عظام

وانا قلت فيك يا شاعر بكل لغات العالم تمام

شاعرنا الجميل دكتور منصور ابن العم الغالي معاني جميلة

بتصحصح فينا أيام زمان ... صادقة هذه التراكيب والصور

وهات كل اللي انا عارفه ولسا منزلش ....

حبيب قلبي يا دكتور منصور ....

موضوع: رد: راعي السلام 11/1/2011, 1:41 am

طبعا بعد رد الاستاذ مفيش كلام

بس استحملونا نعدى ونرمي السلام
وننول شرف المرور بأساتذتنا الكرام
ونبدي لدكتورنا العزيز كل احترام
واسمح لي يا استاذي اقول بعض الكلام
للاسف السبع نام
وساب قضيته للئام
ومجد اجداده الكرام
راح في الظلام
وولاده تاهوا ف الانقسام
مش عاوز اطوِّل عليك
كفاية [ندعوك للتسجيل في المنتدى أو التعريف بنفسك لمعاينة هذه الصورة]
خلص الكلام

موضوع: رد: راعي السلام 11/1/2011, 8:50 am

ومين اللى قال

رائعة وجميلة ومعبرة عن واقع نعيشه ونحياه ونقد جميل جدا لحالنا

الذى نحياه بطريقة رائعة جدا وجميلة .شكرا استاذنا الكبير الدكتور

منصور الأنصارى .تسلم إيدك وجزاك الله خيرا