نداء عاجل من القلب

اولا كلامك جميل بجد وانا مختلفتش معاك يا استاذ نصر وفى كثير من الشباب يوافقون رائيك العظيم بس فى حاجه الشباب بيكررها بيقولو لو احنا انسحبنا يبقا استفدنا ايه مكانش لها لازمه من الاول المظاهرات وفى نفس الوقت يقولو احنا فى نظر الناس استسلمنا وهو العكس عايزين نقول للعالم كله ان مصر هتفضل مصر وشعبها هيفضل ايد واحده وعمرنا مهنخلى حد يشمت فينا ومبارك عمره مكان يهودى او من اى بلد تانيا علشان تستسلمو هو مصرى زيكم ويكفى الكلمه التى قالها انا هموت فى ارض بلدى ومش هسيب مصر يعنى من حقنا نحس بكلامه ونقدره ويا عالم ممكن يكون حس بالى كان يحصل وعرف خطاءه وربنا يهديه ويتوب عما فعله وكل ابن ادم خطاء فنحاول ان نبقى ايد واحده ومنخليش اى حد يشمت فينا مهما كانت ظروفنا فنحنو احرار احرار احرار بنقولها للعالم محدش له دعوه بينا كل دوله وفيها الى مكفيها ومبارك مننا وعلينا

اشكرك استاذ عمر على ردك وتواصلك
اتمنى من الله أن تنتهى الازمة على خير وسلام
فى سبيل امن مصر واستقراراها ولا نغفل الشهداء
من اخواننا الشرفاء فهم صنعوا التاريخ الجديد

الرجاء منكم توجيه رسائل نصح وارشاد للشباب عن طريق الفيس بك
وما تم انجازة وتغيرة في الدستور عمل يسجل في التاريخ
وعاشت مصر حرة لجميع المصريين

ودمتم بخير وامن وامان

ما قاله الرئيس جميل جدا ومرضي جدا وكتر خيره
بس ايه الي يضمن تحقيق الكلام ده وعدم الالتفاف حواليه وافراغه من محتواه
وهذا ليس بجديد علي هذا النظام
وكلنا نتذكر الوعود بتعديل الدستور السابقة وشفنا شكلها ايه
ثم انه قال انه سينهي خدمته ولن يترشح ولكن من يضمن ان ابنه الهارب الان لن يترشح وتعود الامور اسوأ مما كان
ولماذا لم يحقق هذه المطالب من قبل طالما انها عادلة
يا اخوان هذه ثورة علي الفساد يجب ان نناصرها جميعا
من في التحرير هم اخوة لنا يتحدثون باسمنا ويريدون الخير لنا فماذا لا نقف معهم لاجل مستقبل افضل وتغيير حقيقي
النظام الان يترنح ويقدم التنازل تلو الاخر وهي ليست منحة ولكنها حقوق مشروعة
والحزب الوطني الان خرج من جحوره ويغدق بالموال ويدفع بالبلطجية والقتلة ورجال الامن الفارين لزبح هذه الثورة التي قامت من اجلي واجلك
لا تصدقوا الاعلام المصري وخاصة الرسمي وقناة المحور لان صاحبها عضو في لجنة السياسات وبعض القنوات الخاصة التابعة لرجال الاعمال الذين افسدوا هذا البلد

عاش ابطال التحرير وكل مصر وعاشت مصر بابنائها الشرفاء

الاستاذ مصطفي
اسمحلي ان اقول لك ان الرئيس السابق حسني مبارك ليس ابانا
هو موظف والشعب قال لا يبقي لازم يرضخ لهذه الحقيقة الواقعة لاننا تعبنا بصراحة
ربنا خلق الموت والحياة ومفيش حد مخلل فيها مفيش حد بيفضل علي طول
وبعدين التشبيه بالبيت غير لائق لانه لا اب ولا ضيف هو موظف بيؤدي عمل معين لدي الشعب وقصر فيه يبقي شكرا وكتر خيره
وبعدين حكاية حسني مبارك انه رمز غير لائقة ايضا لانك كدا تلغي عنه المحاسبة ايضا
المفروض من اخطأ يتحمل غلطه
وبعدين حتي لو كان اب يعني يكون اب رحيم علي ابنائه ويتنازل ويرحمنا ويكفينا الدماء
والاب ميسيبش ولاده في الشارع ويضرب عليهم بالرصاص الحي ويسلط عليهم البلطجية ورجال الامن اللي المفروض يحمونا علشان يقتلوهم
الشباب دول زيي وزيك تعبانين ومتهانين ومضغوطين وعايزين يعيشوا حياة كريمة
حتي الريس نفسه قال مطالبهم عادلة وقال في فساد
يعني هنكون ملكيين اكتر من الملك نفسه
اللي بيحصل في التحرير ده لاخوانا واخواتنا حرام وميصحش والناس بتتفرجع علي النظام الفاشل وهو بيقتل شبابه