قصيدة عبد الرحمن الأبنودى لثوار التحرير "الميدان" بخط يده

"اليوم السابع" ينشر قصيدة عبد الرحمن الأبنودى لثوار التحرير "الميدان" بخط يده



السبت، 5 فبراير 2011 - 17:23




[ندعوك للتسجيل في المنتدى أو التعريف بنفسك لمعاينة هذه الصورة]
الشاعر الكبير عبد الرحمن الأبنودى




[ندعوك للتسجيل في المنتدى أو التعريف بنفسك لمعاينة هذه الصورة]




أرسل الشاعر الكبير عبد الرحمن الأبنودى إلى "اليوم السابع"
المخطوط الكامل لقصيدته "الميدان" التى ألقاها أمس، الجمعة، فى برنامج
الحياة اليوم، وحيا من خلالها ثورة 25 يناير.

أيادى مصرية سمرا ليها فى التمييز

ممددة وسط الزئير بتكسر البراويز

سطوع لصوت الجموع شوف مصر تحت الشمس

آن الآوان ترحلى يا دولة العواجيز

عواجيز شداد مسعورين أكلوا بلدنا أكل

ويشبهوا بعضهم نهم وخسة وشكل

طلع الشباب البديع قلبوا خريفها ربيع

وحققوا المعجزة صحوا القتيل من القتل

اقتلنى قتلى ما هيعيد دولتك تانى

بكتب بدمى حياة تانية لأوطانى

دمى ده ولا الربيع الاتنين بلون أخضر

وببتسم من سعادتى ولا أحزانى

تحاولوا ما تحاولوا ما تشوفوا وطن غيره

سلبتوا دم الوطن وبشيمته من خيره

أحلامنا بكرانا أصغر ضحكة على شفة

شفتوتش الصياد يا خلق بيقتلوا طيروا

السوس بينخر وسارح تحت أشرافك

فرحان بيهم كنت وشايلهم على كتافك

وأما أهالينا من زرعوا وبنوا وصنعوا

كانوا مداس ليك ولولادك وأحلافك

ويا مصر يا مصر آن العليل رجعتله أنفاسه

وباس جبين للوطن ما للوطن داسه

من قبل موته بيوم صحوه أولاده

إن كان سبب علته محبته لناسه

الثورة فيضان قديم

محبوس مشافوش زول

الثورة لو جد متبانش فى كلام أو قول

تحلب وتعجن فى سرية تفور فى القلب وتنغزل فتلة فتلة فى ضمير النول

متخافش على مصر يا با مصر محروسة حتى من التهمة دى اللى فينا مدسوسة

ولو أنت أبوها بصحيح وخايف عليها أى تركتها ليه بدن بتنخره السوسة

وبيسرقوكى يا الوطن قدامنا عينى عينك

ينده بقوة الوطن ويقلى قوم

فينك ضحكت علينا الكتب بعدت بينا عنك

لولا ولادنا اللى قاموا يسددوا دينك

لكن خلاص يا وطن

صحيت جموع الخلق قبضوا على الشمس بأيديهم

وقالوا لا من المستحيل يفرطوا عقد الوطن تانى

والكدب تانى محال يلبس قناع الحق

بكل حب الحياة خوط فى دم اخوك

قول أنت مين للى باعوا حلمنا وباعوك وأهانوك

وذلوك ولعبوا قمار بأحلامك

نيران هتافك تحرر صحبك الممسوك

يرجعلها صوتها مصر تعود ملامحها تاخد مكانها القديم

والكون يصالحها عشرات السنين تسكونوا بالكدب فى عروقنا

والدنيا متقدمة ومصر مطرحها

كتبتوا أول سطور فى صفحة ثورة

وهما علما وخبرة مداورة ومناورة

وقعتوا فرعون هرب من قلب تمثاله

لكن جيوشه مازالوا بيحلموا ببكره

صباح حقيقى ودرس جديد أوى فى الرفض

أتارى للشمس صوت وأتارى للأرض نبض

تانى معاكم رجعنا نحب كلمة مصر

تانى معاكم رجعنا نحب ضحكة بعض

مين كان يقول ابننا يطلع من النفق

دى صرخة ولا غنى وده دم ولا شفق

أتاريها حاجة بسيطة الثورة يا أخوانا

مين اللى شافها كده مين أول اللى بدأ

مش دول شاببنا اللى قالوا كرهوا أوطانهم

ولبسنا توب الحداد وبعدنا أوى عنهم

هما اللى قاموا النهارده يشعلوا الثورة

ويصنفوا الخلق مين عنهم ومين خانهم

يادى الميدان اللى حضن الذكرى وسهرها

يادى الميدان اللى فتن الخلق وسحرها

يادى الميدان اللى غاب اسمه كتير عنه وصبرها

ما بين عباد عاشقة وعباد كارهة

شباب كان الميدان أهله وعنوانه

ولا فى الميدان نسكافيه ولا كابتشينو

خدوده عرفوا جمال النوم على الأسفلت

والموت عارفهم أوى وهما عارفينه

لا الظلم هين يا ناس ولا الشباب قاصر

مهما حاصرتوا الميدان عمروا ما يتحاصر

فكرتنى يا الميدان بزمان وسحر زمان

فكرتنى بأغلى أيام فى زمن ناصر

شايل حياتك على كفك صغير السن

ليل بعد يوم المعاناة وأنت مش بتأن

جمل المحامل وأنت غاضض

بتعجب أمتى عرفت النضال

اسمحلى حاجة تجن

أتاريك جميل يا وطن مازلت وهتبقى

زال الضباب وانفجرت بأعلى صوت

لا حركتنا نبتسم ودفعت أنت الحساب

وبنبتسم بس بسمة طالعة بمشقة

فينك يا صبح الكرامة لما البشر هانوا

وأهل مصر الأصيلة اتخانوا واتهانوا

بنشترى العزة تانى والتمن غالى

فتح الوطن للجميع قلبوا وأحضانوا

الثورة غيض الأمل وغنوة الثوار

الليل إذا خانه لونه يتقلب لنهار

ضج الضجيج بالندا اصحى يا فجر الناس

فينك يا صوت الغلابة وضحكة الانفار

وإحنا وراهم أساتذة خايبة

تتعلم ازاى نحب الوطن وامتى نتكلم

لما طال الصدى قلبنا ويأسنا من فتحه

قلب الوطن قبلكم كان خاوى ومضلم

أولنا فى لسة الجولة ورا جولة

ده سوس بينخر يا أبويا فى جسد دولة

أيوه الملك صار كتابة إنما أبدا

لو غفلت عينا لحظة يقلبوا العملة

لكن خوفى مازال جوه الفؤاد يكبش

الخوف اللى ساكن شقوق القلب ومعشش

واللى مش راح يسيبه ولسه هيبقوا

وهيلاقولهم سكك وببان ما تتردش

وحاسبوا أوى من الديابة اللى فى وسطيكم

وحاسبوا أوى من الديابة اللى فى وسطيكم

وألا تبقى الخيانة منك وفيكم

الضحك على البق بس الرك على النيات

فيهم عدوين أشد من اللى حواليكم



[ندعوك للتسجيل في المنتدى أو التعريف بنفسك لمعاينة هذه الصورة]

انتظرنى قريبا بقصيدة أروع مملوء حب وغيرة على الوطن الحبيب مصر وهى من تأليفى

كلنا نحب مصر ونتمني لها الخير والتقدم والرفعة والحرية وليس كما يصورنا الاعلام الرسمي وكأننا كلنا عملاء وخونة وان العرب من حولنا يريدون خراب مصر وان كل شخص شعره اصفر هو اجنبي خائن وان من يصلي في التحرير هو اخواني مخرب وان كل قنوات العالم تضمر سوءا بمصر لدرجة انهم استنفروا الجماهير ليفتكوا بالصحفيين والمراسلين ويشكون في اصابع يدهم وتحاشوا الحديث عن ابطال التحرير ومطالبهم الادلة وكأنهم عملاء لامريكا واسرائيل واحيانا حزب الله وايران والبعض اكد انه راي المتظاهرين في التحرير يشربون المخدرات ويصنعون قنابل المولوتوف ويخزنون الاسلحة والكثير الكثير
والعالم كله يضحك علينا ويسخر منا وكأننا دولة ضعيفة كلها خونة وعملاء وان من يطالب بحقوقه هو خائن
كلنا مصريون وكلنا وطنيون وكلنا نحب تراب هذا الوطن
ولكن الاعلام الرسمي المحسوب علي النظام البائد يقاتل من اجل البقاء حتي ولو كان بالاكازيب والتلفيق والكذب والخداع لانه يعلم ان مصيره المحاكمة والقصاص

نعم انتظر منك يا استاذ احمد قصيدة تكون في حب مصر وحب الوطن وانا اعلم انك وطني غيور

الله عليكى يا مصر يا ام الدنيا منصوره بولدك سلامى الى الخ الفاضل احمد عمر ربيعى واحب اشوف القصيدة بتاعتو علاء عبد الله المكاوى بفاو قبلى

أمال فين قصيدة اخترناك التي كتبها مدحا في الرئيس حسني مبارك

هذا الرجل المسمى بالأبنودي منافق ومتسلق وبألف وجه

معلش يا عم علي
يمكن مابعد 25يناير غير ما قبله
والخال كبر برضو
وكتر خيره

على فكرة

الأبنودي لو ما كانش منافق ماكانش وصل

لأن فيه شعراء مغمورين افضل منه ألف مرة

شكرا لكل من ساهم في الموضوع سواء بالسلب او بالايجاب