بيان شديد الهجه
من شعب تعبان ملمنهده
الى قصر الرياسه والنظام والحكومه الى على صدورنا لسه قعده
الشعب بيقدم بيان
مش عرفين نحس معاكم بلامان
ضيعتو هيبة مصر والشعب منكم مليان
ومن ساحة الاحرار الشعب بيبعت بيان
وبدون نقاش على الحكومه ان تنسحب وتترك لشعب الميدان
الشعب حزين ومنك يا مبارك زعلان
الشعب ثاير ثاير ضدد ظلمك ثاير ضد الطغيان
يا مبارك كنا شعبك كنا ليك بر الامان
اهملتنا ونسيت وجبك وباسوء معامله عاملتنا
قتلت جوانا الخشونه وفى بلاد الناس بهدلتنا
فضلت مصلحك علينا وبلحياه موتنا
انت فاكر انك هتفضل طول حياتك حاكم ووالى امرنا
نسينا فعهدك اننا عرب ونستنا كمان قدسنا
بيعتنا كل القضيه ومعاك نسينا حلمنا
اعدلك كل الماسى من يوم ما تربعت على عرشنا
اقلك ايه علفساد
اقلك ايه على الظلم فعهدك وكثرة لطهاد
كل البلد فعهدك بعتها فى ارخص مزاد
كم مليون جوعان فعهدك
كم مليون عريان فعهدك
كم مليون ماتت ودلوقتى عليهم راح نحسبك
كم ثروتك كم املك يا ريس عندك
يا خصاره انت خصرة حب شعبك
والبيان بختصار
ارحل وسيب البلد كفايانه منك دمار
ورد كل قرش اختو وحولتو لحسابك بدولار
ده مال الشعب مش مالك
كفايه هنسيبك تاخد عيالك
وتروح وترحل عننا وتعيش فحالك
وسبنا نقرر مصرنا
انت مش واصى علينا ولا بتمشى امرنا
احنا شعب مصر عوزين نختار بانفسنا حكمنا
احنا شعب حر بلاش تلعب بعقولنا
والى هنا خلص بيان ثورة الشباب
ومن ميدان الحريه كل الشعب وقع علعقاب
موضوع: بيان شديد الهجه 
11/2/2011, 7:09 pm
