يا امى
افرحى وما تخفى فيوم ضحكتك
عزفو ولادك على اجمل نغم غنوتك
وفى وسط الميدان رددو الله واكبر
وباجمل الالحان كانو بيرددو دعوتك
يا امى افرحى واقلعى يالله توب الحزن
قامو ولادك بثوره ولبسوكى توب جديد ابيض
وورى ظهرهم رمو توبك الاسود
ان كان الى حكمك عنيد ولادك كانو اعند
يا امى رحلو الطغاه
رحلو الخونه والى بيمصو دماكى والعصاه
داسو علينا وعليكى وحرمونا قولة اه
وجاهم وقت العقاب وكل ظالم ياخد جزاه
يا امى كلنا ملكك
بنصبر صحيح لكن ما خلفنا فى يوم وعدك
سنين طويله كانو يعندوكى
وجه اليوم ولادك يعند والى بيعندك
ومهما طال اليل علينا شايف من بعيد فجرك
ولملم اليل الطويل خيوطه افرحى ولادك اهم جنبك
على عهدهم جيين يجددو عهدك
حبوكى يا امى وبعدك ما حبو حد
حلفو اليمين واقسمو ليجددو معاكى العهد
ما تغيب ابدا فى يوم شمسك ولا خيوط اليل من جديد تتمد
حلفو ليجرى النيل على ارضك حر
يحكى حكاية ولادك الى داقو المر
ولادك الى جم هنا يحرروكى رفضين يعيشو فذل
يا امى افرحى ولادك اهم احرار
ولادك من الثوار
من يوم محلفو يمين واشعلو فتيل النار
فى ساحة التحرير ملحمه بتطارد الاشرار
يا امى امسحى دموعك
انا عارف انهم ظلمونا وظلموكى
خانو القسم واليمين وللغرب باعوكى
خانو الوطن بخسه ونداله متزعليش مننا هما الخانوكى
امسحى دموعك يا غاليه احنا من الاحرار
وهنقتص منهم ومنهم هناخد التار
وهنخلصك منهم من شلة الاشرار
دم الشهداء على ارضك سال واشعل فتيل النار
وبدئة يا امى خلاص ابتدة دولة الاحرار
واما الشهيد بندعيلو ربنا يتغمدو برحمتو
فى جنتو جنة الابرار
موضوع: يا مصر يا امى 
15/2/2011, 7:16 pm
