اتوحشتك

موضوع: اتوحشتك 25/3/2011, 10:12 pm

اتوحشتك
و اتوحشت الرمية فى حضنك

و اشتقت ابعبع مكنونى

وافرفت دمعاتى واقولك اتوحشتك

ولا بنساش اول ما حبيتلك

وزحفت على ركابى وجيتلك

رفعتنى كفوفك لكتافك

طولت ساعتها السما وانا طاير

والدنيا قدامى بشاير

والفرحة جوايا صبية

اتشدت اوتاد صبابيا

فوق الطين الطيب هوا

دبت قدمى تقول خطاويا

ايوة يا امى وحشنى نجيلك

ايوة انا راجع تانى اجيلك

رافع كفى لربى ادعيلك

يحفظ نخلك ويزيد خيره

والجمّار والنيرخ يامه

وجريد متحمس بيسمى

شارب شهد النيل الصافى

متودك عافية ومتعافى

اتوحشتك ساقية تدور

ونسايم شفافة بدور

جلابيه وصديرى وعمة

عمى وخالى وجد وعمة

وغيطان شقيانة وبتواصل

خيرها لكل ولادك واصل

ابكى فى سرك قولى الحاصل

كنتى وكنت صغير يااااااه

ولسة كما انتى ما قولتى الاه

ياه يا امايا و تلاتين ياه

قلبك شايل حمل يهد

عمر بحاله معدى ما خد

اشتقت لايام بحبوحة

ع الجسر وبندر والشوحة

ولعب اخدنا كتير من ناسنا

اتونسنا فيه بالخاطب

وحكاوى تتقال يا مساطب

عيشانا ومحفورة فى روحنا

روحنا لفين استرها يا ساتر

من عصر العَرَيان الفاجر

وصدور الخلق المليانة

انين و مواجع

جعلت فينا الواهى الهاجع

حاشت ضحكى فى قلبى الاخضر

وانا قاعد صابر متشمر

شايل قلمى معايا بحاول

اصبح مثلك

اتربيت على راحة مَثَلك

عسلك حتى ان مرر عسلى

شارب منه راضى وقانع

ياللى ترابك راح يسترنى

جوا فى حضنك اشكر ربك

اللى حباكى بقوة صبرك

فاض على كل احبابك شهدك

واما اشتقت انا ليكى جيتلك

شفتى يا غالية انا ليه اتوحشتك

موضوع: رد: اتوحشتك 25/3/2011, 11:46 pm

استاذ يسرى حنفى

بدايه دعنى ارحب بسيادتكم اخ عزيز على صفحات منتداكم مناره دشنا

وثانيا اشد على يدك وقلمك الرائع الذى خط من الكلمات احلى واجمل كلمات

منظومه شعريه رائعه عبرت عما يدور بداخل اروقه تفكريك

فلست وحدك الذى افتقدت مصر واوحشتك كلنا اتوحشنا مصر

وقبل مانرجع ليها رجعت هى لينا

حاولت ان اقتبس بعض السطور التى اعجبتنى فوجدتنى سااقتبس القصيده كلها

رائع استاذ/يسرى

تقبل خالص تحياتى وتقديرى بالانابه عن اسره المناره وبالاصاله عن نفسى

وانشر روائعك كلنا اذان صاغيه وعيون شاخصه

موضوع: رد: اتوحشتك 26/3/2011, 5:47 pm

مصطفى عدلى كتب:

استاذ يسرى حنفى

[b]بدايه دعنى ارحب بسيادتكم اخ عزيز على صفحات منتداكم مناره دشنا

[b]
[b]وثانيا اشد على يدك وقلمك الرائع الذى خط من الكلمات احلى واجمل كلمات

[b]
[b]منظومه شعريه رائعه عبرت عما يدور بداخل اروقه تفكريك

[b]
[b]فلست وحدك الذى افتقدت مصر واوحشتك كلنا اتوحشنا مصر

[b]
[b]وقبل مانرجع ليها رجعت هى لينا

[b]
[b]حاولت ان اقتبس بعض السطور التى اعجبتنى فوجدتنى سااقتبس القصيده كلها

[b]
[b]رائع استاذ/يسرى

[b]
[b]تقبل خالص تحياتى وتقديرى بالانابه عن اسره المناره وبالاصاله عن نفسى

[b]وانشر روائعك كلنا اذان صاغيه وعيون شاخصه
>>>>>>>>>>>>>>>>>>>>>>>>>>>>>>

الاستاذ مصطفى عدلي تحياتي وكل تقديري الي شخصك الكريم والي اعضاء منتداكم الكرام

سعيد جداَ بردكم الراقي وسعيد بوجودي بينكم وان شاء الله سوف أتواصل معكم وأمر على أعمالكم على

[ندعوك للتسجيل في المنتدى أو التعريف بنفسك لمعاينة هذه الصورة] مضض دمتم جميعاَ بخير وسلام شاكر على ترحابكم تمنياتي لكم بالتقدم والازدهار
[/b][/b][/b][/b][/b][/b][/b][/b][/b][/b][/b][/b][/b][/b][/b][/b]

[b][b][b][b][b][b][b][b][b][b][b][b][b][b][b] [/b][/b][/b][/b][/b][/b][/b][/b][/b][/b][/b][/b][/b][/b][/b]