الله عليكي يا مصر

موضوع: الله عليكي يا مصر 4/4/2011, 5:24 pm

الله عليكي يا مصر
الله عليكي يا مصر لما تعلي فيكي الكلمه
الله عليكي يا مصر وعلي شباب مليان همه
لما رفع صوته وقال كلمته بحكمه
لما رفع صوته في وش بشر ما عندهم ذمه
...شباب رفع صوته لما ضاعت منه اللقمه والهدمه
وربنا يكرمني بالالهام اني اكتب دا الكلام
ما احنا كلنا مشتاقين ولنصره الوطن مشتهيين
بس نفسي اعرف ايه اللي مزعل الهام شاهين
الشباب قال كلمتهوكل واحد يا ست حر في جزمته
يربطها بنظاماو يمشي حفيان ايه اللي مزعلك الهام
واللي مجنني الكلام اللي قالته الست سماح
سماح البيه افندي ابو شنبات
اللي عمري ما حسيت انها من البنات
اللي عاوزه تحرق الشباب وتولع فيهم بالغاز
ونفسي اقولها كلمه واسالها سؤال
انتي مصريه وشربتي من ميه النيل يا سماح
ولا انتي حبيبه الريس وعلاء وجمال
والله كان المفروض يهدروا دمك في التحرير
ويضربوك بالجزم يجلدوكي بالكرابيج
زمن الشحاته يا عم حسن يا شحاته راح خلاص
كان نفسي تكون معانا بكل امانه واخلاص
زمن اللي صقفلك زمان واللي عبي جيبك ولي خلاص
وبلاش تلعب مع المشبوهين لتروح في الرجلين
بس من حقك تزعل ما كسبك ملايين
ده زمن الرجاله نادر يا شحاته ومش هتلاقيه
بص علي ابنك نادر ما انت عارفه ومربيه
الله عليه لما قال انا مصري ووطني بروحي افديه
واسمي نادر السيد ودمي لتراب وطني نيل يرويه
شباب شات الكلمه كوره وجات جون
اتهزهت ارض الوطن والعالم قال الوطن منصور

والقلب ارتضي والعقل رسي وقال خلاص هنفوق

هنبني ونعلي افهم الكلام يا مرتضي يا منصور
وبلاش تعاند في الحق ما انت تابع للنظام المخلوع
كل المستور اتكشف يا منصور الحق نفسك لتغور
واحب اقولك كلمه انت والغندور
الثوره هتكسب وهنجيب الجون
ومن بعد النهارده لا فيه غندور ولا مرتضي منصور
وخليكم يا معارضين قاعدين معززين مكرمين
وخلي معاكم اسامه سرايا ومكرم نقيب الصحفيين
اصلهم ع الحلم الجميل مش متعودين
اصحوا يا بشر يا معارضين الثوره يا منافقين
ولا لسه نفسكم في فتوي جديده
كفياكم حجج واهيه بليده
الشباب خلاص نوي علي جمعه الاستقلال
وعلي جمعه قال هظلموا مبارك حرام
الله الله ع الفتوي اللي مطبوخه تمام
علشان نتخلص من نظام فاسد يبقي حرام
امانه ده مفتي لما هي مش كلمه تتقال نقول عليها امين
افهم الكلام يا تامر يا امين
بلاش تذيع كلام مش فاهم معانيه
افهم ان مصر النهارده خير وامان
وافهم الكلام كمان انت يا خيري يا رمضان
مصر النهارده والحياه اليوم مش برنامج سامر
ولا48ساعه وموضوع في محور واحد
يا سيد يا علي ويا هناء يا سمري دي قضيه امه بتتناقش
امه املها الوحيد انها تعيش حلمها
امه املها انها تحرر ارضها
ودايما تتمني تكون سيده نفسها
مصر النهارده وبكره شبابها شباب السعد
علي صوتك وقول يا محمود يا سعد
تحيا مصر تحيا ثوره التحرير
وكل ليله من لياليكي يا مصر ليله عيد
ارقص غني افرح يا احمد يا عيد
يا سلام ع الفرحه لما تنجح الثوره
في لحظه شعله امل تطلع طلعه معلم
زي طلعت زكريا في فيلم طباخ الريس
طبعا الكل اتفرج وشاف اللي ما يتشافشي
علشان كده طلعت ابو زكري ما خافشي
وقال يا شباب الريس كده ما يتهانشي
شفت يا عمرو يا واكد انا قلتلك ما صدقتش
انه كله واكل قلت اللي بيكتب ما يخافشي

قلت انا خايف ليضيع حلمي من تاني
وارجع لاحمد حلمي ابيع فول سوداني
انا بدعي يا رب التيسير في كل حال
انا فهمي علي كدي بس والله فرحان
تسلمي يا تيسير يا فهمي يا مصريه تمام
بس اللي مخوفني الواد مدحت شلبي
اصله بيبرطم بالكلام وبيهين ثوره الشباب
بس لازم اقول الكلام اللي في قلبي
انا مصري صعيدي عاشق لتراب وطني
صعيدي دشناوي ولموالك يا بلدي غاوي
وكلامنا من قلبنا مش حكاوي قهاوي
انا قلت كلامي وهكمل القول من تاني
ثوره الشباب ضد التسيب والانحلال
ثوره تاريخ خالد علي مر الزمان
وزي ما قال خالد ابو النجا الواد الفنان
انتي يا مصر بلد الحب والامان
وثورتنا ثوره شباب متنور ذكي
والله ده يوم الهني والمني كله عندي
ان الثوره منوره زي عروستي في ليله زفتي
زي النجمه اللي ساطعه في سما بلدي
وسبحان اللي وفقنا ويسر مهمتنا
يا وش السعد علينا يا مني ذكي
بقلم/علي ابراهيم
ت/0147693355