مصطفى البغدادى
عضو جديد
العمر : 39
عدد الرسائل : 52
تاريخ التسجيل : 04/12/2009
 |  موضوع: قصيده لشهداء ثورة 25 يناير  22/4/2011, 8:11 pm | |
| الحمام والعنكبوت
فى ليله بارده من ليالى الظلم والخوف والسكوت
والدنيا غاب عنها القمر ياما
والعتمه بومه مفرخه فوق كل بيت
والعنكبوت
العنكبوت فارش خيوطه فوق جدار الكون
مع كل خيط يطلع ممص
مزروع ف عرق من عروق
جسمى النحيل
وانا زى طير مجروح ومضروب بالرصاص
راقد ولكن مش قتيل
تنزف عروقى ف ليل طويل
ولما يخلص دمها تسحب نخاع العضم
أرفس بالجناح
ومن بعيد أشوف حمام طاير لجاى
ساحب بمنقاره الضعيف خيوط
أجمل صباح
منظر بدييييييييييييع
والصبح بيشقشق ويفرش فرشته
يكنس بقايا ليل طوييييل
ويمسع عتمته
أفوق أنا
أفوق انا من رقدة الألم المتين
والعنكبوت
العنكبوت جاى يجرى من فوق كل خيط
مالصيد ثمين
حمامات وجايالنا بسلام ترفرف فى السما
ولما تعبت قالت أرتاح م الضنا وانزل
نزلت على عشوش الأمل
فرشت جناحها عالرصيف
والعنكبوت جاى من بعيد هايج كفيف
صادت رجوله أغلى دم ف مصرنا
وصاد كتير
لكن على باب الأمل الصقر لاح
قطع خيوط العنكبوت وفتح شبابيك الصباح
وقف الحمام زى النسور هايج على الفوج
اللى راح
كسر رجول العنكبوت
وفرش جناح النور على كل البيوت
ورفض يموت
والنحل عشش فوق نسيم الصبح
حالف ليصنع للبلد أجمل عسل
عارف بإن الصبح حالف ينتصر
والضلمه لمت لبسها والليل رحل
وفضلت أنا صاحى هنا
وف قلبى شايل مصرنا
وفضلت انادى بأعلى صوت
نام ياشهيد نام ياشهيد
ماتخافش أبدا عالخلايا
أنا هنا
صاحى ومالينى الأمل
صابر ومستنى العسل
صابر ومستنى العسل
29/3/2011
| |
|
